Frida ( COMPLETE )

Chapter 8

"K-kilala mo ako?" Takang tanong ni Frida.

"No, what I mean is...I've seen you before. And of all the people, ikaw yung naka agaw ng pansin ko."

"A-anong ibig mong sabihin?"

"Magkasabay tayo noon sa bangka. Di ko sure kung nakita mo ako pero naroon ako sa bandang likod. Sa mga taong naroon, ikaw lang yung parang hindi excited sa bakasyon na pupuntahan, yung parang ang bigat bigat nang dinadala mo. Di ko alam kung may pinagdaraanan ka that time pero I am dying to know the reason. Anong meron, Frida?"

Umiwas nang tingin si Frida sa mga matang matiim na nakatitig sa kanya. Hindi sya sigurado kung tamang ikwento nya sa isang estranghero ang tungkol sa buhay nya.

"Siguro may mga bagay lang talaga akong mahirap na makalimutan. " Mapait na saad ni Frida. Hindi nya magawang titigan ang kaharap.

"Boyfriend mo?" Usisa ni Josh

"Hindi.Asawa ko." Mapait na ngiti ni Frida.

Sandaling natahimik si Josh. Hindi nya alam kung paano sya magrereact dahil doon.

"Im sorry..."

"No, you dont have to say sorry. Wala ka namang naging kasalanan. Isa pa, kahit hindi mo naman sya mabanggit, maaalala at maaalala ko sya. Kaya nga narito ako sa isla...Para tumakas. Pero, wala eh. Ang hirap nyang kalimutan."

Napayuko si Frida. Di nya mapigilan ang mga luhang unti unti nang sumilip sa kanyang mga mata at dahan dahang bumagsak sa ibabaw ng yelo nang kanyang halo halo. Kung maaari lang, nais nyang maging kasing lamig at tigas nalang din ng yelo ang kanyang damdamin.

Ang mga bagay na gusto nya sanang kalimutan ay muli nanamang nanariwa sa kanyang isipan....

"What's your next plan?" Tanong ni Josh habang ibinabato sa dagat ang maliliit na bato na napulot nya sa dalampasigan.

Naroon na silang dalawa sa tabing dagat habang inaabangan ang paglubog ng araw. Isang nakakalungkot na tanawin ang muli nilang masasaksihan.

"Di ko pa alam. Bukas ay magchi- check out na ako. Kinukulit na kasi ako nina mama and ng anak kong si Nicole. Nakakatawa nga eh, parang daig pa ni Nicole si Mama kung mag alala sa akin."

"Ilang taon na si Nicole?"

"27. Nasa New York sya ngayon. Yung panganay kong anak naman na si Wilson ay 34 at nasa Singapore naman sya para sa kanyang newly opened business."

"27 and 34 ? Eh, halos magkaedaran lang kayo ng panganay mo. What, 2 or 3 yrs old ka palang may anak ka na?!" Biro ni Josh.

Malakas ang naging tawa ni Frida. Ang OA naman ng reaksyon ni Josh sa nalaman nito. Pero sa totoo lang, lahat ng tao ay ganun ang nagiging reaksyon kapag nalalaman ang tungkol kina Wilson at Nicole.

"Yeah, 2 years old palang ako ay ipinagbuntis ko na ko na si Wilson." Biro ni Frida.

"That's freaking weird! Parang magkakapatid lang kayo" Di parin makapaniwalang saad ni Josh.

"Hahaha, kidding aside, mga anak sila ni Monsur. Kaya naman nang mamatay si Monsur ay ako na ang nagsilbi nilang magulang. At dahil malalaki narin sila ay hindi rin maiwasang tahakin nila ang mga landas na nais nila. Kung saan nila gusto mag stay, okay lang sa akin. Mababait sila. Parang kapatid ko na nga si Nicole sa sobrang sweet at thoughful nya. Si Wilson naman, sya yung tipong may pagka strict at seryoso. Matured sya mag isip compare sa akin na hanggang ngayon ay isip bata parin. Hehe."

"Wow, you must be inlove."

"In love?"

"Yes, You're inlove with them. Nag go glow ang mga mata mo habang kinu kwento mo sila."