" زواج مْـع وّقـف الـتـنـفـِيـذ ❤ ..*! "
# الحلقهه الخاامسه 🌸
خالد >> ضيفي الراجل
منار >> نجيها و هيا متحشمه
انا >> قلت بالك ما يبيش
خالد >> لا يبي 😒
خذيت الفنجان و صبيت حطيته جنبه ع الصالون و انا نبرم نبي نرد مكاني نعفس ع العبايه بالغلط نقووووول كرررردم و نطيح ع وجي 😭
تمنيت اني نموت لحظتها 💔 // جتني منار تجري و صبتني
دموعي ينزلن من الموقف و اللي قهرتني انه سي محمد يهز كله مع بعضه و ماسك ضحكته
يعني مش موقف يضحك هذا عشان يقعد هكي 💔😞
صبيت و سقمت روحي و خالد يقولي
خالد >> ساهله ساهله " و حتي هوا ماسك ضحكته "
منار >> عين و طارت خلاص ما تبكيش
محمد >> أها صاح " و من كاثر ما ماسك ضحكته وجه قعد حمر "
انا >> ما عندك ليش متحشم اضحك اضحححك 😭
عيطت في وجه و خشيت جوا // جت ورايا منار ع طول بس أساسا كنت مضايقه و حسيت الوضع خلط عندي
حولت العبايه و عزقتها ع السرير و جت وداد و معاها حنان و مش فاهمات شي
منار >> عادي يا بشرى تصير في أغلب الأحيان
انا >> اتمشي فيا ع قد عقلي انتي ؟ كيف تصير ؟ عمرك سمعتي ع وحده طاحت قدام العرب اللي يبو يخطبوها 😭
حنان >> تي عليش تبكي باهي ؟ و كان طحتي مش لدرجه هذه
انا >> ما شفتيش منظري انتي و هوا متشمت فيا 😭
وداد >> من اللي متشمت بس ؟
انا >> محمد 😭
منار >> لا بالعكس هوا تأثر
حنان >> خلاص اغسلي وجك و امشي
انا >> قسما بالله ما عاد ماشيه هي 😭
قعدت حنان تهدي فيا و شويه هكي رن نقال منار و كان خوها عاد و قاللها هيا
\\
\\
\\
خالد >> وينها العبيطه اختك
زينب >> خليها في حالها كذا
وداد >> ما صدقناها سكتت و رقدت
حنان >> شن اللي صاير و كيف طاحت ؟
خالد >> تستاهل اصلا يعني معقوله ما تضيفش الراجل 😂
وداد >> وطي صوتك را تسمعك
خالد >> فاتكن منظرها بس و كله كوم و بعد انفصلت ع الراجل كوم آخر 😂 معش قدر يمسك روحه و قعد يضحك بدموعه 😂
زينب >> و أنت كنك فرحان فيها ؟
أيهم >> يعني بدال ما تصبي تشلفطه كفين مخليه يضحك ع اختك ؟
زينب >> لا فالح غير يضرب فينا نحن بس
حنان >> كنكم مكبرين القصه ؟ ما صار شي
وداد >> اكيده كانت مرتبكه بس
//
//
//
فتحيه >> كنكم جيتو بسرعه ؟
منار >> اولدك ما يمتشش معاه بكل
فاتن >> كيف شن صار ؟
منار >> و الله انا كان في مكانها ما نوافق
مراد >> شن في ؟
منار >> اسألوه و يومها هبه تعلق عشان البنت تضحك خليها اتجي تشوف خوها شن دار 😒
محمد >> عنجدها بكل طلع فيها جو 😂
فتحيه >> تي حد فيكم يفهمني شن صار مع البنت ؟
محمد >> خشت منها و حطت السفره و اتجي كردم ع وجها قدامي 😂 😂
مراد >> و هذه حاجه اتضحك ؟
فاتن >> حرام اكيده انحرجت
فتحيه >> و أن شاء الله قعدت تضحك قدامها ؟؟
محمد >> بدموعي آخره 😂 تي كان شفتي شكلها لا و آخره تبكي 😂
مراد >> خزي نقانك ما اتحشم بكل
محمد >> و هزبتني آخره 😂 يا ريتني صورتها خساره
فتحيه >> يانا عليا عليك فضيحه
فاتن >> و شن صار فيها بعدها ؟
منار >> مشيت رواها لدار و قعدت تبكي و اللي قهرها أكثر ضحك محمد
مراد >> مسكينه ما طاحت إلا ف محمد
فتحيه >> بكرا تمشي كيف الراجل الشاطر و تشيل معاك هديه و تعتذر منها
محمد >> تبصري أها ؟ عنجد نمشي نعتذر 😒
فاتن >> صاح يا محمد عميمه معاها حق
محمد >> انا اللي قلتلها طيحي توا 😂 ؟
فتحيه >> كلمه وحده و لا ليش نتعب في روحي نمشي نحكي ل عبدالله و يجي يتفاهم معاك
محمد >> تي عليش توا باتي ؟ خلاص تو نمشي و نشريلها عبايه ع مقاسها 😂
مراد >> مبردك ازح 😂
فاتن >> باهي شن رأيك فيها ؟ عجباتك ؟
محمد >> هوآ انا لحقت نشوف حاجه ؟ قتلك خشت من هنا و خذت هذك الصالتو و جت عرم من هنا 😂 بعدها ما قدرتش نبحت فيها / سمعت صوتها بس و هيا خانقتها العبره 😂
منار >> مازال يضحك آخره ؟ تخيل انا اللي صارلي الموقف باهي ؟
محمد >> و كان انتي ؟ حتي انتي نضحك عليك تي يطيح صاحبي نقعد شهر و انا نضحك و تبيني نشوف وحده اطيح قدامي و نسكت 😂
فاتن >> باهي اللي ما طحت انا قدامك معناها 😂
محمد >> فتونه ما تقارنيش روحك بيها يا سمحتي ❤ 😂
رمزي >> من اللي سمحتك ؟ 😒
مراد >> استلقى وعدك يا حانط 😂
محمد >> نحكي ع خطيبتي قلت سمحه كنك نقصي انت ؟
رمزي >> بس تقريبا سمعتك قلت فتونه و لا انا انطرشت
محمد >> لا قلت فتونه لا سو امشي أشقى ب وذنك و عالج روحك بدري بدري عاد
فاتن >> رمزي نديرلك قهوه ؟
رمزي >> أها نبي و تكون بدون سكر
فاتن >> حاضر
محمد >> منار تعالي نبيك تعرفيلي مقاس البنت
منار >> كان في ورقه في دار ماما فيها المقاس لما خذينالها بدله يوم اللي مشينا
محمد >> باهي شوفيها ليا و جيبيها
منار >> حاضر باه
