{ Jungwon & Insu Scene }
ដំណើរដើរបោះជំហានទៅមុខញាប់ៗឆ្មេររបស់ កម្លោះតូច មានរូបសម្បត្តិស្រស់សង្ហារជាទីគាប់ចិត្ត ក៏នៅតែបន្តជាសកម្មភាពមួយមិនបង្អង់ រហូតទាល់តែគេប្រទះភ្នែកនិងកន្លែងស្ងាត់មួយទើបគេឈប់ដើរទៅមុខ ប្តូរទិសដៅបែរទៅរកកន្លែងនោះដាក់ខ្លួនអង្គុយនៅលើស្មៅក្រោមដើមឈើមានម្លប់ត្រឈឹងត្រឈៃ បិទភ្នែកសំងំស្រូបខ្យល់អាកាសទាំងមិនមាត់មិន.កអ្វីទាំងអស់ ។
« បងប្រុស »
« មកតាមធ្វើស្អី?? » Jungwon ចោទជាសំណួរទៅគេទាំងមិនងាកមុខទៅមើលគេឡើយ ច្រត់ដៃទៅលើខាងក្រោយងើយ.កឡើងលើដកដង្ហើមចេញចូលមួយៗ បន្ធូរបន្ថយអារម្មណ៍តានតឹងចេញខ្លះ ។
« ខ្ញុំឃើញបងមក ទើបមកតាម »
« .... » ដោយសារតែមិនឮសម្លេងអ្វីតប.ត Insu ក៏ឈានជើងយឺតៗសម្តៅទៅរកគេ ប៉ុន្តែនៅមិនទាន់ហ៊ានអង្គុយនោះទេ ។
« កាលពីយប់មិញខ្ញុំនៅមិនទាន់បានអរគុណបងទេសម្រាប់អាហារមួយនោះ » អាល្អិតរូបស្រស់ សន្សឹមៗដាក់ខ្លួនអង្គុយចុះទៅក្បែរដៃរបស់គេ អោនក្បាលដាក់គេបន្តិចទុកជាការអរគុណសម្រាប់អាហារកាលពីយប់មិញ ។
« អាហារ?? អាហារណា? យើងមិនដឹងអ្វីទេ » ហៃយ៉ា!!! ហេតុអ្វីក៏ក្មេងនេះដឹងថាគេជាអ្នកធ្វើ?? មិនបានទេត្រូវតែប្រកែក មិនឱ្យគេដឹងទេ ។ គិតរួច Jungwon ក៏ប្រញាប់ប្រកែកទាំងមិនហ៊ានមើលមុខអាល្អិតអង្គុយជិតដៃវិញឡើយ ព្រោះតែខ្លួនមិនចេះកុហក កុហកទៅខ្លាចតែគេចាប់បាន ។
« ពូ Tae ប្រាប់ខ្ញុំថាបងជាអ្នកធ្វើ »
( Appa អើយ!!! )
« អើ!! បើមែនយ៉ាងមិច?? យើងធ្វើសល់ក៏ចិត្តល្អខំយកឱ្យហើយរកស្អីទៀត? ខុសហ្ហេស?? » បើជ្រុលជាដឹងទៅហើយ កម្លោះតូច ក៏លែងប្រកែក តែបែរជាងាកមុខទៅនិយាយប្រាវៗដាក់គេធ្វើឱ្យគេប្រញាប់រំកិលខ្លួនថយដោយសារតែខ្លាច ។
« គឺឆ្ងាញ់ណាស់ បងពូកែពិតមែន »
« នៅញញឹមចេញទៀត » Jungwon បង្វែរមុខងាកទៅមើលទេសភាពដែលនៅខាងមុខភ្នែកវិញ ស្កៀតធ្មេញនិយាយតិចៗម្នាក់ឯងក្រឺតនិងក្មេងអង្គុយជាប់ដៃជាខ្លាំង មិនដឹងជារួសរាយស្អីសម្បើមម្ល៉េះ ញញឹមជាប់សឹង 24 ម៉ោង ទោះជាកំពុងស្តីឱ្យក៏ញញឹមចេញដែរ ។
YOU ARE READING
The Owner Of My Heart (✔️)
Romanceត្រឹមតែមួយយប់គេក៏បានឈក់យកជីវិត ក្តីស្រឡាញ់ និងអ្វីៗដែលជារបស់ខ្ញុំទៅគ្មានសល់ ។ Main Characters : ជុងហ្គុក ហ្គោលដេនហ្វៀលវីដែស x គីម ថេយ៉ុង ចាងវីន ខាសឌីន x គីម ហ្វេយ៉ុង ជុងវ៉ុន ហ្គោលដេនហ្វៀលវីដែស x កាង អ៊ីនស៊ូ Alpha x Omega Author : អ៊ែលរ៉ា រ៉ូសា ( សៀ...