#Sorry ع التاخير لان الضي هاارب من يوم السبت ويجي شوويه ويهررب تاني
نتمنالك قراءه ممتعه 💋
#تفاعلكم 💕
#لايك #كومنت #شير لحد يقرا معاك
" زواج مْـع وّقـف الـتـنـفـِيـذ ❤ ..*! "
#الحلقهه_التااسعهه 🌸
صبيت لميت الطواسي و مشيت شلتهن للمطبخ و في نفس اللحظه خش ورايا مؤيد
انا >> تبي شي حاجه نديرها لك ؟
مؤيد >> زعمك تقدري ؟
انا >> كيف يعني ؟؟
مؤيد >> نبي نحكي معاك في حاجه و خلي الموضوع بيناتنا
انا >> تم // بس شن في خوفتني رآه !
مؤيد >> انتي مقتنعه ب خطيبك ؟
انا >> كيف يعني ؟
مؤيد >> موافقه بقناعتك يعني انتي تبيه و تبي تكملي عمرك معاه ؟
انا >> عادي يعني كان مش هوا كاين ه يكون حد آخر
مؤيد >> بس حد عن حد تفرق ؟
انا >> نقانها تفرق
مؤيد >> كان ما تبيش تقدري تقولي ل هلك مش موافقه
انا >> ع أساس هلي متاعين تفاهم ؟ يلا يمشي الجو // انت شن اخبارك ؟
مؤيد >> نفس ما انا مافش جديد
انا >> صوت خالتي تنادي // نمشي نشوفها
طلعت و مشيت شفتها و كمل اليوم و جونا خطير // تعشينا غادي و بعدها جا خالد روح بينا
//
//
//
عبدالله >> يوصل أن شاء الله / سلامي للجميع " و سكر "
فتحيه >> مع من كنت تحكي ؟
عبدالله >> مع واحد صاحب كنت نعزم فيه ع الفاتحه
فتحيه >> تعزم فيه من توا ؟ العرس مازال عليه شهر
عبدالله >> لا خلاص هذك هو
مراد >> باتي متحمس أكثر من محمد عليك جو ://
عبدالله >> تعال جاي انت / مش قتلك بيش تبرم عليا في الشركه ؟
مراد >> ما فضيتش بكل
عبدالله >> شن عندك ما ادير ؟ كيف مش فاضي ؟
مراد >> كنت مع الشباب في الجامعه اليوم
عبدالله >> قرايتك ؟ و مكملها من أيام و نحن برا // ماشي تمد في وجك غادي عليش ؟
مراد >> نغير في جوي
عبدالله >> غير جوك في العمل بدال ضياعة هالوقت
مراد >> مش ه نشتغل حاجه ما نبيهش و الموضوع هذا سكرته من قبل انا
عبدالله >> و لا عند أمتي ناوي تأخذ مصروفك منا ؟
مراد >> عند ما يحن الله
محمد >> السلام عليكم
عبدالله >> و عليكم السلام // اهو جا اوليدي
مراد >> ع أساس انا ولد الجيران مثلا ؟؟
محمد >> كنك ديما امطلع حس باتك ؟
مراد >> ما كني شي
محمد >> كنه يا باتي ؟ شن صاير ؟
عبدالله >> ع قلة عمله و مدت وجه هنا
مراد >> تي مدت وجي شنو ؟ و انا ديما طالع
محمد >> باهي وطي صوتك ؟ مش طرش نحن ؟؟
مراد >> نأخذ وجي برا خير
محمد >> يكون خير لنا و انت ديما امرقي ضغطه
مراد >> اوكي يا :// ع أساس من اللي كان 24 ساعه حارق دمه و لا نسيت روحك ؟؟؟
عبدالله >> مررررررراد سكر فمك
مراد >> اصلا مش قادرين إلا عليا انا
عبدالله >> تسكر فمك و لا انجيك ؟؟
