#منقولة
#صفحة_روايات_انثى_شرقية
" زواج مْـع وّقـف الـتـنـفـِيـذ ❤ ..*! "
# الحلقهه الخامسهه عشر 🌸
خش هوا لدار و انا قعمزت نتفرج و بعد ساعه جيت نبي نخش جوا و نقوله يطلع خلاص
مسكت يد الباب و نبي نفتحه سمعته يحكي ع النقال و يقول " تي قتلك ما صار شي بيني و بينها و مش ه يصير // "
فتحت الباب و خشيت و بحتت فيه / كان متمدد ع السرير و لما شافني قعمز بسرعه و سكر الخط
محمد >> في حاجه ؟؟
انا >> لا غير جايه نرقد بس
محمد >> اها // تمام تعالي " و صبى من السرير "
جيت نبي نقعمز ع السرير و رد هوا يأخذ في المخده و قريب خبط فيا
انا >> افطن مره اخره
محمد >> معلش غير مش مركز
انا >> اها عقلك مش معاك واضح 😊
محمد >> حاجه ما تخصكش انظني !؟ " و طلع "
صبيت و سكرت الباب بالمفتاح و رقدت // نضت تاني يوم ع صوت حد يدق ع باب الدار
نضت و فتحت و مش قادره نفتح عيوني
محمد >> مره اخرى معش تسكري الخرا فاهمه ؟! " و دفني و خش "
انا >> كنه هذا بسم الله صبح يا فتاح 😕
محمد >> ليا ساعه اندق و انتي تقول ميته 😒
انا >> باهي مش طرشه انا / وطي صوتك
محمد >> نعم نعم عاودي معلش !؟
أنا >> صوتك ؟ وطيه 😊
محمد >> باهي امشي من قدامي خير ما نخليك معش تسمعي بكل 😊
انا >> يا مامي خفت 😨
محمد >> الصبر يا ربي " و قعد يخبط في الدولاب ع أساس هكي مفروض نخاف انا ؟! "
خذا ادبشه و خش للحمام و انا رديت لسرير بس نقاني خفت و خليت الباب مفتوح
دوبني رديت رقدت شويه و سمعته خش آخره و يفتح في الدرج اللي جنبي
فتحت عيوني و قعدت نبحت فيه
محمد >> انا عندي مشوار هكي ساعه مش ه نطول
انا >> حاجه ما تخصنيش انظني !؟
محمد >> عشان لو سالوك هلي تعرفي شن تجاوبي بس
انا >> لا مش شوري حتي لو سألوني ه نقول ما نعرفش
محمد >> تمام باه
طلع من الدار و سمعته سكر الباب
الدوه هذه مع الساعه 9 / تغطيت و رديت كملت نومتي
//
//
//
وداد >> اها حنان مازالت عند هلها
أيهم >> باهي كان رنيتي عليها قوليلها تعطينا رقم شي حد من العرب عشان نطمنو ع بشه
وداد >> حاضر باه
أيهم >> و زينب أمتي ه تروح ؟
وداد >> مش عارفه
ايهم >> الواحد ما يحصلش منك فايده بكل
وداد >> ساد محصل بثينه من ورايا ❤ 😂
أيهم >> سكري فمك باه 😒
وداد >> شن رأيك تشيلني بعدين عندها
خالد >> كانشي يشيلك لقبرك 😒 وين تبي تمشي من صبح ربي
وداد >> شي و هوا ديما منفصل
خالد >> بلا قطاف زايد و امشي ديريلنا حاجه نفطرو بيها
