៚ 5 ឆ្នាំក្រោយ
ពេលវេលាពិតជាដេីរទៅមុខមិនឈប់ ភ្លេចខ្លួនតែបន្តិច ក៏កន្លងមកជាង 5 ឆ្នាំទៅហេីយ ។ ងាកមក មេីល លោកអគ្គនាយក សង្ហាចន ជុងហ្គុក វិញ កំពុងជូនកូនប្រុសសំណព្វចិត្តទៅសាលា ។ ជុងហ្គុក និងថេហ្យុង ទទួលបានកូនប្រុសម្នាក់ ពួកគេដាក់ឈ្មោះឱ្យថា ចន ថេជុង ។ ពេលនេះ ថេជុង អាយុ 5 ឆ្នាំ ទេីបនឹងចូលសាលាដំបូងឆ្នាំថ្មីនេះឯង ។
ក្រលេកទៅមេីលកាលពី 5 ឆ្នាំមុន ថេហ្យុង ព្យាបាលជេីងជាសះស្បេីយ ដល់ពេលត្រូវសម្រាល កូនតែម្ដង ។ នៅពេលសម្រាលកូនបាន 6 ខែក្រោយ គេក៏ប្ដូរមកនៅផ្ទះអាពាហ៍ពិពាហ៍វិញ ព្រោះថេហ្យុង ចេះតែក្រែងចិត្តម្ដាយក្មេក ណាមួយគេគិតថារស់នៅ ដាច់ដោយឡែក វាប្រសេីរជាង ប្រេីជីវិតជាគ្រួសារតូចមួយ ដែលមេីលថែកូនដោយខ្លួនឯង ។
/ រីង រីង /
" ហាឡូ ជុង បងមានអ្វីឬ? " ថេហ្យុង លេីកទូរស័ព្ទមកនិយាយ ពេលនេះថេហ្យុង បានរៀនចប់ ហេីយកំពុងធ្វេីការនៅក្រុមហ៊ុនប៉ារបស់គេ ដែលជាក្រុមហ៊ុនឌីហ្សាញស្រាប់
" ជុងគី មករកបង សាលាមិនរៀន ទេីបកូនមកក្រុមហ៊ុនបង " ជុងហ្គុក ខលទៅប្រាប់រាងតូច ខ្លាចថាពេលល្ងាចគេទៅទទួលមិនឃេីញ
" ទៀតហេីយឬ? មកពីបងនឹងហេីយ តាមចិត្តកូនពេក ឃេីញទេ? ស្អីបន្តិចក៏ទៅរកបង បងរវល់ទេ? មានប៉ះពាល់ការងារអីឬអត់? អូនទៅទទួលមកក្រុមហ៊ុនប៉ាវិញ " ថេហ្យុង ជ្រួញចិញ្ចេីម កូនប្រុសកំហូចរបស់គេ ស្រឡាញ់ប៉ាធំណាស់ ឱ្យតែមិនរៀន ឬថ្ងៃសម្រាកតាមនាយរហូតនឹង
" មិនអីទេ បងមិនមានការងារសំខាន់ត្រូវធ្វេីទេ ជុងគី ហា៎ មកនិយាយជាមួយប៉ាតូចបន្តិចមក " ជុងហ្គុក ឱ្យទូរស័ព្ទទៅកូន
" ប៉ាតូច បាទ ជុងគី មិនរំខានប៉ាធំទេ ជុងគីសន្យា "
" ឱ្យប៉ាជឿកូនបានយ៉ាងម៉េចទៅហា៎ ចន ថេជុង ប៉ាហាម កូនរេីរបស់របរក្នុងបន្ទប់ធ្វេីការប៉ាធំ ហាមទារញ៊ាំផ្ដេសផ្ដាស ហាមទារចេញក្រៅ ឮទេ? " ថេហ្យុង គម្រាមឱ្យហេីយ ព្រោះថាកូនប្រុសកំហូចនេះ មកនៅជាមួយប៉ាធំ រកតែរបស់ញ៊ាំ បេីអផ្សុកក៏រំអុកឱ្យជូនទៅក្រៅ ថ្ងៃខ្លះជុងហ្គុកត្រូវរំសាយការប្រជុំដេីម្បីកូនប្រុសក៏មាន
" កូនសន្យាមែន បេីកូនឃ្លានកូនទៅប្រាប់ពូៗយ៉ាងប៊ីន ក៏បាន "
" សន្យា ធ្វេីឱ្យបាន ពូៗក៏កុំរំខានគាត់ពេក ប៉ុណ្ណឹង សិនណាប៉ាមានការបន្តិច "
" បាទ ប៉ាតូចជំរាបលា "
YOU ARE READING
You're my heart [ COMPLETE]
RomanceBL : ចន ជុងហ្គុក x គីម ថេហ្យុង Start from 04,07,2021 Link page: https://www.facebook.com/Novel-Bangtan-109999058170741/