- မိုးဒေဝါ -
၁၉၁၉ ခုနှစ် ဇူလိုင်လ (၁၁) ရက် ...။
မြန်မာသက္ကရာဇ်ဖြင့်ပြောရလျှင် ၁၂၈၁ ခုနှစ် ဝါဆိုလပြည့် သောကြာနေ့ ...။မန္တလေးမြို့ အောင်တော်မူရပ်ကွက်ရှိ အိမ်တစ်အိမ်တွေ ဆူညံသံများဖြင့်ပြည့်နေသည်။ မိုးရာသီဖြစ်သောကြောင့် ကောင်းကင်တစ်ခုလုံးတွင်လည်း ဆူညံလှုပ်ရှားနေသော ထိုအိမ်ကဲ့သို့ တိမ်သားညိုညိုများ ရွေ့လျားကာ မိုးရွာတော့မည့်ဟန်ရှိနေသည်။ သို့သော် လျှပ်စီးများ တစ်ချက်တစ်ချက် လက်သွားသည်ကလွဲလို့ မိုးတော့မရွာသေး။
" မောင်ဘရင် မင့်မိန်းမ မွေးတော့မယ်ထင်တယ် လက်သည်ဒေါ်ဘုမကို သွားခေါ်ချည်စမ်း "
" ဟုတ်ကဲ့ အမေ "
ကိုဘရင်တစ်ယောက် ဝါးခမောက်လေးဆောင်း၍ ခပ်သုတ်သုတ်ထွက်လာခဲ့သည်။ သားနှစ်ယောက်ရှိနှင့်ပြီးသားမို့ ယခုမွေးမည့်ကလေးကိုတော့ မိန်းကလေးဖြစ်စေချင်သည်။ သို့သော် ဘာလေးမွေးမွေး ကိုယ့်သွေးကိုယ့်သားပေမို့ ချစ်ရမည်ဖြစ်သည်။ မည်သို့ပင်ဆိုစေကာမူ ကိုဘရင်သည်လည်း မရောင့်ရဲနိုင်တတ်သော လူသားပေမို့ စိတ်တွင်းကတော့ ကြိတ်၍ "သမီးလေးမွေးပါစေ" ဟုဆုတောင်းနေမိသည်။
" ဒေါ်ဘုမရေ ဗျိုး ဒေါ်ဘုမ "
အသက် ၅၀ ကျော် အမျိုးသမီးတစ်ယောက် ကွမ်းယာကိုပါးစောင်တွင်ငုံလျက် ထွက်လာသည်။ အရပ်ရှည်ရှည် ပိန်ပိန်ပါးပါးရှိပြီး ကျောတွင် ဘုကြီးနှင့်မို့ ' ဘုမ ' အမည်တွင်ရသည်ဟု ကိုဘရင် ကြားဖူးသည်။ သို့သော် ယခု ဒါက အရေးမကြီး။ သူ့မိန်းမ မီးဖွားဖို့သာ အရေးကြီးသည်။
" လိုက်ခဲ့ပါဦးဗျ မညွန့် မွေးတော့မယ်ထင်တယ်။ အမေက အခေါ်လွှတ်လိုက်လို့ "
" အေး အေး ခဏစောင့် ငါနင်နဲ့ တစ်ခါတည်းလိုက်ခဲ့မယ် "
နှစ်ပြလောက်သာ ဝေးသည်မို့ ဒေါ်ဘုမ အိမ်ကိုရောက်ဖို့ အချိန်သိပ်မယူလိုက်ရပါ။ ရှေ့သားနှစ်ယောက်တုန်းကလည်း ဒေါ်ဘုမ လက်ထွက်တွေမို့ မီးနေခန်း ဘယ်နားရှိသည်ဆိုတာကို ပြောစရာပင်မလို။ အိမ်သို့ရောက်သည်နှင့် မီးနေခန်းထဲသို့ တန်းခနဲဝင်သွားသည်။
YOU ARE READING
ချစ်သက်ဝေ
Romantikk"သက်ဝေ" ဆိုတာ အသက်တမျှ၊ အသက်နဲ့ထပ်တူ ချစ်မြတ်နိုးရတဲ့သူလို့ ဆိုလိုသတဲ့။ မေရီ့အတွက်တော့ "သက်ဝေ" ဆိုတဲ့ အမျိုးသမီးကို အသက်ထက်တောင် ပိုပြီးတော့ ချစ်မြတ်နိုးခဲ့ရပါတယ်လေ...။ "သက္ေဝ" ဆိုတာ အသက္တမၽွ၊ အသက္နဲ႔ထပ္တူ ခ်စ္ျမတ္နိုးရတဲ့သူလို႔ ဆိုလိုသတဲ့။ ေမရီ့အတြ...