" زواج مْـع وّقـف الـتـنـفـِيـذ ❤ ..*! "
# الحلقهه السادسهه و العشرون 🌸
رانيا >> الحمدلله ع سلامتك نورت بنغازي و الله " و قعدت تمشي شوره "
محمد >> الله يسلمك " و وقف عند اخر درجه "
مشيت شوره بسرعه و جيت قدّامه // كاين لابس جاكه بس مفتوحه
خششت ايديا بين الجاكه و قربت منه و قلتله
انا >> رايفت عليك يا بيبي 😌🙊
رانيا وقفت مكانها و محمد وجه قعد ألوان ألوان و معش عرف شن يرد و لا شن يدير
مسكت يده و قعدت نركب ع الدروج
خشينا جوا و هوا مازال مصدوم
انا >> يسلمو عليك هلي و يسألو عليك رَآه
محمد >> سلمك و سلمهم 😳
انا >> كنت طالع و لا شنو ؟
محمد >> لالا بس جتني فاتن و قالتلي رانيا لوطا و تسال عليا
انا >> اها // راجيني نغير ادبشي و تو ننزلو مع بَعضُنَا
طبعا هوا كان تحت تأثير الصدمة و حتي انا 🌚😂
غيرت ادبشي و لقيته مصبي في الصاله و شكله هكي يراجي فيا جديات 🙊
انا >> خلاص كملت
محمد >> تمام باه
فتحت الباب و اول ما طلعنا مسكت يده و نزلنا
منار >> يا خيا عليكم 😍
مراد >> اووووو وين ع الحب اللي ع العلن 😂😍
رانيا >> ما عرفتهن ألا طروح زايده 😒
وصلنا لوطا و قعمزت جنبه
محمد >> باهي شن اخباركم
رانيا >> الحمدالله كويسين
محمد >> كنها عمتي منيره ما جتش ؟
رانيا >> طلعت هي و أمك مش عارفه لمن ماشيات
انا >> و كنك ما مشيتي معاهن 🌚
محمد >> جيبولنا حاجه نشربوها 😒
منار >> تو انصبي انا
محمد >> انا نبي قهوه را
منار >> و انتو ؟
مراد >> انا شارب ما نبي شي
رانيا >> حتي انا قهوه
منار >> بشه و انتي ؟
انا >> نفس احميده 🌚
منار >> تم 😂
صبت منار و نزلت فاتن قعمزت معانا
رانيا >> احميده النقال مازال ما صارش منه // تشوفه ليا أخره ؟
انا >> فيه محلات في شارع الببسي يصلحو في اي جهاز 🌚
فاتن >> بالك رمزي يفهم فيه تو بعد ينزل يشوفه
مراد >> انه القصف 😂😂
سكتنا كلنا 5 دقايق و كلهم يبحتو فيا و محمد ماسك ضحكته
و في نفس الوقت نزل رمزي و جا قعمز جنب فاتن
و جابت منار القهوه و قعدنا نشربو
رمزي >> تبو تقعدو ساكتين واجد 😒
فاتن >> رمزي شوف موبايل رانيا له ايام يستك
رمزي >> هاتيه
مراد >> خلي رؤوف يجيبلك واحد جديد
رانيا >> مش هاين عليا نسيبه النقال هذا عندي ذكريات معاه " و بحتت في محمد "
مسكت يده و حطيتها ع كراعي و قعدت نلعب ع الساعه اللي لابسها 🙊😂🌚
قعد رمزي يدير فيه و هي تبحت فينا و انا دايره روحي مش فاطنه
محمد كان مصدوم و لا عاجبه الجو مش مفهوم 😂
