"တစ်ညလုံးလဲဆက်တိုက်ငိုခဲ့ပြီးပီ အငိုတိတ်ပါတော့မေမေ့သားရယ် ကြာရင်မူးလဲသွားလိမ့်မယ်.....မေမေတို့အဆင်ပြေသွားမှာပါ စိတ်ကိုတင်းထားရမယ်လေ"
ယွံလိုက်တာ.....
ဘေးနားကနေ တစ်ရှုံ့ရှုံ့ချုံးပွဲချငိုပြနေတဲ့ဒီအမျိုးသမီးကို နှစ်ကုန်ရုပ်ရှင်ပွဲတော်မှာအကယ်ဒမီသာပေးပစ်လိုက်ချင်ပါရဲ့၊ သူမကဟန်ဆောင်ကောင်းလေတော့ "Ariရယ်"ဆိုတဲ့လေသံဖွဖွတစ်ချို့နဲ့အတူ ထိုယောင်္ကျားရဲ့နှစ်သိမ့်ပြခြင်းတွေက သွားလေသူဖေဖေ့ကိုမှအားမနာ သေလူကိုရှေ့ထားလို့မျက်နှာပြောင်တိုက်နေလိုက်ကြတာ၊ သူမ လိုချင်တာကလဲဒါပဲလေ
သားဖြစ်သူကိုသနားပြမယ် ရင်ထုမနာငိုပြမယ် ပြီးရင်ငွေမက်လှပါတဲ့ဒီအမျိုးသမီးဟာ ငွေတွင်းကြီးပွင့်အလာကိုဒိုင်ဗင်ထိုးခုန်ချဖို့စောင့်နေမယ် ယွံရှာစရာအတိပဲ
ဆောင်ဟွန်း ပုခုံးပေါ်လာနွယ်နေတဲ့စက်စုပ်ဖွယ်လက်တစ်စုံကို တစ်ချက်ချင်းတင်းမာစွာဖယ်ချပစ်လိုက်သည်။ ခပ်သာသာငဲ့ကာမော်ကြည့်လိုက်တော့ မျက်ရည်စတွေနဲ့အကြည့်တို့ဟာနာနာကျည်းကျည်း၊ ရဲတက်နေတဲ့သွေးကြောမျှင်တွေထဲမှာ အဆုံးမရှိသောမုန်းတီးမှုတွေအပြည့်ပါဝင်နေသည်၊ ဒါကိုရင်ခွင်ထဲမှာငိုပြနေတဲ့မိန်းမကမြင်တော့ မသိမသာမျက်နှာတစ်ချက်မဲ့သွား၏။
"သား...အမေတို့ဒီလောက်နဲ့အပြင်ထွက်ကြရအောင်ပါကွယ် ငါ့သားငိုရတာလဲမောလွန်းလှပြီ အမေလဲမမြင်နိုင်တော့ဘူးဒီ့ထက်ပိုပီး ရေခဲတိုက်ကလဲမကြာခင်အလောင်းကိုလာယူကြတော့မှာ စျာပနအတွက်လဲပြင်ရဆင်ရအုံးမယ်လေ အမေတို့သွားကြရအောင်နော်"
"ဟုတ်ပါတယ်ဆောင်ဟွန်း ခနလောက်အိမ်ပြန်ပြီးအနားယူလိုက်ပါ အန်ကယ် မင်းအိမ်ကပစ္စည်းတွေအကုန်လုံးကိုလဲ Simအိမ်တော်ဆီအမှာလွှတ်ပြီးရွှေ့ခိုင်းထားလိုက်ပြီ ဟိုပြန်ပီးခနနားလိုက်ပါတော့"
ထပ်ပြောလာသောMr.Sim၏ စကားသံကြောင့် ဆောင်ဟွန်းငိုင်ကျနေရာမှ ဖြတ်ခနဲစူးစူးရဲရဲလှည့်ကြည့်မိသည်။
