HIS OBSESSION (UNDER EDITING)

CHAPTER 17

SAM

Isang linggo  na akong nagtitiis sa lintik na bunganga ni Yoora araw-araw, binging-bingi na ang tenga ko sa paulit-ulit niyang pagbubunganga. Tuwing umaga na lang ay  talak siya ng talak ng talak ng talak at walang katapusang pagtalak pa, nakaka-irita na talaga.

Si Yohan naman kasi eh, isang linggo na rin na hindi ko ma-contact. Parati na lang  'cannot be reach' ang cellphone niya, hindi rin nagriring. Wala siyang paramdam, alam ko naman na sinabihan ko silang magtago pero not to the point na pato ako ay papatayan niya ng cellphone at pagtataguan.

"Ano na Sammy? May balita ka na ba kay Yohan at Elle?" tanong ni Sandara  na isa pa sa pinuputakte ng gurang na Yoora na 'yun.

"Wala pa eh. Hay naku! Tang*nang Yohan naman kasi iyon eh, isa pa itong si Daniel pinuputakti na rin ako kakahanap kay Yohan."

"Si Daniel? Hindi ba pinadispatya na ni Yohan ang lalaking 'yon."

"Malay ko," singhal ko. "Baka nagbago isip. Para namang hindi mo kilala  'yang si Yohan, kaya niyang pumatay ng tao kung gugustuhin niya pero dahil nga sa may 'puso'  siya at dakilang maawain ay baka mas pinili niya na h'wag na lang galawin."

"Napakabait naman ng baklitang 'yon."

"What? Sinong tinawag mong Baklita Sandara?"

"M-Mr. Carbonel!"

"Ninong?!"

Kapwa kami na-stuttered ni Sandara nang makita namin na pumasok sa loob ng opisina ni Yohan ang Daddy niya.

"Sino ang tinawag ni Sandara na 'baklita'? Bakit hindi kayo makasagot na dalawa? Si Yohan ba ang tinutukoy ninyo?" maotoridad na tanong nito.

"Si Yohan? bakla? Naku tito! Hindi po, ilang beses ko nga po sila na nahuhuli ni Elle na nagmemake-out dito at halos ayaw niya nang pakawalan si Elle tapos magiging bakla pa siya? Hindi po, galit po sa bakla si Yohan 'di ba Sandara?" wika ko sabay sipa sa paa ni Sandara.

"O-Opo Mr. Carbonel hehe." Awkward ito na ngumiti.

"By the way Ninong, nacontact na po ba ninyo si Yohan or si Elle man lang?" Paglilihis ko sa usapan.

"Hindi pa, actually dapat nga ikaw ang tinatanong ko cause you are Yohan's best friend, and his so-called keeper."  sagot nito saka umupo sa swivel chair na malaki. "Si Elle, baka may contact ka, can you please call her? Nag-aalala na ako sa kanilang dalawa."

"I am sorry Tito pero wala po eh. Hindi ko rin po kasi ka-close talaga si Elle, tanging si Yohan lang po ang nakaka-usap ko. And also, may pagkaseloso po ang anak ninyo. Miski ako ay hindi makalapit sa kaniyang asawa- to- be."

"Oh okay? Si Yohan talaga," natatawa niyang sabi. "And by the way I heard from Yoora na sa squatters area pala nakatira si Elle, totoo ba 'yon?"

"O-Opo... pero dati pa po iyon."

Tumango-tango ang Ninong. "Gusto ko lang malaman kung ilang taon na sila ni Yohan na mag-nobyo? Saan sila nagkakilala? Paano sila nagkakilala? At  totoo ba na nobyo dati ni Elle si Henry bago naging sila ni Yohan?" Sunod sunod na tanong ng ama ni Yohan."Ako naman ay hindi labag sa relasyon nila regardless of Elle's family background pero sana maging totoo sila sa akin."