“Ano ‘to?”
“Kadena.”
Nagtatakang itinaas ni Venice ang kamay niya sa ere. Ang mga mata niyang nagtatanong tutok sa “kadenang” maganda sa palasingsingan niya. Pasimpleng nilagay noon ni Heath ang hugis rosas na singsing kanina ng sinundo nila si Hezekiah. Nagulat na lang si Venice ng hilain ni Heath ang kamay niya at kung may anong bagay na isinuksok doon. Noon lang siya nakakita ng ganoong klaseng singsing sa tanang buhay niya.
“Kadena?” Mahinang ulit niya habang nabibighaning tinignan niya ang kadenang tinutukoy ni Heath. “Eto yung hinahanap mo kanina sa drawer?”
“Oo. Para hindi ka na makawala.”
Venice blinked hard to process the logic.
“Asa ka naman.” Heath immediately brushed his joke away. “Props yan sa teleserye. Naiuwi ko kahapon. Huwag mong iwawala. MAHAL 'YAN. Wala akong perang pambili ng kapalit niyan.”
Nanlaki ang mata ni Venice ng binulong ni Heath ang presyo ng singsing.
“Sira! Tapos ipapasuot mo!” akmang hihilain na ni Venice ang singsing ng pigilan ni Heath ang mga kamay niya.
Inikot ng marahan ng mga daliri ni Heath ang singsing na nawala sa pagkakaayos nito.
“Sakto naman ang sukat kaya siguradong hindi mo naman mawawala yan.”
Napatingin si Venice kay Heath sa ilalim ng muhka nito. Hindi niya alam pero parang laan sa kanya talaga ang singsing na iyon. Ayaw naman niyang pahintulutan ang sariling isipin na baka binili talaga iyon ni Heath para sa kanya. Kung binili nga iyon ni Heath—
Napailing si Venice sa tinatakbo ng isipan niya. Bago pa siya mag-isip ng kung ano, muli, sinubukan niyang tanggalin ang singsing. Lumilipad ang utak niya sa literal na bigat ng singsing at sa mas higit pang bigat na dulot ng palaisipan kung sa kanya nga laan ang singsing na iyon.
“Tsk.” Sita ni Heath. “Mag-iisip pa! Isuot mo na. Para naman hindi masabi nina Mama na wala akong paninindigan. Isipin mo na lang na pananggalang natin ito sa mga tanong nila para sa hinaharap natin. Alangan namang sabihin natin na maghihiwalay tayo ng landas?”
Napatango si Venice. Tama nga si Heath. Hindi din niya alam ang sagot kung sakali mang may magtanong. Kapag nakita nila ang singsing kusang gagana ang utak ng mga kamag-anak ni Heath at sila na mismo ang pipinta ng hinaharap.
Human logic simply tells that a ring means a promise of forever.
BINABASA MO ANG
A Whisper of the Heart - COMPLETED
FanfictionHe was wide awake but right at that moment he knew he was standing in front of his worst and biggest nightmare. People might have forgotten HER but definitely for HIM it was not the case. The last thing Top Philippine Celebrity Heath Ford...
