[COMPLETED] ဗီလိန်ဗျူဟာ || ဘာသာပြန်

[၈၃] အမွှေးနံ့သာတောက်လောင်ခြင်း။

ဂိုဏ်းသားများသည်အချင်းချင်းမပျော်ရွှင်စွာကြည့်လိုက်မိကြသည်။ အဆုံးတွင် သူတို့ဟာကျော်ကြားသောဂိုဏ်းထဲသို့ဝင်ရောက်ခဲ့ကြပြီး ဂုဏ်ယူဝမ်းမြောက်ခဲ့သောနှစ်ပေါင်းများစွာအပြီး၌၊ သူတို့၏ကိုယ်ပိုင်ဂိုဏ်းကိုအပုပ်ချဖို့ရာ သူတို့အတွက်ခဲယဥ်းလှသည်။ သို့သော် သူတို့ဝန်းကျင်ရှိ မြားကဲ့သို့ပေါင်းပင်များဟာ ချက်ချင်းပင်တစ်လက်မပိုရှည်လာသည်မှာ ပစ်ရန်အသင့်ဖြစ်နေသောဒူးလေးသဖွယ်။

ညာဘက်ရှိပထမဆုံးတစ်ယောက်မှုကြောက်လန့်စွာဖြင့်တုန်ရီနေပြီး အလျင်စလိုပြောလာခဲ့သည်။
"ထျန်-ထျန်းရွှမ်ဂိုဏ်းပါ။ ထျန်းရွှမ်ဂိုဏ်းက ကမ္ဘာပေါ်မှာနံပါတ်တစ်ပါပဲ။ လင်းယင်ဂိုဏ်းကတော့....ဘာမှမဟုတ်ပါဘူး။"

ဇီဟွေ့ကစိတ်ဖိစီးစွာနှုတ်ခမ်းကိုက်လိုက်မိပေမဲ့ ဘေးကိုလှည့်ကြည့်လိုက်တော့ ကောင်းလဲ့ကအပြုံးတစ်ပွင့်နှင့်ကြည့်နေသည်ကိုမြင်လိုက်ရရာ သူမ၏မျက်နှာထားကိုအမြန်ပြန်ပြင်လိုက်ရသည်။

ကောင်းလဲ့ကရယ်သည်။
"ဒါကနာမည်ကြီးဂိုဏ်းရဲ့တပည့်ဂိုဏ်းသားကောင်းပေါ့! ငါမင်းကိုဒီနေ့ချမ်းသာပေးလိုက်မယ်! နောက်တစ်ယောက်။"

ဒုတိယဂိုဏ်းသားမှာအလွန်ရူးမိုက်ပြီး ကောင်းလဲ့အားကြည့်ဖို့ရန်ငြင်းဆန်ကာ ဇီဟွေ့ကိုသာပြစ်တင်ရှုံ့ချလေသည်။
"ဇီဟွေ့ရှစ်ကု၊ ကျွန်တော်ခင်ဗျားနဲ့နေခဲ့တာက ရှစ်ရှုန်းအကြီးကမမှန်မကန်ပြုမူပြီး ရှစ်ရှုန်းအငယ်က သူ့ပြစ်မှုတွေကိုဖုံးဖို့ကြိုးစားနေတယ်လို့ ကျွန်တော်ယုံကြည်ခဲ့မိတာကြောင့်ပဲ။ ဒါပေမဲ့ အခုတော့အဲ့ဒါကအမှားတွေဆိုတာရှင်းသွားပြီ။ ခင်ဗျားပြောခဲ့တာတွေအကုန်လုံးကအလိမ်အညာတွေလား။ ခင်ဗျားဒီနေ့ဒါကိုဘာကြောင့်လုပ်ခဲ့တာလဲ။ ကျွန်တော့်လင်းယင်ဂိုဏ်းက နှစ်ရာပေါင်းများစွာကျော်စောလာခဲ့တာ။ ကျုပ်သွေးထွက်ရင်တောင်မှ ကျုပ်ခေါင်းမငုံ့နိုင်ဘူး! ထျန်းရွှမ်ဂိုဏ်းကဘာလဲ။ ကျုပ်တစ်ခါမှမကြားဖူးဘူး!"

ကောင်းလဲ့ကသရော်သည်။
"ကောင်းတယ်။ မင်းကအညံ့ခံတာထက်စာရင် သေချင်တယ်ဆိုမှတော့ ငါမင်းရဲ့ဆန္ဒကိုဖြည့်ဆည်းပေးလိုက်မယ်!"