" زواج مْـع وّقـف الـتـنـفـِيـذ ❤ ..*! "
# الحلقهه الثلاثون 🌸
ركب محمد فوق و انا قعمزت مع منار // طلع مراد برا و هوا طالع خبط في ايهم 😂🌚
مراد >> اوووو ايهم نورت نورت
ايهم >> يا مرحبا يا مرحبا
مراد >> تفضلو
سمعت مراد يقول تفضلو / طلعت نجري شور الجنينه و لقيتهم جايين كلهم 😍😍
جت زينب شوري اول وحده // سلمت عليها و ع حنان و اماني و وداد
انا >> خشن خشن 😍😍
زينب >> أكيده يقولو وين ع الدلاله جايبه هلها كلهم 😂
انا >> غير بلا طروح
ايهم >> و انا ما يسلمش عليا و لا شنو ؟ 😂
انا >> ايهوووومه و الله نسيتك 🙊 كيف حالك و شن داير
ايهم >> تمام مرايفين عليك بس
انا >> حتي انا 💔
مراد >> تفضل خش // تبي تخلي خوك مصبي هنا ؟
ايهم >> تو نقعد حتي هنا ما فيا ما خشيت جوا اصلا ع اساس نوصل البنات و نروح
انا >> تي تروح في عينك حتي محمد يسال عليك
ايهم >> وينه ؟؟
انا >> تو نكلمه لحظه هي
قعمز مراد هوا ايهم في الجنينه و انا خشيت عشان نركب نشوف محمد
لقيت منار تسلم ع البنات و نزلت فاتن بعد شافتهن
ركبت ع الدروج و انا نجري من الفرحه عاد 💔😂
فتحت الباب و اول ما خشيت ما كنش قاعد / مشيت لدار و لقيته يلبس في سوريته 😳
انا >> نحسابك مازلت في الحمام مش قصدي رَآه 😳
محمد >> ماهو قتلك دوش سريع سريع
انا >> عموما كنت جايه نقولك انه ايهم لوطا " و برمت نبي نطلع "
محمد >> قبل ما تنزلي كذا ديريلي بطمة اليدين " و مدلي يده "
رديت خشيت اخره و جيت قدّامه و قعدت نسكر فيها
حسّيت روحي توترت بكل و معش عرفت نسكرهن
محمد >> ديري هكي " و قعد يساعد فيا بِ يده الاخره "
انا >> اها اها تمام
محمد >> كنه وجك انحمر ؟ 😂
انا >> شنو انحمر ما انحمر لالا عادي 😳
محمد >> و يدك ترجف
انا >> لالا قلنا عادي 😒
محمد >> زعمك عشان سوريتي مفتوحه 😎😂
تنحت فيه و وخرت // طلعت من الدار و قعمزت ع صالون الصاله ناخد في نفس
حطيت يدي ع قلبي اللي كان قريب يطّلع من مكانه و يدي لآخره ع وجي اللي كان ساخن
و فجاه طلع محمد و قعد يضحك
محمد >> نعليا نا 😂
انا >> سقدنا كان تبي تنزل 😒
محمد >> نبي ننزل توا اصلا انتي ليش مقعمزه 😎
انا >> كنت ناخذ في انفسي بس 😪 قصدي هيا 😒
صبيت و نزلت انا وياه و اول ما وصلنا لوطا صبت زينب تسلم عليه
محمد >> شن لاخبار و شن دايره
زينب >> تمام شن اخبارك انت
محمد >> في نعمه و الله
انا >> هذه وداد اللي حكيتلك عليها
محمد >> اهلًا و سهلا نورتينا
وداد >> منور بيكم
انا >> و هذه اماني اخت حنان
محمد >> ما شاء الله عيله كلها طروف 😂
اماني >> بس مش كيفكم 😍
زينب >> الله اكبر اها 😍
حنان >> طيح سعدكن تحشمن
منار >> هههههههه سبحان الله نفس اُسلوب مراد 😂
محمد >> اها فطنتي 😂
انا >> خلاص اطلع معاهم برا انت 😒
محمد >> حاضر يا قلبي 😎
