Kabiguan Ng Manunulat

Kabiguan Ng Manunulat (Ikalimang Pahina)

Sa iyong panulat doon mo inilahad

Mga kamalasang hinampas sa'yong palad

Mga kasagutan kung bakit kusa mong kikitlin

Ang buhay na hiram sa panitik dali-daling lalagutin

Kaya Ilang ulit mo nang ginamit ang lapis

Hinasa nang mabuti sinadyang pinatulis

Itinarak sa papel ginawang punyal at ginawang baril

Sa pulso'y pinanakal sa sariling bungo'y pinamaril

Masalimuot ang buhay at puno ng dagok

Walang kwenta ang lahat at babalik din sa alabok

Kaya sa matatalinghagang pananalita sinulat mong muli

Tumalon sa bangin at sinabit ang leeg ng walang pagsisisi

Kaya sa sulatin mo maraming humanga

Damang-dama nila ang bawat nakapintang mga letra

Mga sawi sa pag-ibig at mga bigo sa buhay

Talagang maraming yumakap sa iyong salaysay

Sa kabilang pangyayaring malayo sa panulat lamang

Si Pepe natagpuang nakahandusay sa may parang

Sa kanan n'yang kamay di nalalayo'y duguang baril

Sa kaliwa nama'y ang iyong akdang duguang papel

Pinasayaw mo muli ang iyong mga kamay

Gumagawa ng tulang ika'y nagpapakamatay

Ang di mo lang alam sumisindi ka ng mitsa

Mitsang maaring pumutok at kumitil sa buhay ng iba...

written: july 21, 1014

para sa ating mga sumusulat ng suicidal writing...

Actually isa ako doon... 

Mysterious Aries