" زواج مْـع وّقـف الـتـنـفـِيـذ ❤ ..*! "
# الحلقهه الواحد و الثلاثون 🌸
اول ما وصلنا لجامعه و درس محمد في باركي الكليه // فتحت الباب و جيت نبي ننزل
محمد >> بعد تكملي رني ع مراد يروح بيك عندي عمل انا
انا >> أوكي باه 😌
سكرت الباب و قعدت نمشي // طلعت النقال من الشنطه عشان نشوفهن وين قاعدات بضبط
و اول ما خشيت للقسم قابلني عثمان 😳😳
لا أكيده نحلم !؟ مش معقوله ! 😐
قعدت نرن ع حنان و معش ردت
مشيت شور المدرجات قلت بالك مقعمزات غادي بس ما في حد
حسّيت في حد يمشي ورايا و معش قدرت نبرم 🌚
سمعت نقالي يرن و رديت ع طول
انا >> تي وينكن !؟
حنان >> قصدك جيتي ؟
انا >> اها 😳
حنان >> اسمعي بنقولك افطني رَآه عثمان في الكليه
انا >> يعني اللي شفته هوا مش تهيالي 😐
حنان >> وين قاعده بضبط ؟! تو انجيك
انا >> مش ه نراجي اخره تو إنجي انا
حنان >> تلقيني عند الشجر رَآه
انا >> خلاص تم
سكرت منها و مشيت برا و كأنه اختفى هوا !؟ // وصلت ل البنات و سلمت عليهن و قعدنا نهدرزو
اسراء >> يا خيا رايحه تهبلي بكل
انا >> عدي يا قرده تي مازلت زعلانه منك😒 كنك ما جيتي للعرس ؟
اسراء >> تي عارفه هلي انتي 😒 سكنتلهم بس ما حد عبرني
سهام >> قتلها انجي نأخذك معايا قالت لآلا
انا >> ماهي حيوانه 🌚
إسراء >> تبيني نركب مع راجل غريب ؟!
حنان >> راجل صاحبتك شن فيها 😂
اسراء >> يعني خالد عادي يخليك ؟!
حنان >> لالا طبعا
اسراء >> خلاص حتي انا ميدو ما يخلينيش 😌
انا >> ع اساس سي ميدو عاطي فيك كلمه و انا ما نعرفش 😂
سهام >> المشكله 24 ساعه متعاركه معاه 😒
حنان >> الكارثه الأكبر انه ثقيل تي بارد بكل
اسراء >> و أنتن شن دخلكن ؟! ميته فيه و عاجبني و كان ما تغيرن الموضوع ه نمشي رَآه ؟
انا >> خلاص باه معلش 😂
اسراء >> أهي جت ميرو اللي فاهمتني
أميره >> صوتكن قالب الدنيا طيح سعدكن 😂 " و قعدت تسلم علينا "
سهام >> كنت نبي نرن عليك توا
أميره >> طولت و ما طلعت هذا ليش تأخرت
اسراء >> ميرو خوذيلي حقي منهن 💔😂
أميره >> خطرها يا عيون ميرو انتي 😂 شفت ميدو مع وحده
اسراء >> عنجد هذ ؟
أميره >> كيف مش عارفك انك جايه ؟!
اسراء >> عارف / اصلا هوا اللي قالي تعالي // تي تحكي جديات انتي ؟ " و طلعت نقالها "
حنان >> بالك صديقته بس 😂
اسراء >> صديقة عينه تي نهاره اسود هالخاين هذا
انا >> انظر من داعي عليه المسكين 😂
سهام >> عليك طيحه سوده 😂
أميره >> انتي يلي تضحكي احكيلي يا حنه ع راجلك قالو طرف ما شاء الله 😂
سهام >> نقاني شفته في العرس ما شاء الله😂
أميره >> عنده خوت ؟ 😂
انا >> اها 😂
أميره >> نبيه معناها 😂
انا >> تم 😂
حنان >> هيا باهي أكيده بدو يجددو
أميره >> كنك مستعجله ؟
حنان >> متفقين ع ساعه بس
أميره >> و بشه ؟!
انا >> لا قاعده عادي 😂 تي مرايفه عليكن
سهام >> وين عدت الهبله هذه ؟!
انا >> اسسسسرررراء ؟؟ رررراجي
أميره >> حي ع أمه 😂
حنان >> جديات شفتيه مع بنت ؟
أميره >> تي اها خزي و الله ما يستاهلها هالتافه هذا 😒
انا >> خلونا نمشو باهي
