" زواج مْـع وّقـف الـتـنـفـِيـذ ❤ ..*! "
# الحلقهه الثالثهه و العشرون 🌸
طلعت هذك اللبسه من الشنطه و لبست و درت ميك و خذيت شنطتي عزقت النقال فيها و فتحت باب الجناح و توكلت ع الله و طلعت برا الفندق 💃
كان الجو سمح و الشارع زحمه و ناس واجد
بديت نمشي و نصور و الحياه سمحه 😍😍
//
//
//" محمد "
طلعت بدري و سيبت بشرى راقده / قلت نمشي نكمل شغلي بدري عشان نروح نأخذها و نطلعو نتغدو برا :))
>>
>>
>>و انا ماشيه قعدت نصور في فيديو و نهدرز
و هذه تركيا عاد 😍 نعليا و خلاص 🙊 طبعا مش عارفه المنطقه شن اسمها بس نبي نمشي عند نسال شي حد ع كريم 🌚
قعدت نمشي و نصور عند سمعت اثنين يحكو ليبي 😒
>> شوف شوف الطرف اللي تصور
>> نعلي يا قلبي
>> زعمك تركيه ؟
>> لالا فيها عرق عربي
>> نخش انا و لا انت ؟
>> طبعا انا 😍قربو مني هما الاثنين و دايرين ارواحهم يحكو انقلش 😂😂
>> أر يو انقلش ؟
>> لا يا غبي مش هكي قوللها / انقلش فور ؟
>> شن معناها هذه ؟
>> مش عارف بس قولها و خلاص
>> شن رأيك نقوللها نبي رقمك ؟
>> قوللها نمبر نمبر
>> يس يس نمبر يو " و يبحت فيا "هما الاثنين كانو طروف بس و هما يحكو معش قدرت نمسك روحي و قعدت نضحك بدموعي 😂😂
>> نعليا عليك سنون صف واحد
>> شنو سنون بالإنجليزي ؟ 😂
>> تي شن عرفني
>> زعمك تفهم فينا شن نحكو ؟انا >> و بعدها انت وياه ؟ 🌚
بحتو في بعضهم و الصدمة ع وجهم 😳
>> حسن حي ع أمه ليبيه 😳
>> أصلا معروفه السماحه هذه شورنا 😎
انا >> حول من قدامي انت وياه
>> غير راجي خلينا نتعرفو
>> انا حسن و هذا سراج
انا >> تشرفنا 😒
حسن >> و انتي ؟
انا >> بشرى 🌚
سراج >> احلى اسم نسمعه في حياتي
انا >> قول و الله ؟ 😒
سراج >> و الله 😍برمت نبي نمشي بس قلت في عقلي بالك يعرفو المكان كويس و يعرفو كريم 😍😍
سراج >> وين ماشيه ؟
انا >> مش عارفه كنت نبرم و خلاص
حسن >> هلك معاك ؟
انا >> لالا
سراج >> كان تبي اي حاجه قولي ما تحشميش
انا >> ما تعرفوش مكان شي شركة انتاج او اي حاجه شور التمثيل ؟
سراج >> هذا ما ناقصنا أصلا ؟ تبي تمثلي مع الأتراك كيف مش رجاله نحن 😒😒
حسن >> كبد الهبل 😂
انا >> نبي نشوف ممثل ضروري 🌚
حسن >> تحسابي روحك في مصر انتي ؟
انا >> كيف يصير باهي ؟
سراج >> لا نغار عليك انا كيف تشوفي ممثل