[COMPLETED] ဗီလိန်ဗျူဟာ || ဘာသာပြန်

[၈၃] အမွှေးနံ့သာတောက်လောင်ခြင်း။

!unicode!

အခန်း(၉၀) အမွှေးနံ့သာတောက်လောင်ခြင်း။

.......

သူမ၏ပိုင်ဆိုင်မှုထဲတွင် မှော်လက်နက်များစွာရှိသော်လည်း ပြိုင်ဘက်များဟာကြိုတင်ပြင်ဆင်လာပြီး လူအရေအတွက်မှာလည်းများပြားသည်။ မကြာမီ၌ လေလွင့်ကျင့်ကြံသူဇီဟွေ့၏ဝိညာဥ်စွမ်းအင်သည် မှော်လက်နက်များကိုထိန်းချုပ်နိုင်စွမ်းမရှိတော့။ သူမ၏လက်မောင်းထပ်မံအရိုက်ခံလိုက်ရပြီးနောက် သူမအလျင်စလိုအော်လိုက်သည်။
"နေအုံး!"

ကောင်းလဲ့၏လက်ကလေထဲတွင်တန့်သွားကာ တိုက်ခိုက်မည့်အနေအထားရှိလျက်သားဖြင့် အနည်းငယ်ပြုံးလိုက်သည်။
"မင်းနောင်တရနေပြီလား။"

လေလွင့်ကျင့်ကြံသူဇီဟွေ့အံကြိတ်ကာ ပြောမိသည်။
"ရှင့်ကိုကျောက်စိမ်းပေးလိုက်လို့ရှိရင် ရှင်ကျွန်မတို့ကိုလွှတ်ပေးမှာလား။"

ကောင်းလဲ့၏အကြည့်မှာသူမ၏ခေါင်းအစခြေအဆုံးဝေ့ဝဲသွားပြီးနောက်တွင် နောက်ဆုံး၌ဇီဟွေ့၏ရင်ဘတ်ထံတွင်တန့်သွားသည်။
"မင်းဘယ်လိုထင်လဲ။"

လေလွင့်ကျင့်ကြံသူဇီဟွေ့အသက်ရှုကာ ခေတ္တမျှဆွံ့အသွားရသည်။ ကောင်းလဲ့ဆက်ပြောသည်။
"အနောက်ဖက်လင်းယင်ဂိုဏ်းကိုပြဿနာရှာချင်နေတာ ထျန်းရွှမ်ဂိုဏ်းတစ်ခုတည်းမဟုတ်ဘူး။ ကျုပ်မင်းကိုသွားခွင့်ပေးလိုက်ရင်တောင်မှ မင်းရဲ့စစ်ရှုံးဂိုဏ်းသားတစ်စုနဲ့ မင်းဘယ်လောက်ဝေးဝေးသွားနိုင်မှာမို့လို့လဲ။"

လေလွင့်ကျင့်ကြံသူဇီဟွေ့၏မျက်နှာထားမှာ အကြိမ်အနည်းငယ်ပြောင်းလဲသွားချေသည်။ သူမအချိန်အတော်ကြာတွေးတောပြီးနောက်မှ နောက်ဆုံးတွင်တွန့်ဆုတ်စွာပြုံးလိုက်သည်။
"ကောင်းသခင်ပြောတာမှန်ပါတယ်။ ကျွန်မအခုအဲ့အကြောင်းမစဥ်းစားနိုင်သေးဘူးဆိုတော့ အနာဂတ်မှာကျွန်မတို့ကိုဂရုစိုက်ပေးဖို့ ကောင်းဂိုဏ်းချုပ်ကိုပဲတောင်းဆိုရတော့မှာပဲ။"

ကောင်းလဲ့ထိရှစွာရယ်မောလိုက်မိသည်။ လေလွင့်ကျင့်ကြံသူဇီဟွေ့၏ရုပ်ရည်သွင်ပြင်ကား အမှန်တော့လှပပါသည်၊ သူ့အားပို၍ဂုဏ်ယူစေသည်မှာ သူမမည်သူမည်ဝါဖြစ်ကြောင်းပင်: လင်းယင်ဂိုဏ်းကား လူတိုင်း၏အထက်တွင် နှစ်ပေါင်းများစွာထိုင်လာခဲ့ပြီး တစ်နေ့မှာ ထာဝရရှင်သန်သူဆရာတိမင်၏ရှစ်မေ့တောင်မှ သူ့အောက်မှာရောက်လာလိမ့်မည်ဟု မည်သူတွေးမိအံ့နည်း။