Unicode
"အဖွဲ့မှုး ဒါကို တစ်ချက် ကြည့်ပေးပါ"
ထိုးပြလာသော သွေးသံရဲရဲအမျိူးသမီးတစ်ယောက်၏မှုခင်းဓာတ်ပုံတစ်ချိူ့အား အကြီးအကဲဖြစ်ဟန်တူ အမျိူးသားသည် စိတ်၀င်စားပုံမပေါ်၊ အရေးမပါသည့်အလား လျစ်လျူရှုဟန်ပြကာ မျက်နှာရှေ့ကကွန်ပျူတာဆီအကြည့်စိုက်ရင်း အလုပ်များပြနေ၏။
"အဖွဲ့မှူး....."
ခေါ်သံကား စိတ်လက်မကြည်သာစွာထပ်ထွက်လာပြန်၏။ လုပ်စရာမရှိသည်ကို ကြံဖန်၍အလုပ်ရှုပ်ပြနေသောထိုအမျိုးသားအား အသက်၂၀ကျော်ဝန်းကျင်ခန့်ရဲအရာရှိပေါက်စလေးသည် ဒီတိုင်းပဲလက်လျှော့ကာ လှည့်မပြန်လိုက်ချင်သည့်ပုံပင်။
"ဒီကွင်းဆက်မှုတွေဟာ ကျွန်တော် အလုပ််စမဝင်ခင်ထဲကနှစ်တိုင်းလိုလိုဆက်တိုက်ရှိနေခဲ့တာ၊ တစ်ဖြည်းဖြည်းနဲ့ နစ်နာသူတွေလဲ များလာခဲ့သလို ကျွန်တော်တို့မဖမ်းနိုင်ခဲ့တာလဲ နှစ်တော်တော်ပေါက်နေခဲ့ပါပြီအဖွဲ့မှူး"
"အဲ့ကောင်ကို ကျွန်တော်တို့က ဆက်တိုက်ဒီလိုပဲလွှတ်ပေးထားရတော့မှာလား၊ အဲ့ဒီအမှိုက်လိုကောင်တွေကိုဖမ်းရမှာကရဲတွေရဲ့တာဝန်မဟုတ်ရင် တကယ်ပဲကျွန်တော်တို့အလုပ်ကဘာများလဲအဖွဲ့မှူး..."
လျစ်လျူရှုခံရဆဲအခြေနေတစ်ခုသည်ပြောင်းလဲသွားခြင်းမရှိ။ ရဲအရာရှိလေးသည် စိတ်မသက်မသာလေပူတစ်ချက်ကိုမှုတ်ထုတ်လိုက်ပုံရ၏။ ထို့နောက် ဓာတ်ပုံများကမ်းပေးထားသောလက်ကိုဆတ်ခနဲပင်ရုတ်ပစ်လိုက်ကာ
"တစ်နိုင်ငံလုံးကဘယ်ရဲမှမဖမ်းရင်တောင် အဲ့ဒီကောင်ကိုကျွန်တော်ကိုယ်တိုင်ဖမ်းမယ် အဲ့လိုပဲသိထားပေးပါ"
"ချောင်းဂျွန်ဟျော့!!"
ဒုန်းခနဲ စားပွဲပေါ်သို့ရိုက်ချလိုက်သောအသံနှင့်အတူ အဖွဲ့မှူး၏အော်သံနက်ကြီးသည် ဌာနတစ်ခုလုံးကိုတိတ်ဆိတ်သွားစေ၏။
လှည့်ထွက်သွားသော ရဲအရာရှိချောင်းဂျွန်ဟျော့သည် ထိုအခါမှ ခပ်သာသာတုန့်ရပ်ကာပြန်လှည့်ကြည့်သည်။
"ဒီဓာတ်ပုံတွေကိုမပြလဲ အဖွဲ့မှူးကိုယ်တိုင်တပ်အပ်မြင်ပြီးခဲ့ရောမဟုတ်လား Mrs.Ari သေဆုံးမှုဟာ သာမန်မတော်တဆမဟုတ်ပဲ အဲ့ဒီဆိုက်ကိုပတ်အမှိုက်ကောင်ရဲ့လက်ချက်ဆိုတာ"
