Kabiguan Ng Manunulat

Butil Na Ipinunla

Di ako literal na magsasaka, ngunit ako ay nagtanim

Naghasik ng ibat-ibang klaseng binhi, sa kagubata't bukirin

Bawat butil nagsasagisag, nang lasang natikman

Ang iba'y matamis, ilan naman ay may kaasiman

Libre ang mamitas, kung sakali mang ito'y lumago

Konting ingat lang dahil nakakalason, ilang itinanim kong buto

Kaya bago kainin ang nilalaman, dapat munang suriin

Ibukod ang tama sa mali, ang nararapat ay piliin

Mariin kong uulitin, di ako literal na magsasaka

Kung paano ako nagtanim, sana'y maunawa ng iba

Mayroon akong dalangin, marinig sana ng mga anghel

Nawa'y sumibol at magbunga, ang mga butil na ipinunla ko sa papel

written: April 22, 2015 @ 11:30 am

Mysterious Aries