"…"ရှီခွန်း
"…"ရှောင်းရွှယ်ယင်
"…" အဆင့် ၄ ကျင့်ကြံသူ နှစ်ယောက်
လူတိုင်း ခေတ္တကြောင်သွားပြီးမှ ဇူအန်လှည့်ကွက်ထဲ ကျသွားကြောင်း သဘောပေါက်လိုက်သည်။ ဇူအန်က လွတ်အောင်ပြေးရန် အချိန်ဆွဲလိုက်ခြင်းပင်။ ဒီလို ထောင်ချောက်အညံ့စားတစ်ခုအပေါ် ကျသွားခြင်းက လူတိုင်းကို ဒေါသဖြစ်စေသည်။
သင်သည် ရှီခွန်း ထံမှ အမျက်ပွိုင့် ၆၆၆ ရယူလိုက်သည်။
သင်သည် အဆင့်၄ နောက်လိုက်Aထံမှ အမျက်ပွိုင့် ၂၃၃ ရယူလိုက်သည်။
သင်သည် အဆင့် ၄ နောက်လိုက်Bထံမှ အမျက်ပွိုင့် ၂၃၃ ရယူလိုက်သည်။
ရှောင်းရွှယ်ယင် ဇူအန်နောက်ကျောကို စိတ်ရှုပ်ထွေးစွာ ကြည့်လိုက်မိသည်။ ဇူအန်သေရေးရှင်ရေးကို နည်းနည်းမှ စိတ်မဝင်စားသော်လည်း ချူချူယန်ကို စိတ်ပူသေးသည်။ တစ်ဖက်တွင် မမလေးလွတ်မြောက်သွား၍ စိတ်အေးရပြီး တစ်ဖက်တွင်တော့ ဇူအန် သူ့ကို မကုနိုင်မှာ စိုးရိမ်နေမိသည်။ ဒါက ရှောင်းရွှယ်ယင်ကို ဒွိဟဖြစ်စေသည်။
"သူတို့နောက်ကိုလိုက်"
ရှီခွန်း ဒေါသတကြီး အမိန့်ပေး၍ အမြန်လိုက်လေသည်။ လေဒြပ်စင် ပိုင်ရှင်ဖြစ်သောကြောင့် ပုံမှန်ကျင့်ကြံသူများနှင့်ယှဉ်လျှင် အရှိန်ပိုမြန်သည်။ အဆင့်ကွာခြားသည့်အပြင် ဇူအန်က လူတစ်ယောက်ကို ပွေ့ထားခြင်းကြောင့် စက္ကန့်ပိုင်းအတွင်း အမီလိုက်နိုင်မည်ဟု ရှီခွန်းတွေးလိုက်သည်။ သို့သော် အံ့သြစရာကောင်းစွာပင် အချိန်အတော်ကြာအထိ အလှမ်းကွာနေသေးသည်။
ချူချူယန်က ဇူအန်ကိုယ့်ကိုကိုယ် ဒဏ်ရာရအောင်လုပ်စဉ်က နားမလည်သော်လည်း သူ့ကိုပွေ့၍ ထွက်ပြေးသောအခါ သဘောပေါက်သွားသည်ာ တစ်ခဏတော့ ဇူအန်ဖြတ်ထိုးဉာဏ်ကို လေးစားသွားသည်။ သို့သော် သူဘယ်လိုအကြံကောင်းပဲထုတ်ထုတ် ကျင့်ကြံမှုအဆင့် ကွာလွန်းသောကြောင့် ရှီခွန်းကို မနိုင်နိုင်ပေ။
"ကျွန်မကိုချပေး။ ရှင်တစ်ယောက်တည်းပြေးရင် လွတ်နိုင်သေးတယ်"
YOU ARE READING
ကီးဘုတ်အင်မော်တယ်-ဇူအန် (Zawgyi + Unicode)
Actionအင်မော်တယ် ဇူအန် (မိတ်ဆက်) Keyboard Immortal ဘာသာပြန် Action Sharp မိုးကြိုးပစ်ခံရကာ ဘဝပြောင်းသွားသော ဇူအန်...။ လပြည့်မြို့တော်၏ လူ့အန္ဓ တစ်ယောက်အဖြစ် နိုးထလာသည်။ သို့သော် စိုင်ကော်၍ ခြုံပေါ်ရောက်ဆိုသလို ချူးကလန်မှ ထိပ်တန်းပါရမီရှင်အလှပဂေးသမီးပျိုလေ...