" زواج مْـع وّقـف الـتـنـفـِيـذ ❤ ..*! "
# الحلقهه الرابعه 🌸
خالد >> ليش كنتي تضحكي قدام الناس ؟
انا >> فرحانه عاد محصله عريس
أيهم >> 😂 😂
خالد >> تبيني ننفصل عشان انصبي نضربك بس مش ه نعدل عليك
حنان >> ربي يدوم عليك العقل
خالد >> المهم بعد يردو العرب عليكم شن ه يصير
انا >> قبل شن ه يصير عندي شرط قبل
خالد >> شرط شنو ؟؟
انا >> كان ردو و قالو موافقين حتي انا ما عندش مشكله بس ما نبيش نشوفه
أيهم >> ما تبيش تشوفي العريس قصدك ؟
انا >> أها
ماما >> تي كيف يعني ؟ ماهو ضروري يشوفك
خالد >> امي خليني نفهم منها قبل // ليش ما تبيش ؟
انا >> بدون سبب ، تبوني نوافق اوكي بس بدون ما نشوفه
إيمان >> كان ع الحلال و الحرام رآه حلال هذه مقابله شرعيه
انا >> لا حلال لا غيره // هذا شرطي غير هكي و حق ربي نكبر القصه و نوصلها ل بابا و مش كان ما فش نت في الحوش يعني ما نعرفش نوصل فيه و نكلمه ! نعرف كيف نتصل بيه و نحكيله كل اللي صاير و شوفو عاد بعدها شن يصير
كملت دوتي و متوقعه كف يجيني من خالد بس كلهم سكتو و ما حد فتح فمه
صبيت بكل ثقه عاد لدار و جت ورايا زينب
زينب >> تي نقانك خطيره وين وين ع الشخصيه هذه
انا >> ما سكتت إلا واجد و عارفه نقطه ضعف خالد هي بابا
زينب >> رايفنا عليه :((
انا >> مشن شهرين و مازالن 4 هانت هانت :((
زينب >> يعني كان ضروري انه يمشي لدوره اللي في آخر الدنيا :((
انا >> زينب عاد و حق ربي نتحملش نشوفك زعلانه هكي رآه نبكي
زينب >> لا خلاص انتي تبي تقعدي عروس و نفرحو و اهني 😍
انا >> بالك ما يصيرش منه ه العرس و اصلا اكيده لما يعرفو اني ما نبيش نشوفه ه يلغو كل شي و نتريح
زينب >> زعمك ؟
انا >> أدعي و خلاص
زينب >> خطرها تعالي نشوفو شن جابو تي خشو ب عرم حاجات
انا >> هيا هي
\\
\\
\\
مراد >> ها شن صار معاكم ؟ عجبتكم البنت ؟ عندها خوات ؟؟ 😍
رمزي >> و أنت شن دخلك 😂
فتحيه >> انا اصلا عاجبتني من أول ما شفتها في العرس ما شاء الله عليها و ناس كويسين
عبدالله >> حكيتو باهي ؟
فتحيه >> هما اصلا عارفين ليش جايين و واضح انهم موافقين
هبه >> طبعا يوافقو وين يلقو ناس كيفنا
محمد >> في من تقرمو
مراد >> في عروستك و هلها
محمد >> عروستي ؟؟ لا افطنو عاد إلا مراتي 😂
فتحيه >> نجيلي هالضحكه ربي يفرحك و يفرحنا بيك
محمد >> احكولنا باه ؟ حددتو موعد العرس ؟
عبدالله >> بطل هزوه
منار >> تي عليك بنت يا احميده مش طبيعيه و حق ربي 😍
مراد >> سمحه ؟ 😍
منار >> بكل بكل آخره 😍
هبه >> نقاني ما حبيتها و فاتن أحلى منها ب 100 مره
رمزي >> طبعا هذه العسل هذه فش منها 2 اصلا
فاتن >> بس حتي بشرى ما شاء الله عليها و دمها خفيف
مراد >> شفتو التواضع ؟ 😍😂
هبه >> ما خطمت عليها خفة الدم و هيا غير تسهوك ما تقول في صبايا كبار مقعمزات
منار >> ما تنكريش انها حانطه و حق ربي متت من الضحك 😂
مراد >> و حانطه آخره حظوظ حظوظ
فتحيه >> احميده أمتي يناسبك نحددو موعد تمشي ادير مقابله معاها ؟
محمد >> مقابلة شن دوتها ؟
فتحيه >> عشان تشوفها و تشوفك
مراد >> أها تشوفو بعضكم مرات البنت ما يعجبهش شكلك و نمشي انا بعدها و توافق عليا
محمد >> و هي اصلا أطول واحد نفسي تي أمها داعيتلها هذه
منار >> حرام أمها ميته و عايشه هيا و أختها مع مرات باتهن
رمزي >> و باتها عايش ؟
فاتن >> أها بس قالو مسافر في دوره شور العمل و مازال مطول
محمد >> لا عاد انا واحد مستعجل و نبي عرسي بسرعه و طالما باتها مطول معناها خلاص نلغو كل شي
مراد >> انا نراجي عادي عند ما يرد
عبدلله >> ريح روحك انت وياه و بطلو هالسماطه
رمزي >> خلاص تريحو و انتو لازم اتهزبو
مراد >> انهج عشان اتريحو باهي ؟ 😒
منار >> تعال نحكيلك شن صار و فوتهم
مراد >> باه
