ចំណាយពេលធ្វើដំណើរតាំងពីព្រឹកព្រលឹមរហូតមកដល់មេឃបាក់ងងឹត ពួកគេក៏បានមកដល់ LA ទីក្រុងដ៏ស្រស់ស្អាតប្លែកភ្នែកប្លែកអារម្មណ៍ជាខ្លាំង នៅទីនេះគឺពិតជាស្រស់ស្អាតណាស់ហើយក៏សម្បូរទៅដោយគ្រោះថ្នាក់គ្រប់ទិសគ្រប់ទី បើសិនជាមានអ្នកណាម្នាក់ដឹងថា ភរិយានិងទាយាទ ហ្គោលដេនហ្វៀលវីដែស កំពុងតែឈានជើងជាន់ទឹកដីនេះ ។
« តាក់សុី » នាយតូចរូបស្រស់ ដើរមកឈរអែបផ្លូវបក់ដៃរវិចៗហៅតាក់សុីដោយនិយាយជាភាសាអង់គ្លេសដើម្បីចរចារជាមួយជនជាតិនៅទីនេះ បើនិយាយកូរ៉េទៅពួកគេច្បាស់ជាស្តាប់មិនយល់ជាមិនខានឡើយ ។
« ជូនខ្ញុំទៅ វិមានហ្គោលដេនហ្វៀលវីដែស »
« អាល្អិតមានវង្វេងផ្ទះឬអត់?? » នាយតូច ក្រវីក្បាលប្រកែកវិញតិចៗ ជ្រួញចញ្ចើមបន្តិចហាក់ដូចជាកំពុងតែមិនយល់ពីអ្វីដែលគាត់និយាយ ។
« បើមិនវង្វេងទៅទីនោះធ្វើអ្វី មិនមែនចេះតែមានអ្នកទៅបានតាមចិត្តទេ »
« គឺខ្ញុំត្រូវទៅជួបបងប្អូននៅទីនោះ » Tae បន្លឺឡើងម្តងទៀតញញឹមចេញមកតិចៗ ហើយក៏ងាកមុខទៅមើលកូនប្រុសដែលស្ងាត់មាត់ស្ងាត់.កមិននិយាយស្តីអ្វីមួយម៉ាត់ទាល់តែសោះ ។
« ពូជូនចូលបានត្រឹមតែមាត់របងទេណា៎ »
« បាទ » គេងក់ក្បាលបញ្ជាក់បន្តិច ងាកមុខទៅមើលឆ្វេងមើលស្តាំដើម្បីឱ្យច្បាស់ក្នុងចិត្តថាគ្មានអ្វីចម្លែក នេះជាលើកទីមួយដែលគេមកដល់ទីនេះ អ្វីយ៉ាងមិចមិចក៏គេមិនដែលដឹងផង ។
ការធ្វើដំណើរចេះតែបន្តជារឿយៗរហូតទាល់តែឡានបានបត់ចូលច្រកដ៏ធំមួយដែលមានអំពូលពណ៌ពងមាន់ស្រាលអមផ្លូវសងខាងប៉ុន្តែនៅទីនេះគឺពិតជាស្ងាត់ខ្លាំងណាស់ ។ កុំថាឡើយតែ Insu ដែលខ្លាចនោះសូម្បីតែ Tae ហើយនិងអ្នកបើកឡានគឺសុទ្ធតែខ្លាច លើកលែងអ្វីតែក្មេងប្រុសម្នាក់ដែលអង្គុយផ្អែកនិងពូកឡានសម្លឹងមើលទៅខាងក្រៅទាំងញញឹមតិចៗ ហាក់ដូចជាពេញចិត្តពេញថ្លើមនិងទិដ្ឋភាពដែលនៅចំពោះមុខខ្លាំងណាស់ ។
៚ ង៉ឺត ៚
Tae បានហូតលុយយកទៅឱ្យអ្នករត់តាក់សុីឈានជើងចុះពីក្នុងឡានដើរមកឈរនៅមុខទ្វាររបងដែលមានកម្ពស់ខ្ពស់ត្រដែតដូចជាទ្វាររបងវាំង កាន់តែពិនិត្យទើប នាយតូច ដឹងថាទីធ្លានៅខាងក្នុងពិតជាធំខ្លាំងណាស់ ទម្រាំតែដើរដល់គេពិតជាធ្លាក់អណ្តាតស្លាប់មិនខានទេ ។ គេស្មានថាដើរតែពីរ បីជំហាន តែមើលចុះគ្រាន់តែទីធ្លានេះសង់វីឡាបានមិនចេះតិចខ្នងឡើយ ។
YOU ARE READING
The Owner Of My Heart (✔️)
Romanceត្រឹមតែមួយយប់គេក៏បានឈក់យកជីវិត ក្តីស្រឡាញ់ និងអ្វីៗដែលជារបស់ខ្ញុំទៅគ្មានសល់ ។ Main Characters : ជុងហ្គុក ហ្គោលដេនហ្វៀលវីដែស x គីម ថេយ៉ុង ចាងវីន ខាសឌីន x គីម ហ្វេយ៉ុង ជុងវ៉ុន ហ្គោលដេនហ្វៀលវីដែស x កាង អ៊ីនស៊ូ Alpha x Omega Author : អ៊ែលរ៉ា រ៉ូសា ( សៀ...
