" زواج مْـع وّقـف الـتـنـفـِيـذ ❤ ..*! "
# الحلقهه التاسعهه و الثلاثون 🌸
صبى مراد و عيونه كانن قريب يطلعن و خش جوا
صبيت وراه و كان يركب ع الدروج و مشى شور الجناح متاعنا
مشيت نجري وراه و اول ما فتح الباب و خش و كان محمد يحكي ع الفون
محمد >> عند توا مازلت ما مسكت عليها شي حتي نقالها ما فيه شي مش عارف شن ندير توا
صبيت انا و مراد قدّامه و أنصدم بعد شافنا
محمد >> باهي سكري توا
حط نقاله ع الطاوله و بحت فينا
محمد >> كنكم تبحتو فيا ؟
مراد >> مش متحشم انت ؟؟
محمد >> و عليش نبي نتحشم ! 😕
انا >> ما نبيش الموضوع يكبر بس أهو نحكيلك قدام خوك / معش نبي نعيش هنا
محمد >> تبي فيلا بروحك مثلا 😏
مراد >> تبيك اطلقها ؟!
محمد >> اوووو و حكتلك حتي ع الطلاق 😂
مراد >> كنك تضحك ؟!
محمد >> و قالتلك اني قلتها مش ه نطلق ؟ و حطي في رأسك يا بشرى ! لو تصبي ع رأسك طلاق مش ه نطلقها ! فاهمه ؟؟ " و برم يبي يطّلع "
مراد >> كيف بالغصب الموضوع ؟! " و امسكه من يده "
محمد >> انت شن دخلك ؟! موضوع بيني و بين مراتي ؟ داك خشمك ليش ان شاء الله ؟؟
انا >> قتلك مش طبيعي خوك
محمد >> باهي خشي جوا خير ما نخربلك وجك
مراد >> هذا ما ناقص اصلا انك تمد يدك ع بنت
انا >> جت ع هذه هي 😏
محمد >> بشرى !؟
مراد >> تعال نبيك لوطا انت
محمد >> ما عندك ما تبي فيا
مراد >> مش بجوك أزف
قعد مراد يكر في محمد و نزلو لوطا // مشيت شور الروشن اللي ع الجنينه نبي نعرف شن بيصير
/
/
/
محمد >> حول يدك و فوتني
مراد >> مش ه نفوتك
محمد >> شن تبي باه ؟؟
مراد >> من اللي كنت تحكي معاها ؟!
محمد >> مش شورك
مراد >> تي تخون في البنت انت ؟؟
محمد >> هي اللي تخون فيا
مراد >> ههههههههه لا جديات مش طبيعي و الله
محمد >> مش قادر نتأكد بس
مراد >> شن الدوه هذه يرا
محمد >> كيف بنت كيفها بسماحتها و شخصيتها مش مرتبطه ؟؟ اقنعني كذا ؟؟
مراد >> تي مراتك هذه 😕 حمار و لا تستحمر انت ؟
محمد >> اطلع من راسي
مراد >> تحبها صاح ؟؟
محمد >> غير الموضوع و لا نطلع بكل
مراد >> تحبها ؟؟
محمد >> نبيها )) ن ب ي ه ا 😪 فاهم اللي نقول فيه
مراد >> بس في فرق بين انك تبيها و انك تحبها ؟!
محمد >> هي تقهر فيا و مستفزه و تحكي معايا ببرود ازح
مراد >> حاول تحكي معاها بهدوء و تناقشو
محمد >> مش عاطيتني فرصه أساسا
مراد >> تي شوف روحك كيف تتعامل معاها قبل
محمد >> كلمه كلمتين تقولي نبي نطلق 😒
مراد >> عندها حق 😏
محمد >> خلاص سكر فمك باه خذيت وجه واجد انت 😒
مراد >> عدي صالحها باه
محمد >> نصالح عينك ) هي مفروض تجي تعتذر مني 😎
مراد >> و تعتذرلك ليش ان شاء الله ؟ 😂
محمد >> لانها ما تسمعش في كلامي 🌚
مراد >> انا اللي نطلع خير 😒 النقاش معاك كيف 😕 و لا نسكت أحسن و الله 😂
محمد >> وجك هي 🌚
