Ang kaligayahang makakitil muli ng pahina
Bagamat kaisipa'y blanko sa tema
Kaya napabuntong hininga na lamang
Sabay sambit ng wikang bahala na si batman
Pilit pinipiga kung ano ang sa bungo ay nalalabi
Kaunting wikang naglalaro sa isip ay pilit tinatagpi
Upang makabuo ng mga salitang mapanuot diwa
Mga talatang magmamarka sa bunbunan ng kaluluwa
Umaasang sana'y di ako biguin ng aking lapis
Ng bawat naranasan sa inog ng buhay, saya at hapis
Maging ang mga naglipanang kawikaang napulot sa mga aklat
Tiyak itatawid nila ako sa susunod na pahina ng panulat
Mithi kong ilabas sana ang lalim na pinagkaloob sa akin
Ngunit sa susunod na pagsayaw ng aking kamay na lamang ihahain
Dahil tunay na walang paksa akong mailuto
Gaya ng aking panimula nais ko lamang kitlin ang pahinang ito...
Written: December 30, 2014 @ 4pm
Mysterious Aries
YOU ARE READING
Kabiguan Ng Manunulat
PoetryMga tulang naisisilang tuwing pinagniniig ko ang lapis at papel...