Kabiguan Ng Manunulat

NASAAN NA

Nasaan na ang rosas na hinangaan ng lahat

Ang bango niyang sa dugo'y nagpabilis ng daloy

Hindi nakapagtataka na ginawa kang obra ng mga pintor

Na hindi lang paru-paru ang sa'yoy suminta...

Nasaan na ang bandilang iyong iwinagayway

Ang ginawang simbolo ng iyong inipong galit

Umalab ka na sing init ng haring araw

Wala kang alintana lagutan man ng hininga ang yong buhay...

Nasaan na ang sumulat ng makabagbag damdaming tula

Na siyang umantig sa puso ng maraming prinsesa

Doon mo isinalaysay ang iyong hinanakit

Doon mo inilantad ang iyong pag-ibig...

Nasaan na ang nakalipas na naghatid sa ngayon

Babalik pa ba siya pagdating ng panahon

Nalanta ang rosas, naanay ang bandila; ang makata'y nawalan ng hininga

Hangin alam mo ba kung saan sila napunta?

Original date: Oct. 1, 2002 @ 8:35 AM

nom de plume's: Agilang Ligaw, Simplyfred & Mysterious Aries