" زواج مْـع وّقـف الـتـنـفـِيـذ ❤ ..*! "
# الحلقهه الخمسون 🌸
مالك >> ساخنه افطني
انا >> صحيت
مالك >> مش بيناتنا
قعدت نمشي انا وياه شور الباب و قبل م نوصلو لقيت عثمان قدامي
طااحت مني الطاسه لما قال
عثمان >> أهو طلعتي تصبي مع شباب امالا ليش طروح انك متزوجه و ما تقدريش تحكي معايا
فطنتلي أميره لما الطاسه طاحت و جت تجري شوري
أميره >> شن في ؟ جت ع ادبشك !! ترا وريني
حسّيت قلبي يبي يوقف و مالك يبحت فيه و مستغرب ف الكلام
طلعت من الكافتيريا و لحقتني أميره
أميره >> قتلك هذا لازم حد يحطله حد مش عيشه هذه تقعدي كل ما تجي ع أعصابك
انا >> حاسه روحي ه نموت 💔 كنه م يردش هذا
أميره >> محمد ؟
انا >> اها
أميره >> م تقوليش تبي تروحي ؟ تي فوتيه
انا >> ه نرن ع مراد اصلا لو قعدت مش ه نركز ف المحاضره
رنيت عليه و قلتله يجيني و قالي ربع ساعه هكي و يكون عندي
قعدت مقعمزه ع الكراسي عند الشجر و دموعي ينزلن بروحهن
فطنت ل مالك لما خطم من جنبي و ما حاولش يقول شي
جتني اسراء و قعدت تسكت فيا و ع اساس ه تقول ل ميدو عشان يحكي معاه
و نحن مازلنا نحكو رِن مراد و قالي انجي للباركي
مشت معايا أميره و لقيته مصبي هوا و مالك
بحتت في مالك و ركبت السياره // قعدو يحكو شويه و ركب مراد
مراد >> كنت بدري مع محمد و قالي مروحه ال 1 كيف صار ؟
انا >> ما صارش منها المحاضره قلت نروح
مراد >> وجك اصفر ؟ في حاجه ؟
انا >> لالا
مراد >> باكيه و لا تهايلي ؟!
انا >> راسي صداع بس
مراد >> صداع يخليك تبكي ؟
انا >> مراد لو سمحت ! هيا ولع السياره
مراد >> اوك باه
وصلنا للفيلا و ركبت فوق طول / عزقت روحي ع السرير و معش فطنت لشي
//
//
//
رمزي >> ماشي شور الحوش ؟؟
محمد >> لالا بنروح ب بشرى من الجامعه قبل
رمزي >> اها / باه معناها تو نوصل باتي معايا
محمد >> تمام باه / كنها رانه من بدري هذه
رمزي >> كنك تحكي بروحك 😂
محمد >> لالا شي شي
طلع محمد من الشركه و قعد يرن عليا بس ما كنتش نرد // وصل لجامعه و يتصل بس ما حد رد
نزل و قعد يمشي يدور فيا و شافه مالك من بعيد و جا شوره
مالك >> اوووو احميده / شن أدير هنا ؟
محمد >> يا مرحبا /) جاي نروح ب المدام انت اللي شن أدير ؟
مالك >> بشرى ؟! شفت مراد جا روح بيها 😕
محمد >> جديات ؟؟
مالك >> اها و الله / نحسابك جاي ع حاجه اخره
محمد >> حاجة شنو ؟
مالك >> انا اللي نسال ي دماغ 🙄
محمد >> طالما روحت بنطلع انا /) تبي حاجه ؟
مالك >> نبي سلامتك ي سي
