" ဒါလေးက ငါးဆယ်သား ?...အစိတ်သားလေးနဲ့ မှားချိန်မိတာတော့မဟုတ်ဘူးမို့လား အန်တီ "
" ငါ့မောင်ဝယ်တာ ငါးဆယ်သားလေ ။ငါးဆယ်သားဝယ်ပြီး တစ်ပိဿာလောက်လိုချင်နေတာလား ။ ဒီအခွန်လွတ်စျေးထဲမယ် အစ်မလောက် အလေးမှန်တာ အစ်မဆိုင်ဘဲရှိတယ် ။ အစ်မက အခြားစျေးသည်တွေလို အပိုတွေဘာတွေထည့် ၊လောကွတ်ချော်ပြပြီး အလေးမခိုးဘူးလေ ဟင်းဟင်း ဟင်း "
ခင်မောင်ကြီးမှာ ပုဇွန်ဆိတ်ထုပ်လေးမြှောက်ပြ၍ တစ်ခွန်းပဲပြောရသေးသည် ။ သနပ်ခါးဘေးကြားနဲ့ စျေးသည်အဒေါ်ကြီးက ဘေးနားက ငါးသည်ဘက်ကို မျက်စမျက်န ချီ၍ ထေ့လုံး လှေ့လုံးများနှင့် စောင်းချိတ်နေသည်ဟု ခင်မောင်ကြီးခံစားလိုက်ရ၏ ။
" ဟဲ့ မိကောက် ။နင်ဘယ်သူ့ကို စောင်းနေတာလဲ ။ နင့်အလေး ပြည့်၊ မပြည့် နင်ချိန်ပေးလိုက်တာ မြင်ကတည်းက ဝယ်သူတိုင်းသိတယ်ဟဲ့ ။ ငါ့မောင့် ထင်တာမမှားဘူး လာ အစ်မချိန်ခွင်မှာ လာချိန်ကြည့် အဲ့ကောင်မ ချိန်ပေးလိုက်တဲ့ ၅၀သားက အစ်မချိန်ခွင်မှာ ၃၅သားဘဲ ရှိစေရမယ် "
" ဟုတ်လားအစ်မ အဲ့ဒါဆို ချိန်ပြပါဦး "
လေပေါ်မြှောက်နေတဲ့ ပုဇွန်ဆိတ်ထုပ်လေးကို ဘေးက စျေးသည်အစ်မလေးထံ လှမ်းပေးမိလိုက်သည် ။ စျေးသည်အစ်မလေးလို့ ခင်မောင်ကြီးသုံးနှုန်းရခြင်းမှာ ဘေးကစျေးသည်,သည် သူပုဇွန်ဆိတ်ဝယ်သည့် စျေးသည် မမိကောက်ဆိုသူထက် ပိုငယ်ပြီး နှစ်လိုဖွယ်ရုပ်ရည်လည်းရှိသည်မို့ ။
စျေးသည်နှစ်ယောက်ရဲ့ ရုပ်ရည်ရူပကာ ခွဲခြမ်းခြင်းကို ခဏထားပါ ။ ခုတော့ ခင်မောင်ကြီးရဲ့ ပုဇွန်ဆိတ်ထုပ်လေးက ဘေးက စျေးသည်မလေးလက်ထဲရောက်သွားလေပြီ ။
"ညီး ငါ့ပစ္စည်းကို ထိစရာမလိုဘူး ပြန်ပေးစမ်း!!...။ ပုဇွန်တုတ်တောင်မဟုတ် ၊ ပုဇွန်ဆိတ်လေး ငါးဆယ်သား ဝယ်ပြီး ဖြစ်ပျက်နေလိုက်တာ ။ မဆိုင်တဲ့သူကလည်း စျေးဝယ်က သူ့လင်ကျလို့ ကြားထဲက သိတက်နေလိုက်တာ "
အမလေးလေး သူတို့ဘာသာ ရန်ဖြစ်တာ အေးဆေးမဖြစ်ဘူး ဒီက လူက အချောင်နေရင်း မိန်းမတစ်ယောက် ကောက်ရလိုက်သေး ။
YOU ARE READING
အိုဘယ့်~ဖူးစာ(Completed)
Romanceသုစေမင်းဆိုတဲ့The whole King လေးနဲ့ သွက်သွက်လပ်လပ်ပေါချာချာ လောင်းကစား၊ အရက်သမား၊ ဖွန်ကြောင်ကျွမ်းတဲ့ဖြောင့်ကွေးလေးခင်မောင်ကြီးတို့ရဲ့University ကျောင်းသားtype လေးဖြစ်တဲ့ အိုဘယ့်ဖူးစာဆိုတဲ့ ဇာတ်လမ်းလေးကို ရယ်ရယ်မောမောပေါ့ပေါ့ပါးပါးဖတ်ချင်တဲ့ ဒါဒါ...
