" زواج مْـع وّقـف الـتـنـفـِيـذ ❤ ..*! "
# الحلقهه السابعهه و العشرون 🌸
قربت منه و قعدت نلعب ع شعره و يدي الاخره ع لحيته 😍 بغض النظر عنه و عن معاملته اللي زي وجه 🌚 بس مش مصدقه أني متزوجه واحد نفسه 😳 من ناحية الشكل ما فش آي عيب 👌 بس معروف ما حد ينغش ب المظاهر 😌
و انا سرحانه فيه فتح عيونه و من الفجعه نبي نصبي جا مسك يدي و كرني شوره عند لصقت فيه و قالي
محمد >> ما نتحملش هكي انا
حسّيت وجي سخن و قلبي قريب يطّلع من مكاني 😳💔
انا نتسمط عليه عادي بس هوا لا 😳
صبيت بسرعه و نزلت من ع السرير و طلعت لصاله و قعدت ناخذ في نفس
شويه هكي و سمعته يبي يطّلع مشيت خشيت للمطبخ
جا من عند الباب و قال
محمد >> ديريلي فنجان قهوه نمشي نغسل وجي
انا >> حاضر
طلع من الحمام و مشى يغير في ادبشه و انا درت القهوه و قعدت نراجي فيه في الصاله
محمد >> ما تبيش تنزلي لوطا ؟
انا >> مازال بدري أكيده كلهم راقدين
محمد >> اها // باهي انا طالع توا و كان تبي اي شي رني عليا
انا >> تم
محمد >> نبي نقولك حاجه بس نسيتها " و ابتسم "
انا >> بعد تذكرها دزها ليا في مسج 🙊
محمد >> تم 😂
انا >> محمد 😌
محمد >> يا نعم 😳
انا >> دير بالك ع روحك 🌚
محمد >> " بحت فيا و ضحك " وين ع جو حنان الام هذا 😂
انا >> امشي ع حالك باه 😒
طلع محمد و انا رديت رقدت عند ما نضت ع صوت منار ادق ع الباب
صبيت فتحتلها و قالتلي انهم يراجو فيا ع الفطور // صبيت غيرت ادبشي و نزلت
مشى اليوم عادي و غير مقعمزين نهدرزو في الجنينه عند ما ناض مراد و جا شورنا و هوا يشرب في قهوه
منار >> مطول انت ع الحال هذا
مراد >> صبح يا فتاح ريحينا عاد
انا >> واخذه دور محمد اليوم 😂
مراد >> عاطيها التوكه شكله 😂
منار >> باهي بما انك فاضي و ما عندك ما أدير طلعنا بعدين
مراد >> و أنتن ما تبطلن 😒 قعمزي و انتي ساكته
منار >> أهي كملت توا 😒 جا صاحبك
مراد >> بشرى صبي خشي جوا
لما صبيت و برمت كان رؤوف هوا اللي جاي و دوبه خش من الباب الرئيسي و خشت ورايا منار
رؤوف >> السلام عليكم
مراد >> و عليكم السلام
رؤوف >> كنها منار ما سلمتش عليا
مراد >> ما فطنتلكش أكيد
رؤوف >> عنجد ما فطنتش 😒 باهي عموما وينك نرن عليك ما تردش ؟
مراد >> توا كيف نضت و نقالي جوا
رؤوف >> كنك تحكي برأس خشمك ازح ؟ مازلت قالب وجك ع هذك اليوم
مراد >> سكر ع القصه
رؤوف >> براحتك يا سي
مراد >> نجيبولك حاجه تشربها ؟
رؤوف >> لالا كنت في الشركه و شربت قهوه مع محمد
مراد >> رايح مدمن عليه كلا هوا
رؤوف >> اها حتي انا فطنتله
مراد >> شن اخبار عمي ؟
رؤوف >> كويس / يسال عليك
مراد >> ليا ايام عليه تو بعدين نمشيله
رؤوف >> عثمان سكنلي يرن
مراد >> كنه ؟
رؤوف >> دايرين موعد في الجامعه // تمشي ؟!
مراد >> مصدع و ما عندش جو لشي امشو انتو
رؤوف >> تمام باه
