#منقولة
#صفحة_روايات_انثى_شرقيةه
" زواج مْـع وّقـف الـتـنـفـِيـذ ❤ ..*! "# الحلقهه الثالثهه عشر 🌸
صبيت و نزلتلي حنان الطرحه و قعدت نراجي
و إذ ب اثنين خشو 😳 عنجدهم واحد أحلى من الاخر 😂 😍
بس أي واحد فيهم العريس الاثنين لابسين بدالي ؟؟ نبحت من تحت الطرحه و واحد فيهم فرحان و الاخر قالب وجه
قعدت نعصر في رأسي نبي نذكر ملامح اللي شفته يوم المقابله ما صار شي 😒ركبو هما الاثنين ع المسرح و انا نراجي فيه يرفعلي الطرحه ، جا و قعمز ع الكرسي و انا قعدت كيف المزهريه امصبيه 💔 😳
قعدت مصبيه نراجي ف هالراجل يدير شي لقطه بس ما صار شي 😕
و في لحظه حد رفعلي الطرحه و قالي " هوا متوتر بس "
و انا مازلت في حالة الصدمه و الناس تبحت فيا / رديت قعمزت و طلع الشاب اللي رفعلي الطرحه اللي كان خو محمد الصغير اللي هوا مراد
قعدت ماده وجي نراجي فيه يحكي شي كلمه كيف ما يديرو العرسان و يقعدو يضحكو بس هذا شي تقول حالف ما يحكي حرف 😒
جت المصوراتيه تبي تصورنا و ادير شوية لقطات / بحت فيها بنص عين و قاللها
محمد >> فكينا من لقطات التلصيق خير ما نطربق الصاله ع بعضها 😒
الوليه تقول حد شلفطها كف و قعدت تبحت فيا و قاللتلي صبي
بس مش بجوه عاد 😊 و قلتلها مش ه نصور معاهالمهم منار حست انه في جو مش تمام و ركبت قالت ل محمد ع أساس خلاص نطلعو شور الفيلا
و هنا كانت الكارثه 😳
صبى و توكل ع الله و نزل بروحه 😳 😳كيف مسكت روحي في هذك اللحظه و ما روحتش مع هلي مش عارفه ؟؟
جتني حنان تجري و معاها فاتن و قعدن ينزلن فيا و كل الناس تبحت يعني عيني عينك في حاجه
نزلت من المسرح و مشيت شور الاستقبال و كان هوا غادي و ما يبيش يبحت فيا بكل
ع أثر ما الجو خرب ع أثر ما نبي نمشي بروحي و نعيش مع واحد كيف هذا !بحتت في البنات و طبعا حنان الوحيده اللي متاثره و تبكي من جد جدها
اما زينب و وداد يرقصن و حياتهن سمحه :// عيله خاليه من المشاعر 😒
بحتت في إيمان و كانت جنب أمها ع أساس امها تبكي و هي تسكت فيها
عنجدها ضحكتني ع أساس حنان الأم هذا !؟ 😂سلمت عليهم كلهم و انا نبي نطلع جتني منار و قالتلي انهم ه يروحو ع فيلة عمها و نأخذ راحتي و في عقلي نقول كان تاخذوني معاكم 😂
فتح محمد باب الصاله و طلعت و لقيت خوه برا و فتحلي باب السياره و كان هوا اللي يبي يسوق بينا
مراد >> نورتي العيله يا بشرى
انا >> النور نوركم تسلم
مراد >> انا مراد اللي أصغر من محد
انا >> تشرفنا
محمد >> بالك تسوق و لا تبي تقضيها تهدريز !؟
مراد >> كنك ركبت هنا ؟ امشي لاورا مع البنت 😒
محمد >> سكرلي فمك انت