" زواج مْـع وّقـف الـتـنـفـِيـذ ❤ ..*! "
# الحلقهه التاسعهه عشر 🌸
عيوني كانن شور الباب و محمد كان يمشي بشويه و بعدها وَقَف
هبه >> حاااامل ؟! بِسْم الله دوبهم !؟
منار >> حي حي 😍😍
فتحيه >> بشرى شن حاسه !؟
هبه >> تي احكي ! حامل جديات !
انا >> مش عارفه مرات ☺️ " و رد محمد شورنا "فتيحه >> تو اول مَ يروح محمد يشيلك للمستشفى " و الفرحه ع وجها "
منار >> ليش تراجو أهو احميده مازال قاعد 😂كان يمشي و الصدمة ع وجه :/ بحت فيا و قالي نبيك شويه
صبيت من ع الطاوله و خشينا لمكتب متاع عمي
محمد >> شن اللي سمعته توا !؟
انا >> شن سمعت ؟ 🙊
محمد >> بشرى ما نبش ننفصل و هلي يسمعوني // حامل كيف !؟
انا >> عنجد كيف ! كيف ما يحملن الصبايا 😒
محمد >> تي تستعبطي انتي ؟!سكت شويه و بعدها حط إيديه ع راْسه و رد بحت فيا
محمد >> شن صار أمس في الليل ؟!
انا >> ياما صار 😍
محمد >> احكي أزف !؟معش قدرت نمسك روحي و قعدت نضحك 😂😂
محمد >> ما فكش جو بكل 😒 " و طلع و سيبني "
رديت طلعت و كملت فطوري و قلتلهم كنت مصدعه بس لا حامل لا سو 😒
لميت الحوسه معاهن رغم انه في خدامه بس أهو عشان يقولو ناشطه 😎
منار >> بشه تطلعي ل الجنينه ؟
انا >> باهي بس نجيب حاجه نحطها ع راسي
منار >> ما حد يشوف فينا أساسا
انا >> تمام باه
منار >> نكلم فاتن و إنجي / اطلعي انتي تو تلقي هبه برا
انا >> أوكيطلعت و لقيتها مقعمزه و جيت قعمزت جنبها
و بدون اي مقدمات قالت
هبه >> انتي عارفه انه رانيا تبي احميده و حتي هوا يبيها ! 😏
انا >> و بما انه هوا يبيها و هي تبيه ليش ما خذاهش !؟ 😶 " و صبيت و رديت نبي نخش جوا "هما كنهم هكي !؟ أشر من محمد الا اخته / ي عليك عيشه :/
شفت منار طالعه هي و فاتن و قتلها راسي يوجع فيا و نبي نرقد
طلعن هن و انا جيت نبي نركب و شفت مراد دوبه يفطر
مراد >> كنها السمحه زعلانه من الصبح ؟!
كأني كنت نراجي في أي حد يلاحظ أني مضايقه !؟ و دموعي قعدن ينزلن
مراد >> اووووي كنك تبكي !؟ شن في ؟ محمد مزعلك ؟
انا >> لالا انا مخنوقه بروحي
مراد >> ما فش حاجه اسمها هكي // تعالي قعمزي و احكيلي شن في ؟!