" زواج مْـع وّقـف الـتـنـفـِيـذ ❤ ..*! "
# الحلقهه الثالثهه و الخمسون 🌸
رانيا >> نبي نعطي محمد هدية عيد ميلاده و لازم كلهم يقعدو قاعدين " بس ما كانش في شي ف يدها "
فتحيه >> امشي ناديهم
رمزي >> تنادو من ؟
رانيا >> رمزي كلم باتك كذا و لو حتي بابا قاعد خليه يجي بالمره عادي
كلهم يبحتو فيها و ساكتين
رانيا >> تقريبا مش ه يكون ف هديه أحسن من اللي ه نعطيها له " و جت شوري "
صبت قدامي و كان عمي و عمهم و مالك و رؤوف خشو من الباب
رانيا >> بشرى 😌 ممكن نقالك !؟ " و خذاته من يدي "
عبدالله >> شن في !
رانيا >> من اول ما جت البنت هذه و خشت عيلتنا و انا كنت نقول اني مش متريحتلها و انه ورآها حاجه بس م حد صدقني // بس اليوم كلكم ه تعرفوها ع حقيقتها
م حد رد بأي حرف / لما خذت فوني مشت شور محمد و عطاته له
رانيا >> خش ع المسجات كذا / مالك !؟ تحكي انتَ و لا نحكي انا ؟!
مراد >> شن قاعده تفترشي انتِ !؟
رانيا >> انت اخر واحد يحكي ؟
محمد كان مصدوم و هوا يقرا ف كلام مالك اللي انا أساسا م كنتش شايفته
محمد >> ف ل و س !؟ يعني الفلوس اللي اختفن عندك ؟ " و بحت فيا " شن تبيهن الفلوس ؟ " و بحت ف مالك بس مالك كان حتي هوا مصدوم و م ردش "
رانيا >> ما تستبقش الأحداث راجي نبدو القصه من أولها 😌
منيره >> رانيا !؟
رانيا >> طبعا الانسه بشرى و لا لا مش انسه هي مدام من يومها عاد / كانت تعرف واحد قبل ما تتزوج و يمكن عادي يعني كل حد له ماضي بس اللي مش عادي انها حتي بعد ما تزوجت مازالت معاه و لما صار بيناتهم مشاكل او مش عارفه شنو / قعد يهدد فيها لو م تعطيش فلوس ه يجي لمحمد و يحكيله كل شي " سكتت شويه و ردت كملت " و أسفه ع اللي ه نقوله توا " و بحتت في باتها و عمها " الشاب اللي تعرفه كان في شي بيناتهم و علاقتهم كانت اكبر من انها علاقة حب و هذا ليش اول كم شهر ما صار شي بينها و بين محمد / و لا لا يا محمد !؟
كنت نسمع ف الكلام بس كأني مش قاعده / كأنه حلم اللي قاعد يصير
كنت مش قادره نصبي / حاسه ب أطرافي كلهن مسقعات و لو حد يلمسني احتمال انـطِيح
عبدالله >> شن الكلام اللي تقولي فيه هذا
مراد >> تحشمي و سكري فمك و بطلي كذب
رانيا >> من اللي مفروض يتحشم !؟
منار >> كملتي الفترشه اللي تقولي فيها ؟
