" زواج مْـع وّقـف الـتـنـفـِيـذ ❤ ..*! "
# الحلقهه السادسهه و الثلاثون 🌸
محمد >> مش تبي تنزلي ! " و مغمض عيونه "
كيف فطنلي 😳😳
انا >> اصلا نزلت انا
محمد >> باهي صوت قلبك واصل عند هنا را 😂
طلعت و انا نضحك و سكرت الباب // و انا نازله لوطا سمعت استبرق تحكي مع مراد و قالتله
استبرق >> هي سِإلتني بس ما حكيتلها شي
مراد >> تعرفي من اول يوم جت فيه البنت هنا و كل مره صايره معاهم حاجه أنظني عند توا ما تريحتش يوم
استبرق >> طلعت عارفه بقصة محمد اللي زمان
مراد >> اها اها
استبرق >> يعني حتي انه هلك رفضو عشان بات البنت كان يشتغل عندكم و هكي ؟
مراد >> كل التفاصيل عارفتهن
استبرق >> بس باين عليها كويسه
مراد >> تي كويسه عند خلاص 😍
استبرق >> و كنهن عيونك قريب يطلعن 😂
مراد >> نبي نحكيلك حاجه بس تقعد بيناتنا
استبرق >> احكي احكي
حسّيت روحي لو نزلت ه نقطع عليهم موضوعهم و ما شور شي نقعد هكي نسمع فيهم من فوق
رديت فتحت الباب و خشيت
مشيت لدار و شفت محمد راقد // قعدت نبرم في الدار و خذيت توته و طلعت انغير في ادبشي
رديت لدار و قعدت انلف في شعري )) و خذيت النقال و طلعت
رديت اخره ناخذ في الشحن و طبعا في كل خشه انولع في الضي
عند ما محمد حول الفوطه من ع وجه و بحت فيا
محمد >> كنك حايسه ؟
انا >> لا غير أندور في الشحن بس
محمد >> في حاجه باهي ؟؟
انا >> لالا ما فيش
خذيت الشحن في يدي و طفيت الضي و طلعت و في نفس الدقيقة رديت و ولعت الضي اخره
محمد >> لا في حاجه رسمي " و قعد يحاول انه يقعمز "
انا >> بدون مقدمات شن في بين استبرق و مراد ؟ " و قعمزت ع طرف السرير "
محمد >> استبرق و مراد ؟ 😂
انا >> اها // و نبي نعرف شن قصة خالتك و خوالك و ليش ما حضروش العرس ؟
محمد >> في حد حاكيلك حاجه ؟ أكيد سلسبيل هذه ما تعرفش تمسك لسانها بكل 😒
انا >> لالا ما حد حكالي و بصراحه الفضول ه يقتلني
محمد >> اول حاجه استبرق و مراد ما في شي بيناتهم لانه مراد ما يفكرش في بنات العيله بكل
انا >> اها
محمد >> و بالنسبه لخالتي ما حضرتش عشان كانت واخذه موقف مع توفيق بعد ما " و سكت "
انا >> بعد شنو ؟ " و تربعت ع السرير "
محمد >> كني حسيتك تحمستي ؟
انا >> لالا بس لما تحكي شكلك يهبل بكل
محمد >> شكلي شنو ؟ 😂
انا >> لا شي ما قلت شي )) كمل باهي
محمد >> قبل عرسنا ب 3 شهور هكي جا توفيق و طلب منار لولده مازن
انا >> و شن شكله مازن هذا ؟ سمح و هكي 😍
محمد >> نسكت توا انا و لا شنو 😒
انا >> لا كمل خلاص 🌚
محمد >> أمي كانت موافقه و نحن ما كنش عندنا اعتراض يعني مازن متربي معانا بس عمي قال لا
انا >> و شن دخله عمك 😕
محمد >> قال ولد عمها أولى بيها و من الجو هذا
انا >> قصده ع رؤوف يعني ؟!
محمد >> اها
انا >> و كنه ما خطبها باه عند توا ؟
محمد >> العلم عند الله رغم انه مازن خير من رؤوف ب 100 مره بس باتي صبى مع خوه و من يومها توفيق معش جا هنا و عاد خالتي و خالي عصام مشو ع نفس الجو
انا >> بس اليوم جو يعني معش في شي
محمد >> بس مازن ما جش
انا >> يعني هما كانو يبو بعضهم يعني حب و هكي ؟
محمد >> طفي الضي و ارقدي 😒
انا >> هوووف علينا 🌚
