_ آآي .
_ مالك في إيه ؟سألها مراد وهما ينهيان تسلقهم المُجهد للعظام
_ لا مليش إتعورت بس
ثم قامت بسحب الكم ليغطي ساعدها المجروح وهي تتخطاه عائدة لمكان التجمع ، عندما وصلوا للفندق
كانت سترتها البيضاء إمتزجت باللون الأحمر لتلفت إنتباه مراد وهي على باب الغرفة_ مِيرال وريني دراعك كده .
_ مفيهوش حاجة .
_ ماهو واضح ، وريني بس .شمرت عن ساعدها الأيمن ليتناهى إلى أنظاره جرحها
_ كل ده ومفيهاش حاجة ، حرام عليكِ يا شيخة دي محتاجة خياطة .
سحبت ذراعها من بين يديه وقد تركز عنادها وغلب تعلقها
_ أنا كويسة وهي مش محتاجة خياطة .
ثم عادت تفتح الباب مرة آخرى بذراعها المصابة ليسحبها بحدة خارج الفندق بأكمله
_ استنى يا مراد رايحين فين ؟!
_ هنروح المستشفى نخيطلك دراعك ، الجرح عميق وهيتلوث .
_ كنت هعمله بمطهر وخلاص .صاحت بتذمر
_ مطهر إيه بس ، يلا يا مِيرال متاضيقنيش لو سمحتي .
تبعته مُجبرة ليدلفا لمستشفى عامة مُمتلئة بالمرضى ، فيقوموا بإدخالها لقسم الطوارئ
_ مفيش بنج يا أستاذ .
_ يعني إيه مفيش بنج ، أخرج أجيب من الصيدلية طيب ؟
_ مش هتلاقي .
_ طب أعمل دلوقتي ؟
_ هنخيطلها على الحيّ .اتسعت عينيه بصدمة
_ لا طبعاً مش هتستحمل .
ضغطت على ذراعه في إعتراض
_ خلاص يا مراد أنا مش عيلة وهستحمل مش هنيجي ونشمي على الفاضي .
ثم نقلت بصرها للطبيبة
_ شوفي شغلك يا دكتورة .
حاول تشتيتها و فتح مواضيع معها لتلتهي عن تلك الإبرة التي تُغرز في ذراعها
_ إنتِ في تربية قسم إيه ؟
_ فلسفة .
_ وناوية تشتغلي ؟
_ مش عارفة .أغلقت عيناها بشدة وهي تقبض على ذراعه بألم تحاول كبته ، لن تظهر ضعيفة أمامه مرة أخرى .. تركت ذراعه ثم نكست رأسها لتناسب خصلاتها مُخبئة ملامحها المُتئلمة خلفها
_ مِيرال ؟
نظرت له عبر خصلاتها بتساؤل
_ أنتِ كويسة ؟
همست بصوت منخفض
_ كويسة آه .
بدأت تلتقط أنفاسها ببطئ والطبيبة قد إنتهت من خياطة جرحها
_ أنا كده خلصت ، هكتب لك على مضاد حيوي تدهني
والجرح يتغير عليه كل يوم لأنه عميق و الضمادة ممكن تخلي يتلوث ومتعرضيهوش لماية نهائي .
YOU ARE READING
إلحاد عاطفي.✓
Romance« بعض سبل النجاة، تأتينا على هيئة أشخاص.» _ بدأت في الـ ٢٣ من أكتوبر ٢٠٢١. _ انتهت في الـ ٢٧ من إبريل ٢٠٢٢. الغلاف من تصميمي.♡ 1st ranked in عاطفة 1st ranked in هادف *3/3/2022* 2nd ranked in رومانسية *8/3/2022* 1st ranked in هادفة *31/3/2022*
٧_ دَكر.
Start from the beginning