" زواج مْـع وّقـف الـتـنـفـِيـذ ❤ ..*! "
# الحلقهه الثالثهه و الأربعون 🌸
فجاءه و بدون مقدمات خشت رانيا علينا في المربوعه و الفون ع وذنها و تقول
رانيا >> اها وصلت يا احميده
بحتت ع طول ف استبرق و هي الوحيده اللي كانت فاطنه و مركزه معايا
حطت فونها ع الطاوله و قعدت تسلم ع البنات و انا طلعت و ركبت فوق و رنيت عليه
صار يقولي موعد و هوا يحكي معاها 😒💔
ضرب الخط و رد ع طول
محمد >> حتي انا رايفت عليك را 😂
انا >> من قالك اني متصله عشان مرايفه عليك اصلا 😒
محمد >> سيبتك جوك تمام شن صار ؟
انا >> كنت تحكي مع رانيا اها و بدري اتمشي فيا ع قد عقلي
محمد >> رانيا ؟ لا حكيت معاها لا شفتها من بعد ما طلعت
انا >> تضحك عليا تحسابني هبله 🌚
محمد >> خليك ع الخط لحظه // يا علي !؟
علي >> نعم
محمد >> من اول ما تلاقينا حكيت مع حد انا !؟
علي >> اها من قبل كنت تحكي مع وحده اسمها ولاء 😂
محمد >> عطك دا 😂 يا حمار قصدي اليوم 😒
علي >> لالا 😂😌
محمد >> عليلي صوتك خليها تسمع 😌
علي >> لالا و الله جديات ماحكش مع حد
محمد >> صحيت // صدقتي توا ؟؟
انا >> من ولاء هذه !؟ 🌚
محمد >> خرفي 😂 تو بعد نروح نحكو
انا >> يكون أحسن انك ما تروحش بكل 😒 بيباي 🌚
//
/
//
محمد >> عاجبك ازح تو ه تمسك في قصة ولاء
علي >> و انت من امتي كنت تخاف ؟ 😂
محمد >> مش خوف بس يعني ما نحبش نزعلها
علي >> لا شكلك طايح بوجك يا بو صاحب
محمد >> شكلي هك
علي >> باه خلينا نكملو ه الأوراق و روح راضيها 😂
محمد >> ناخذلها حاجه في يدي زعمك
علي >> اها عيت حنه غالي عليهن الهدايا خوذ خوذ
محمد >> خلاص بعد نكملو امشي معايا لشي محل
علي >> تم تم
))
))
))
رديت نزلت و قعمزت مع البنات و مشى الجو عادي عند جا عمو صلاح بات أميره و صبن يلبسن في وشاحاتهن
انا >> مازال بدري عاد 💔
أميره >> بدري من عمرك
اسراء >> الجيه لآخره شورك عاد
انا >> ان شاء الله 😂
استبرق >> حتي مالك يرن أكيده برا
انا >> من مالك ؟
استبرق >> خويا 😂
انا >> ما حكيتوليش عليه 😂
سلسبيل >> الاحسن انك ما تعرفيش هذا بذات 😂
انا >> و ليش 😂
استبرق >> مع الأيام تو تعرفي 😂🌚
//
//
//
طلعت مع أميره و اسراء برا وصلتهن و لما كنت نبي نخش واحد ينادي فيا و أكيده مالك 😂😎
مالك >> انتي يا اوووي ما تسكريش الباب " و نزل من السياره "
خليت الباب مردود و خشيت // لقيت استبرق و سلسيبل في الجنينه و يهدرزن مع منار و زينب
و خش عمك مالك من الباب / عند تنحت فيه 🌚 هي شكلها عيلة طروف 😕😂
طول و عرض و اللحيه المرسومه و النظارات و عليك طرحه لابسها / قعدت نبحت فيه و فطنت لروحي و برمت وجي
مالك >> واتيات ؟
استبرق >> شن تشوف انت ؟ 😒😂
سلسيبل >> يستعبط 😂
مالك >> اووو منار / شن اخبارك ؟ " و سلم عليها "
منار >> الحمدلله انت شن داير و وينك مختفي
مالك >> عارفتيني ما نقعدش في البلاد واجد
استبرق >> كان في إيطاليا يا حنه 🌚
مالك >> هيا باه انتي وياها 🌚 // أسو مروحه علينا اها ؟ ما عندش نيه نمشي عند حوشكم
سلسيبل >> في عينك قلت لماما ه تروح بيا غادي 😒
مالك >> شارعكم كله تكسير و السياره جديده 😒
انا >> سلمن ع هلكن " و قلت نخش عليش ماده وجي معاهم "
مالك >> يوصل 😎 // استبرق من البنات اللي شفتهن برا ؟
استبرق >> صاحبات بشرى و ريح روحك وحده فيهن مخطوبه 😂
مالك >> معناها هذه اللي مابتش تأخذ الكرت 😂
سلسيبل >> ان شاء الله عطيتهن رقمك ؟ 😕😂
مالك >> لا معقوله صاحبات بشرى عاد 😂 بعدين من بشرى !
استبرق >> اللي كانت هنا
مالك >> نعليا // منار صاحبتك ؟
منار >> لالا للأسف مرات محمد 😂
مالك >> لا يرا 😒 بس طرف را 😂
استبرق >> كان يسمعك محمد 😂
مالك >> عادي نقولها له في وجه 😎
سلسيبل >> هيا باه 😒
مالك >> نسلم ع خالتي قبل عيب 😎
/
/
/
بعد خشيت جوا قعمزت مع عمتي و حولت الوشاح و زينب ركبت فوق تغير في دبشها
فتحيه >> ما شاء الله عليهن ه البنات / تعرفيهن من زمان ؟
انا >> اها من الثانويه
فتحيه >> ما نحصلوش وحده فيهن ل مراد
انا >> كان يبي عادي 😂
فجاءه خش مالك و وصل عند الصالون و قعد يسلم ع خالته
فتحيه >> باهي اللي شفناك يا ليد
مالك >> اشغال يا قلبي كان هذا و الله ما انقصر
فتحيه >> ديما تضحك علينا ب هالكلمتين
مالك >> معقوله 😂
فتحيه >> شفت مرات احميده
مالك >> وين وين 😎
برم و جا شوري و رفع نظاراته و قال
مالك >> بس محظوظ احميده را " و مد يده "
انا >> " رفعت راسي نبحت فيه و نقول في عقلي شن هالعيله اللي كل من هب و دب يسلم عادي "
مالك >> كيف يا خالتي كنتكم ما تسلمش ؟ مشلوله و لا شنو ؟ 😂
فتحيه >> لا غير اتحشم / سلمي يا بشرى
صبيت و مديت يدي مع خشت محمد من الباب / حولت يدي منه و هوا مازال قدامي
مالك >> نعليا عليك يد كيف الشوكولاطه " و نزل النظاره " 😎
محمد >> مالك اوووو من أمتي انت هنا ؟
مالك >> توا كيف جيت // شن لاخبار ؟ " و برم مشى شوره و سلم عليه "
محمد >> في نعمه شن اخبارك انت
مالك >> نقانك في نعمه " و بحت فيا "
محمد >> خش اشرب قهوه " و بحت فيا اني نركب فوق "
ركبت و قعدت نغير في ادبشي
/
/
/
مالك >> مره اخره ان شاء الله / البنات مازالن في الجنينه !
محمد >> اها اها
مالك >> نتلاقو ان شاء الله " و طلع "
)
)
)
محمد >> كنه خاش هنا هذا ؟؟
فتحيه >> يسلم عليا شن فيها
محمد >> و باه
منار >> راه كان معانا برا و بشرى بعد شافاته خشت
محمد >> ديريلي فنجان خرا كذا
منار >> خرا ؟ 😒
محمد >> امشي من قدامي
//
//
//
ركب محمد و كنت انا و زينب في الصاله خش و بحت في زينب
محمد >> تبيك منار لوطا
زينب >> تمام باه " و صبت و طلعت "
كان في كيس في يده و حطه ع الطاوله و جا شوري
محمد >> ماسك يدك اها !
انا >> لالا مش ماسكها كان يسلم بس
محمد >> و الله ؟! و انتي اللي يمدلك يده تسلمي عليه عادي ؟؟
انا >> ما كنتش نبي نسلم بس امك قالت سلمي شن ندير يعني !؟
محمد >> شن كان يقولك لما خشيت ؟
انا >> ما قال شي
محمد >> ولد خالتي و نعرفه مستحيل يشوف بنت سمحه و ما يعزقلهش شي كلمه
انا >> يعني انا سمحه ؟ 😌
محمد >> بطلي استفزاز و قوليلي شن قالك ؟!
انا >> قال محظوظ احميده 😕
محمد >> و كنه مش عاجبك الكلام ؟
انا >> تي كنك انت تبي أدير مشكله و خلاص
محمد >> من اللي متصله بيا و تسال ع رانيا ؟
انا >> هوووووف علينا / عدي عدي غير ادبشك
محمد >> تعالي خوذي كفين و خلاص ؟
انا >> انت اللي بطل استفزاز
محمد >> باهي كنها رانيا ؟
انا >> ما كنها شي بس لما جت كانت تحكي ع الفون و تقول احميده و طروح
محمد >> كيف ما فش الا احميده انا ؟ 😂
انا >> خطرها من آلاء اللي كان يحكي عليها صاحبك ؟
محمد >> ولاء مش آلاء 😌
انا >> اللي هي 😕
محمد >> شوفي شن جبتلك " و مشى خذا الكيس و مده ليا "
انا >> ما تحاولش انك تغير الموضوع " و خذيته منه "
اول ما فتحته و شفت الفستان قلبي قريب وقف 😍😍 فستان اسود طويل و الظهر كله مفتوح
انا >> يههههههبل بكل 😍😍
محمد >> ذوقي را 😎
انا >> خيال و الله 😍 نمشي نجربه
و صبيت نجري لدار // و لبسته و قعدت نبرم بيه في الدار كيف الهبله 😍😂
غيرت و لبست ادبشي و لما طلعت من الدار ما كنش قاعد
))
))
))
مراد >> وينك طول العشيه ؟
محمد >> كنت مع عليوه عندنا شوية أوراق
مراد >> اها شن اخباره ؟
محمد >> كويس حايس شويه مراته قريب اتجيب
مراد >> عقبالك يا سي 😎
محمد >> مالك كان هنا قالوها لك ؟
مراد >> تلاقيت معاه و هوا طالع بالسياره 😂
محمد >> كنك تسهوك ؟
مراد >> حيوان كلا هوا 😂
محمد >> من يومه
مراد >> بس دعالي دعوه خطيره 😎
محمد >> لخص لشن تبي توصل ؟ 😂
مراد >> قالي ان شاء الله اطيح طيحة خوك 😍😎
محمد >> شنو ؟
مراد >> طيحتك في بشرى 😌😂
محمد >> و انت شن قلتله ؟ 😕
مراد >> شن نبي نقول قلتله اجمعين يا رب 😂
محمد >> و بعدها ؟!
مراد >> قالي امين بس 🌚😂
محمد >> عارف انك اتفه منه ؟
مراد >> لا عارفها من زمان 😂
محمد >> نركب فوق خير ما ننفصل عليك
مراد >> راكَ تنفصل ع المسكينه اللي فوق بس
محمد >> مراتي مش شورك حاجه تخصني " و وخر الكرسي و صبى "
/
/
/
منار >> وين ماشيه ؟
زينب >> نبي نركب نرقد
منار >> خليك هنا اليوم
زينب >> عليش ؟
منار >> هكي يعني
زينب >> في حاجه ؟؟
منار >> عشان احميده و بشرى
زينب >> كنهم ؟
منار >> استيعابك أشر من اختك 😂
زينب >> وراثه ماه 😂😌
منار >> ياخذو راحتهم شويه
زينب >> قولي هكي من الاول 😂
منار >> ندير حاجه نشربوها و انجي
زينب >> باه بس نركب نقوللها و انجي
منار >> تم
//
//
//
كنت مقعمزه لما سمعت الباب يدق و صبيت فتحت لقيتها زينب و ورآها محمد
قالتلي انها تبي تقعد مع منار لوطا و قلتلها براحتك
نزلت و خش محمد و كان قالب وجه و قعمز ع السرير
انا >> في حاجه ؟
محمد >> ممكن معش حد يشوفك ؟؟
انا >> نعم ؟
محمد >> ما نبيش حد ي ش و ف ك
انا >> نتخمر يعني ؟ 😂
محمد >> اطلعي و سكري الباب باه
انا >> نبصر كنك
محمد >> طفي الضي و اطلعي
انا >> لا بنقعد نبي نهدرز معاك
محمد >> نعسان انا
انا >> و انا نبي نحكي
محمد >> احكي باه " و تمدد ع السرير "
قعمزت ع الكرسي عند المرايا و قعدت نلعب في شعري
انا >> عارفتك تغار عليا " و برمت بحتت فيه "
محمد >> " كان مغمض عيونه و قعد يبتسم " و شن اخره ؟
انا >> من قبل كنت تضايق من مؤيد و بعدها رؤوف لما يقعد يبحت فيا نفطنلك كيف ملامح وجك يتغيرن و اليوم ولد خالتك
محمد >> و حتي مراد لما يقعد يهدرز و يبصر معاك " و سكت "
انا >> بس مراد مش كيفهم مراد يعامل فيا كيف منار بس انت " و سكتت شويه و برمت شور المرايا اخره " انت مش كيف حد انت يعني بالنسبه ليا كأنك حلم / مختلف عنهم كلهم و خايفه يعني مش خايفه بس مش حابه انه كل حد يمشي في حاله يعني هذك الإتفاق بس مش تقول هذه يعني لاصقه فيا كيف هذك // مش كيفها انا / مش كيف رانيا هي تدحنس عليك و عارفه انك متزوج و انا نضايق و نترفز بذات لما تقولك احميده نحس في روحي نبي نصبي نضربها 😪💔 نغار عليك جديات راه 😔 " و برمت شوره "
😳😳 محمممد يا محمد 😕 رقدت !؟ ممممحمممد نحكي معاك انظني ؟؟ و هوا لا حياة لمن تنادي 💔
جيت جنبه ع السرير و حطيت يدي ع شعره
انا >> أكيده مرهق من العمل اليوم ما تريحتش / نوم العوافي ي بيب 😌❤️ " و بسته ع خده و رقدت "
//
//
//
نضت تاني يوم و لقيته بارم شوري و يبحت فيا / اول ما فتحت عيوني قلتله
انا >> زعلانه منك راه
محمد >> صبح يا فتاح عليش ؟ 😂
انا >> ترقد و انا نحكي معاك معقوله ؟
محمد >> و الله كنت تعبان بس حلمت بيك
انا >> بشنو حلمت ؟ " و ابتسمت "
محمد >> لا عيب 😌
انا >> شن اللي عيب ؟ 😳😂
محمد >> نقدرش نحكي مازلتي صغيره انتي 🌚
انا >> باه براحتك 😂😕
محمد >> لا جديات نحكي بس مش مذكر شن الكلام / كلمه وحده مذكرها
انا >> كلمة شنو ؟
محمد >> قلتيلي يا بيبي و بستيني 😎
انا >> بس هذا ما كنش حلم 💁
#يتبع ....
#زواج_مع_وقف_التنفيذ 💔💖
مرات نزل الليله للحلقه 45 💁 مراااات😂شن رايكم