" سووري ع الخطأ الي صااار
نتمنالكم قراءه ممتعه 💕💕
زواج مْـع وّقـف الـتـنـفـِيـذ ❤ ..*! "
# الحلقهه 3🌸
زينب >> خوذي و بسرعه سكري ما تحكيش قصة حياتك
انا >> باهي اسمعي صاح إيمان برا ؟
زينب >> ادير في المربوعه قاعده
انا >> تمام باه
خذيت النقال و نبي نرد جا الخط فصل و لما جيت نبي نرن عليه آخره خش خالد و النقال في يدي 💔
خالد >> شنو هذا اللي في يدك ؟؟؟
سمعت صوته و من الفجعه طاح مني و برمت نبحت فيه
حسيت قلبي وقف لحظتها و كان يقيسو ضغطي يلقوه هابط
قعد يقرب مني و انا نوخر و دموعي ينزلن
انا >> قبل ما تضرب خليني نحكيلك
خالد >> شن تبي تحكي ؟؟ شن هذا ؟ بشرى قسما بالله تبي تجلطيني بقصد انتي ؟ تعالي هنا كذا
انا >> خالد 😞
إيمان >> خالد كنه صوتك عالي فجعتنا
خالد >> البنت هذه تبي تجيبلنا العار // كررررريها ليا هنا
إيمان >> تي كنك تعيط بس فهمني ؟؟
خالد >> ما تشوفيش شن اللي في يدها ؟؟
إيمان >> نقالي هذا ؟؟ كنك منفصل تي نقالي الجديد
خالد >> نقالك انتي ؟؟ و ليش خافت هيا ؟؟
إيمان >> وسع بالك بس و تو نحكيلك
خالد >> لا نوسع بالي لا نم نبي نعرف شن يدير نقالك عندها ؟؟
إيمان >> أم العريس كانت تحكي معايا و بعدها قالتلي عطينا بشرى
خالد >> و كنها ما قالت هكي من الأول ؟
إيمان >> اكيده فجعتها
خالد >> باهي شن كانت تبي الوليه ؟
إيمان >> كانو يحددو في موعد
خالد >> باهي تمام / / مازال الغداء ؟
انا >> لا خلاص شويه هكي 😭
خالد >> خلاص بلاش بكاء ماهو كان حكيتي من الأول بس ضروري تخليني ننفصل
إيمان >> حصل خير خلاص
غمزتلي إيمان و طلعت معاه و انا قريب سجدت في المطبخ و نحمد في ربي انه مشت القصه ع خير
بس شن قصة أم العريس هذه 😒
و انا مازلت في المطبخ رن آخره عثمان // قفلت النقال بكل و طلعت لدار دسيته
خالد >> بالك تحطولنا ه الغداء
حنان >> خلاص واتي غير اتجي عمتي و أيهم
خالد >> مازالو ما روحو ؟
حنان >> كلمتها قالت في الطريق خلاص
خالد >> باهي تمام
وداد >> و أخيرا كملنا ه الحوسه
خالد >> ربي يعطيكم الصحه
وداد >> سلمك سلمك
خالد >> العقبالك عاد
وداد >> مازال بدري عليا
خالد >> بدري وين ؟ اهي بشرى أصغر منك و نبو نعطوها
وداد >> أن شاء الله خير
خالد >> هذه زينب اللي خشت جوا ؟؟؟ انتي يا خرا تعالي
حنان >> تي كنك معاها توا ؟
وداد >> البنت في حالها خشت
زينب >> نعم كنك
خالد >> صبي كويس باه
زينب >> ع أساس في المدرسه قاعده ؟
خالد >> قسما بالله كان ما تبطلي طولة لسان انوض نعجنك
زينب >> نبي نخش نتوضى كنك ؟
خالد >> اوكي يا شيخه
حنان >> زينب عدي هذا فاضي ما عنده ما يدير
خالد >> كيف فاضي ؟؟ تشوفي فيا انهبلت و لا كيف ؟
إيمان >> خالد تي كنك بسم الله
خالد >> كيف بسم الله ؟ تشوفي فيا راكبني جن ؟؟
وداد >> لا هذا وضع معش ينطاق جديات ع قول أيهم
خالد >> ع بوك و بو أيهم باهي " و صبى ركب فوق "
