Kabiguan Ng Manunulat

Papel

Mga tulang hinulma'y di ginawa ng papilit

Papilit itong kumatok sa isip ay nangulit

Nangulit na maisulat sa papel magmantsa

Magmantsa at dumampi sa diwa ng iba

Iba ma'y matanaw ito't dumudugo ang ilong

Ilong nila'y di masinghok ang aral na bumubulong

Bumubulong na salita'y anong halaga kung di maririnig

Maririnig sana ngunit puso yata nila'y sadyang nakapinid

Nakapinid marahil dahil marami na ang nakasilid

Nakasilid na mga bagay na wala namang pintig

Pintig nang puso'y di magawang maangkin

Maangkin sana nila ang nilalaman nitong dibdib

Dibdib man ay minsa'y pagod na sa lahat

Lahat ay nagmistulang bingi sa pag-iyak

Pag-iyak ng mga letrang hinabi rito sa papel

Papel sana'y nagampanang mabuti bago ako maging anghel

11/4/2015

Mysterious Aries