#بدينا_ف_العد_التنازلي_للحلقات
#تفاعلكم #معانا #ع #الحلقات #الاخيرة
" زواج مْـع وّقـف الـتـنـفـِيـذ ❤ ..*! "
# الحلقهه السادسهه و الخمسون 🌸
علي >> متاكد تبي ترقد ف حوشكم ؟
محمد >> اها
علي >> و كان هلك شافوك بالمنظر هذا شن ه يقولو ؟
محمد >> أكيد راقدين
علي >> باهي نمشو لحوشي و تشرب قهوه عشان تصحصح
محمد >> و من قالك نبي نصحصح اصلا
وصل علي محمد للفيلا و لما خش محمد للجنينه شاف مراد و مالك مقعمزين
محمد >> اووووو لقاء العشاق " و مشى شورهم "
مالك >> كنك تدعدع أمسك روحك را اطيح " و صبى عشان يمسكه "
محمد >> حول يدك ما تمسكنيش " و قعد يدف فيه
مراد >> محمد لازم تسمع من مالك شن صار هذك اليوم
محمد >> شن مازلت نبي نسمع
كان في سفرة قهوه ع الطاوله و كاس اميه
محمد >> شن اللي مازلت م عرفته " و قعد يمسك ف الفناجين و يكسر فيهن ف بعضهن "
قعدو ياخذو منه ف الفناجين عشان م يجرحش روحه
محمد >> فرحني و قولي كانت ع علاقه مع مالك حتي هوا " و قعد يعيط و يكسر ف الكأس "
إيديه كانن دم و قعد يخبط ع الطارله
محمد >> نمشي نقتلها ؟؟؟ نممممممششششي نقتلها " و كان يحكي بصوت عالي " نمشي نقتلها عشان كلكم اتريحو ؟؟؟
طلع عمي و رمزي ع صوته و قعدو يخششو فيه
" قبل ساعتين "
مراد >> الو // مالك وين قاعد ؟
مالك >> اووو مراد / قاعد في المعرض
مراد >> نبي نجيك
مالك >> في حاجه و لا شنو ؟
مراد >> بعد انجي تو نحكو
مالك >> تم نراجي فيك
//
//
بعد ربع ساعه مراد كان ف المعرض
مالك >> نورت
مراد >> أكيد عارف عليش جايك
مالك >> ع نفس الموضوع ؟
مراد >> نبي نفهم منك كم حاجه
مالك >> قعمز باه بتقعد مصبي
مراد >> مالك كنك وأخذ الموضوع ب البرود هذا ؟! بسبب القصه هذه بشرى تبي تطلق و محمد يبي يأخذ رانيا
مالك >> مفروض محمد هوا اللي يطلقها أساسا
مراد >> حتي انت عايم ع عومهم / عموما مش هذا موضوعي // نبي نسألك يومها شن حكيت مع بشرى و كيف عطاتك رقمها !؟
مالك >> اول حاجه مش هي اللي عطتني رقمها
مراد >> امالا من ؟
مالك >> رانيا
مراد >? رانيا !؟ احكيلي من الأول
مالك >> بداية القصه يوم اللي كنت انا ف الجامعه
مراد >> عارف و تلاقيت مع بشرى و شافكم عثمان
مالك >> يعني عندك علم بالقصه !؟
مراد >> بشرى حاكيتلي و كنت انا ه انحل الموضوع بس القصه كبرت / بس نبي نعرف عثمان شن قالك بالحرف !
مالك >> يحساب ف حاجه بيني و بينها قعد يقولي هذه متزوجه و انا كنت ع علاقه بيها و قعد يخلط ف الدوه
مراد >> كيف يخلط !؟ قتلك نبي نعرف شن قالك !
مالك >> يا راجل انت فاهمني / صاير بيناتهم جو قبل ماهي تزوج
مراد >> و بعدها !؟
مالك >> قعدت نقوله هذه مرات قريبي و كذا و ما فش شي بيني و بينها / قالي امالا وصللها كان م تعطنيش فلوس الدوه اللي قلتها لك هتوصل لراجلها // اها و قالي انه هوا يبيها و ميت فيها و من الدوه هذه
مراد >> و ذكائك الخارق ما قالكش طالما يبيها و ميت فيها و صاير بيناتهم جو ع قولك ليش يخلي بشرى مثلا تسيبه ؟؟ بما انهم يبو بعضهم ليش ما تزوجها
مالك >> " قعد يحك ف راْسه " ما خطرليش السؤال هذا نسأله له
مراد >> عشان تعرف انه الكلام كله كذب و فترشه من هذك
مالك >> و شن اللي يخليه يدير هكي و يحكي عليها !؟
مراد >> توا انت لو كان ف بنت مثلا حاط عينك عليها و هي فاتاتك و تزوجت و بعدها شفتها مع واحد حتي لو كان قريبها شن ه تفهم ؟ و كيف ه تكون ردة فعلك ؟
مالك >> بغض النظر ع المثال العبيط اللي قاعد تقول فيه انا م فش وحده تفوتني
مراد >> اوك يا تامر حسني 🌚 جاوبني بس
مالك >> لو كنت نبيها مش ه نخليها تضيع من ايديا
مراد >> تماما / معناها هوا أساسا ما كنش يبيها
مالك >> و بعد تزوجت حَلت ف عينه !؟
مراد >> بضبط و اخيرا بديت تفهمني
مالك >> و بعد شافها معايا طلع عليها الكلام هذا
مراد >> Exactly ع قولها 👌😂
مالك >> توا كيف فهمت
مراد >> بس انا مازلت م فهمتش ليش رانيا تعطيك الرقم
مالك >> يومها خشت بشرى و مازلت م كملت كلامي معاها و بصدفه جت رانيا
مراد >> صدفه ! عقلك خضر هذه مش مخليه مكان لصدفه بكل
مالك >> المهم قلتلها كلميها ليا قالتلي م نقدرش اصلا في حسس بيني و بينها تو نعطيك رقمها و رِن عليها
مراد >> متاكد من الكلام اللي تقول فيه !؟
مالك >> و الله هذا اللي صار رغم اني قلتلها م فش داعي و تو نقول ل استبرق تناديها جت خذت النقال من يدي و كتبتلي الرقم
مراد >> كنت واثق انها ورا كل اللي صار
مالك >> و لما رنيت عليها عطتني مشغول ف قلت يمكن مش قادره ترد ف دزيتلها المسج
مراد >> بس بشرى ما كنتش عارفه شي ع المسج هذا و ما سمعتش بيه الا لما قراه محمد قدامنا
مالك >> يعني !
مراد >> يعني النقال م كنش عندها لما انت رنيت و دزيتلها المسج
مالك >> قصدك كان مع رانيا
مراد >> ايواه
مالك >> و قلتلي محمد يبي ياخذها تي خزي ع الناس اللي هكي
مراد >> لازم تمشي معايا و تحكي لمحمد الكلام هذا لاني لو حكيتله انا مش ه يسمع مني
