" زواج مْـع وّقـف الـتـنـفـِيـذ ❤ ..*! "
# الحلقهه الثانيهه و الثلاثون 🌸
اول ما خشيت سمعت صوت اميه في الحمام و عرفته انه يأخذ في شاور
جيت نبي نخش بس سمعت صوت نقاله // رديت نبحت و كان مسج ع الفايبر
و لما بحتت كان مكتوب " ليش ما ترد عليا ؟ حتي لو متزوج نبي نحكي معاك "
عرفت انه من هذك البنت و بما انه ما عندش فضول بكل جيت خشيت ع المسجات 🌚
و هنا انصدمت لدرجة اني ما فطنتش انه محمد مصبي فوق رأسي 😳😳
كان محمد كاتبلها " يا بنت الناس قتلك اني متزوج خلاص و كيف ما انتي شفتي حياتك حتي انا بنشوف حياتي و مراتي ما تستحقش اني نخونها معاك و لا مع غيرك // ردي عيشي حياتك و طلعيني من رأسك "
نقرا و انا متنحه 😳 محمد كاتبلها هكي ؟ يعني شنو ؟ جديات مش مفكر فيها ؟ و لا يبيني انا ؟ معش فهمًت شي
قطع تفكيري صوت محمد و من الفجعه سكرت النقال و عزفته ع الصالون
انا >> كنت نشوف منه في الساعه بس
محمد >> و انا ما سالتكش // بس ليش عزفتيه هكي ؟!
انا >> لا بصدفه طاح 😳
محمد >> في حد قايلك من قبل انك ما تعرفيش تكذبي ؟
انا >> حول من قدامي باه
محمد >> بشرى ؟ نبي نسألك ؟
انا >> نعم ؟! 😪
محمد >> من ميدو صديقك هذا ؟
رغم انه مشاعري كانن متلخبطات و حاسه روحي ه نمرض و مضايقه بس قعدت نضحك 😂 و عرفت مراد شن مفترش 😂🌚
محمد >> ما قلتش نكته انا ؟
انا >> اول حاجه انت بروحك قلت صديقي ؟ ثاني شي بصفتك شنو تسال يعني ؟!
برمت نبي نمشي بس مسكني من يدي و كرني شوره
عيوني في عيونه اللي كانن قريب يطلعن
محمد >> بصفتي راجلك ؟؟ ر ا ج ل ك // فاهمه و لا نعاود ؟!
انا >> باهي يا راجلي شوف المسج اللي جايك من صديقتك أنظني ؟!
حول يده مني و مشى خذا النقال و طلع الشفره و قسمها نصين 💔
كنّت مصبيه في ذهول و مش عارفه شن ندير
محمد >> تمام هكي ؟!
كان صوته عالي لدرجة اني خفت منه جديات و تلقائيا عيوني دمعن
جا شوري و يبي يحط إيديه ع راسي بس انا قعدت نوخر و نبكي
حط يديه ع راْسه هوا و غمض عيونه و قعد صوته يوطى تدريجيا و يقول
محمد >> ما تبكيش )) ماااااا تبكييييييش
وخر مني و رد طلع اخره :: قعمزت في الوطا و قعدت نبكي بس اول مره نقعد مش عارفه الدموع هذين دموع زعل و لا فرحه ؟!
صبيت غسلت وجي و قعمزت ع الصالون
مشى الوقت عند ما جت فاتن تكلم فيا ع العشاء
كنّت جعانه بكل و نزلت معاها
