" زواج مْـع وّقـف الـتـنـفـِيـذ ❤ ..*! "
# الحلقهه الثامنهه و العشرون 🌸
رديت انا ع السرير و بعد 5 دقايق رد محمد و معاه بنادول و اميه
جا قعمز جنبي ع السرير و حطلي حبة الدواء في فمي و شربني الاميه
محمد >> شويه هكي و تو اتريحي
بحتت فيه و غمضت عيوني و حطيت راسي عليه
حسّيت بيه حط يده ع شعري بس في نفس اللحظه شكله فطن لروحه و حولها
محمد >> ما ترقديش عشان نتفرجو ع الفيلم " كان صوته قريب من وذني بكل "
انا >> مش انت ما تبيش ؟
محمد >> لالا نبي
انا >> خلاص معناها قعدت كويسه انا " و جيت نبي نرفع راسي "
محمد >> قلنا تريحي عاد و بطلي عناد " و بِ يده ردلي راسي عليه "
معش قدرت نقاوم و رقدت و لما نضت لقيت روحي راقده ع يد محمد 😳
كان هوا مغمض نحسابه راقد بس اول ما تحركت فتح عيونه
محمد >> شنو تحسنتي توا !؟
انا >> اها شويه
محمد >> مراد من بدري يرن و يسأل علينا
انا >> نصبي نغسل وجي و بعدها تو ننزل
محمد >> خلاص معناها تو نراجيك
صبيت و مشيت غسلت وجي و طلعت لقيته مصبي قدام باب الحمام
انا >> كنك 😳
محمد >> متأكده انك أحسن من بدري ؟ كان هذا ردي تريحي
انا >> لالا تمام توا
محمد >> يعني تبي تنزلي ؟
انا >> اها
محمد >> باهي غيري ادبشك
انا >> و كنه اللي لابسته
محمد >> عدي بس
ما كنش عندي نيه نعانده و خشيت غيرت ادبشي و نزلنا
منار >> حي نزلتي / قالو مريضه ؟
انا >> راسي كان يوجع فيا بس
فاتن >> لابأس عليك
انا >> ما تشوفي بأس
مراد >> نراجو فيكم كنّا
انا >> كذا وريني الفيلم 😍
مراد >> أهو ع الطاوله
مشيت و خذيت من ع الطاوله و كان فيلم " طير انت "
كان عندهم جيهه في الجنينه من لاورا فيها كيف الظلاليه كأنها استراحه و فيها طاولة و صالون
قالو رمزي غادي يراجي فينا و لما مشينا كانن البنات موتيات كيكه و عصير و شيبس و سبول و حركات
قعمزت فاتن جنب رمزي و قعد مراد يحط في الفيلم
قعمزت انا جنب منار و جا محمد قعمز جنبي و بعدها جا مراد قعمز جنبه و قعدنا نتفرجو
طول الفيلم و انا نضحك و مش اي ضحك 😂 بدموعي اخره و هما يبحتو فيا و أكيده في عقلهم يقولو شن الأوفر هذه🌚
قعدنا كل مره ناكلو في حاجه و مشى الجو سمح عند ما كمل الفيلم و ع طول صبو فاتن و رمزي
منار >> حتي انا نخش نعسانه بكل
انا >> مازال بدري خليك
منار >> انتي واخذه يومك كله نوم عاد 😂
مراد >> خوذيني معاك
انا >> تي كنكم كلكم تبو ترقدو
مراد >> أهو راجلك معاك 😎
