Kabiguan Ng Manunulat

OBRA

Sa pinaghalo-halong kulay

Napahanga niya ang mga mananangkilik

Ginamit niya ang asul simbolo ng ulap at dagat

Dahil labis ang kalungkutang sa kanya'y kumagat

Inihampas niya ang pula dahil halatang siya'y may galit

Para sa mga taong madalas mandaya't manugat

Inihaplos niya ang puti sapagkat mula pa noon siya ay busilak

Kung mag-alay siya ng damdamin ay wagas

Pinatingkad n'ya ito gamit ang samu't saring kulay

Sapagkat sa pagtagpi-tagpi nagkaroon siya ng pananalig sa pag-asa

Subalit sadyang may kulang pa

Binuhusan niya ng pag-ibig

At mula noo'y tinawag ito na OBRA

FB posted June 29, 2011 at 8:51am