[COMPLETED] ဗီလိန်ဗျူဟာ || ဘာသာပြန်

[၇၆] တုအိမ်တော်။

ကျန်းရွှင်းယီပြန်ဖြေလိုက်သည်။
"ဘာမှမဖြစ်..."

သူပြော၍မပြီးသေးခင်မှာဘဲ ရုတ်တရက်ပါးစပ်ပိတ်လိုက်သည်။ ယွင်ရှဲ့တစ်ယောက်သူ့အကြည့်အတိုင်းလိုက်ကြည့်မိရာ သူတို့ဆီကို တုလီလျှောက်လာတာကိုမြင်လိုက်ရပြီး လူအနည်းစုလည်းပါလာပေသည်။

"ဒုတိယညီလေး!" တုလီသည် ကျန်းရွှင်းယီဆီကိုလျှောက်လာကာ သူ့အားဖက်ရန် လက်တွေကိုဆန့်တန်းသည်။
"မင်းပြန်လာပြီပေါ့!"

ယွင်ရှဲ့၏လက်သီးကား သူ၏ဝတ်ရုံလက်နောက်ကွယ်တွင် တင်းကြပ်စွာဆုပ်လိုက်မိသည်၊ သို့ပေမဲ့ တုလီနောက်ရှိလူအုပ်ကြီး၏မြင်ကွင်း၌ သူဒေါသတကြီးလှည့်လိုက်ရပေသည်။

ကျန်းရွှင်းယီခေတ္တမျှမိန်းမောသွားရသည်။ ထို့နောက် သူသည် တုလီအားဖြည်းညှင်းစွာပြန်ဖက်လိုက်ပြီး ခါးမတ်ကာ ခြေတစ်လှမ်းနောက်ဆုတ်လိုက်သည်။
"..အစ်ကိုကြီး"

"မင်းပြန်လာတာကောင်းတယ်။ အစ်ကိုမင်းအခန်းကိုပြင်ဆင်ထားပြီးပြီ၊ မင်းသွားနား.."

"အစ်ကိုကြီး"

ကျန်းရွှင်းယီက သူ၏ကြိုဆိုမှုကိုနှောင့်ယှက်လိုက်သည်။
"ကျွန်တော်ဒီတစ်ကြိမ်ပြန်လာရတဲ့အကြောင်းရင်းက တုရွေ့နဲ့ ညီလေးငါးပါဝင်တဲ့ကိစ္စကို ကျွန်တော်ကြားခဲ့တာကြောင့်ပါ။ ကျွန်တော်အနားယူဖို့မလိုပါဘူး။ ကျွန်တော်သူတို့ကိုအရင်တွေ့ကြည့်ချင်တယ်။"

သူဖော်ညွှန်းသည့်ညီလေးငါးကား မတိုင်ခင်တုန်းကယွီဟောင်ပြောခဲ့သည့် တုမိသားစုထဲက မဂ်လာဦးည၌သေဆုံးသွားခဲ့သော တစ်ယောက်ဖြစ်သည်။ သတို့သား၏နာမည်အရင်းမှာ တုရှန်ဖြစ်၏။

တုလီသည် ယွင်ရှဲ့အားနှုတ်ဆက်ကာ သူတို့နှစ်ယောက်ကိုအထဲခေါ်သွားသည်။
သူတို့လမ်းလျှောက်နေရင်းဖြင့် သူကပြောလာသည်။
"အားရွေ့က အခုအချိန်မနိုးသေးဘူး။ ဒါပေမဲ့ မင်းရဲ့ညီလေးငါးကိုမြေမမြှုပ်ရသေးဘူး။ မင်းသူ့ကိုသွားကြည့်လို့ရတယ်။"

တုလီက ယွင်ရှဲ့ကိုကြည့်ပြီးနောက်တွင် သူ့အားပြောလာသည်။
"အစ်ကိုမင်းနဲ့ဆွေးနွေးစရာရှိတယ် - မင်းရဲ့ညီလေးငါးနဲ့လက်ထပ်တဲ့အမျိုးသမီးဟာ ကျူးမိသားစုကဖြစ်ပြီး လူမှုရေးနဲ့စီးပွားရေးအဆင့်အတန်းကောင်းကောင်းကိုက်ညီတယ်ဆိုတော့ အစ်ကိုလည်း ရက်ကောင်းရက်မြတ်ရွေးလိုက်မိတယ်။ အစကတော့ အစ်ကိုထင်တာက မကောင်းဆိုးဝါးမိစ္ဆာတွေရှိရင်တောင်မှ ဒီနေရာမှာမသောင်းကျန်းရဲဘူးလို့လေ၊ ဒါပေမဲ့ ကံကြမ္မာကိုရှောင်လွှဲလို့မရမှန်း အစ်ကိုမထင်ထားမိဘူး။
အစ်ကိုတို့ရဲ့မိသားစုအရေးကိုအချိန်ခဏလောက် မပြောဘဲနေကြရအောင်၊ ဒါပေမဲ့ မိန်းကလေးကိုလည်းဆွဲထားတုန်းပဲ။"