10 Steps To Be A Lady

CHAPTER 64 : MOON

CHAPTER 64 : MOON

This chapter is dedicated to Kylle Zyrene Orcino Carual. Thank you sa pagsali sa game. Haha. Lovelots!

If you want dedication , sali po kayo pag may games sa KHIRA'S STORIES group in fb.

-

RHEA POV

Ilang beses na akong napahikab. Kinurap ko ang aking mga mata at pilit itong idinidilat ng malaki para intindihin ang mga sinasabi ni Shai.

"Since mukhang na-explain na ni Harris sayo ang Step 4 at sabi niya sa akin ay practice at test na lang ang kulang sayo, do'n na tayo mag-b-base. May idadagdag lang ako sa daily lessons niya. Once na maiwasan mo na ang maka-offend ng ibang tao through cussing, sarcasm o kahit anong offense na magmumula sa bibig mo, step by step tuturuan kitang sumagot ng magalang , sakto, tama at walang nasasaktan."

Napakamot ako sa aking ulo. Pumangalumbaba ako at tumingin sa kanya gamit ang inaantok kong mga mata.

"So, in short, tuturuan mo akong sumagot na tila isang beauty queen? Yung puro cliche at kabaitan na lang lagi? Yung parang nambobola lang ako ng tao? Parang mga buwayang politiko na mababait pag kailangan ng boto? Gano'n?" Hindi ko mapigilang maging sarcastic. Ngayon ko lang napagtanto ito. Nung si Delgado ang nagtuturo sa akin, puro magagandang side ang nakikita ko. Sabi kasi ng kumag maging positive lagi. Eh, ako naman sira ang tutok at medyo nauto.

Naiintindihan ko naman kaya lang, juicecolored! Hindi naman ako santa! At hindi ko ata kayang magpanggap man lang na gano'n. Gusto ata nila ay pumasok ako ng kumbento at magpakabanal. Hindi perpekto ang bawat salitang lumalabas sa bunganga ko, alam ko 'yon. Pero kahit may method para maging perpekto ako, parang mas gugustuhin ko pang lumihis ng landas. Gosh. Wala namang perpektong tao, di ba? Wala namang taong hindi nakakasakit gamit ang kanilang bibig, di ba? Dapat minsan ay nakakaranas tayo ng kaabnormalan para maramdaman nating tao tayo. Wow, ang lalim no'n, ah.

At anong pinaglalaban ko rito? Wala naman. Nagisip ko lang.

"Hey, walang masama kung matuto kang iparating ang gusto mong iparating sa way na wala kang nasasaktan. May masama ba sa pagiging beauty queen at politician? Wala naman, eh. Nagiiba lang ang impression natin sa kanila kapag minsan, iba ang kanilang pinapakita sa kanilang mga sinasabi. Hindi 'yan puro cliche. Kakulangan mo ba kung pakitang tao sila? Hindi naman, di ba? Yung mga gano'ng klase ng tao dapat ang kinakaawaan. Libre na nga ang magpakatotoo at maging mabuti, hindi pa magawa."

Ah, wait. Parang dumugo ata ang ilong ko sa sagot ni Shai.

"Remember this, ang 10 steps ay hindi way to perfection. It's a way to be a better person. Hindi lang basta-bastang babae kundi para maging tunay na babae. Alam mo, naniniwala kasi ako sa kasabihan na walang bagay na hindi mo kayang matutunan kung gugustuhin mo talaga. Mind over matter lang. You set your goal, you work hard and strive to make it possible." Punung-puno ng energy ang boses niya. Mukhang siya ata ang humigop ng engergy ko kaya wala akong gana.

Napakamot ako sa aking kilay. Parang kanina lang ay naglilitanya siya kaugnay ng step 4 pero ngayon mukhang ibang topic na 'tong binuksan niya. Napatingin ako sa clock na nasa side table. Mag-a-alas dos na. Anong oras kaya kami matatapos? Inaantok ako sa mga sinasabi niya.

Humalukipkip siya at ngumuso. "Hindi mo naman ata iniintindi ang mga sinasabi ko, eh."

"Oy. Iniintindi ko po. Hindi ko lang talaga maintindihan." Kinuha ko ang throw pillow at niyakap iyon sabay pikit. "Shai, inaantok ako."

"No! Hindi ka pwedeng matulog dahil importante ang briefing bago tayo magproceed sa pagpaplano."

Napaungol ako. My God. Briefing lang pala ito. Akala ko nagsisimula na kaming magplano.