My Lost Husband (Cousinhood Series 4)

CHAPTER FORTY-SIX

🌷🌷🌷

NAKA-ABANG SILA SA labas ng operating room. Nasa rooftop na ang chopper kung saan lulan si Lorenzo at Kuya Timothy. Marami silang nakahintay doon. Anna at Alex are with her. Sina Mary Ann at ang ama ni Lorenzo naman ang sa side ni Lorenzo. Cathylyn is with Dennis. Hindi pa ito pwedeng bumangon dahil sa mga balang tinamo ng katawan nito.

"Everything will be alright." Bulong ni Anna.

"Don't worry, Ash. Quinn is here. Isa siya sa magaling na doctor dito sa ospital ni Cathness. Gagawin niya ang lahat ma-iligtas lang si Lorenzo." Hinawakan ni Alex ang kamay niya.

Tumungo siya sa pinsan. May tiwala siya sa mga sinabi nito. Alex knows a lot of people. Iyong mga kilala niya sa industriya na iyon ay halos lahat si Alex ang nagpakilala sa kanya.

Napatayo sila ng makita ang isang stretcher na tinutulak. Sa likuran noon si Kuya Timothy at Jacob. May isang lalaki siyang nakitang sumasabay sa mga nurse na tumutulak. Seryuso ito. Napatingin siya kay Lorenzo na nakahiga. Napakaputla nito. Nakapikit ito na siyang ikinaba niya. Lalapitan na sana niya ito ng mabilis siyang pigilan ni Alex.

"Kailangan na siyang ipasok agad, Ashley. Nasa panganib pa ang buhay niya." Bulong ng pinsan.

Walang nagawa si Ashley kung hindi sundan na lang ito ng tingin. Ganoon din ang ama ni Lorenzo. Naka-alalay dito si Mary Ann. Napapikit siya ng tuluyan ng ipinasok si Lorenzo. Sumunod ang doktor na kung hindi siya nagkakamali ay ang kakilala ni Alex.

Lumapit sa kanya si Kuya Timothy.

"Ashley, I'm sorry." Malungkot at nagsisisi na wika ni Kuya Timothy.

Tumingin siya dito. Agad niyang niyakap ang nakakatandang pinsan. "It's not your fault. Hindi mo ginusto ang nangyari, Kuya."

Gumanti ng yakap si Kuya Timothy. Muling pumatak ang mga luha niya. Kaya naman inalalayan siya ni Kuya Tim na maka-upo. Nanatili siyang nakasandal sa balikat nito. Nakita niyang lumapit si Patrick kay Mary Ann. Nag-usap ang dalawa ng seryuso. Ngayon niya lang naalala. Head boss nga pala ni Mary Ann si Patrick.

"The whole organization who was their kill Terence on the spot. Wala siyang ligtas sa dami ng balang tumama sa kanyang katawan. Nanlaban siya kaya binaril siya ng buong organization. His target was me but Lorenzo takes the bullet. Ang tanga niya. Hindi naman ako maaano dahil may suot akong chest vest." Bulong ni Kuya Tim.

Mas hinigpitan niya ang pagkakayakap dito dahil sa narinig. Lalong sumisikip ang puso niya. Pagkatapos ng mga sinabi niya dito ay ginawa pa nitong isakripesyo ang sariling buhay para sa kapamilya niya. It's painful that she is being selfish while Lorenzo being selfless. Ginawa nito ang lahat para mapatunayan ang pagmamahal sa kanya.

Nabanggit sa kanya kanina ni Alex at Anna na ilang beses nagtangka si Lorenzo na ka-usapin siya ngunit sa tuwina ay napipigilan ito. Nagulat din siya ng malaman na nag-file pala ng TRO ang kanyang ama para hindi siya malapitan ng asawa. Mahigpit din ipinagbilin ng kanyang ama na hindi papasukin ng opisina niya si Lorenzo. Pati ang mga appointment niya ay dumadaan din sa ama at ipinagbilin sa kanyang sekretarya na wag bibigyan ng pagkakataon si Lorenzo na magka-usap sila.

Wala siyang kaalam-alam na sinusubukan na pala nitong ayusin ang relasyon nila. Hinahadlangan lang pala ito ng kanyang ama. At iyong pagkikita nila ay ang tanging naging paraan nito para magkita at magka-usap sila.

"Ashley, can I have a word with you?" tanong ni Patrick.

Napatingin siya sa lalaking nakatayo sa tapat nila ngayon ni Kuya Timothy. Umayos siya ng upo at tumungo.

Huminga naman ng malalim si Patrick at ipinantay ang sarili sa kanya. Hinawakan naman ni Kuya Timothy ang kanyang kamay.

"Someone saves Lorenzo before we get to the area. Kilala mo ba si Shy at Shakey Prado?"