#ثغرات_الماضي
#طيبة_الربيعي
*الفصل الثالث*
دخل شاهين مستغرب من شاف اللمة بيهة مجادلة ووجوه معبسة
شاهين: شكو
صابرين: اندري اشو يگولون سهام وعمتنة وماعرف شنو😯
مرد علية ودخل يمهم.. نزلت ماما باوعتلنة ودخلت وراه.. صار نقاش كلش غريب.. جدو يحچي بحرگة واحنة دموعنة تجري وياه.. يعني عدنة عمة واهلي متبرين منهة؟؟ زين ليش شمسوية.. ليش جدو كاره حتة طاريهة لهل درجة ويگول طمست راسي بالوحل.. فلوسيش هاية المطالبين جدو بيهن؟
ليكون مسوية شي يغضب رب العالمين قبل ليغضب اهلهة.. ماحچي عن الفضول شلون صار عدنة كلنة..'طيبة_الربيعي'
ريان: اززل
باوعت ريان فوگ يصيحني
ازل: ها حبيبي جايتك
ريان: تعااي
صعدتلة وشلتة بوستة.. دخلت لسويتنة شفت خولة نايمة وجواد گاعد يلعب بالعاب ريان
ريان: تعاي يمنة هنا دعدي (گعدي)
ازل: هسه گلبي بس ابدل واجيك
نزلتة: العب بين ماابدل'طيبة_الربيعي'
هو ركض گعد يم جواد يلعب وياه.. هذا يگلة لا مو هيچ تركبهة وذاكة معاند الة هيچ.. دخلت لغرفتي بين مادابدل صعدلي بيداء وميس
بيداء: ولچن راح اتخبل منين طلعلتة عمة، فلم هندي هذا لو مسلسل تركي معرفنة
ميس: اسكتي اني عقلي واگف حالياً
ازل: لكم اني الي راح اتخبل، وچمالة عندهة ولد رجال مشورب، يعني هذا الحچيت ويا اني ابنهة؟؟؟
ميس&بيداء: ياهووة ولچ
ازل: ذاك اليوم من سمعتو امي وابوية يتعاركون
ميس&بيداء: اي؟؟
ازل: الصبح دگ موبيل امي رفعتة طلعلي واحد يريد امي وعلساس ابن سهام وگال خلي تخابرني ضروري، ليش مااني الثولة عاميني الثول ونسيت اگول لأمي ومذكرت الة بليل وحچيتهة گدام ابوية
ميس: شگلتي'طيبة_الربيعي'
ازل: گلت لأمي گتلهة اتصل عليج واحد يگول ابن سهام ماعرف منو وگال خل تخابرني ضروري، ابوية گوم وتخبل على ماما منطاهة مجال تحچي، منيلچ تواصل وياه واني مو محذرچ سهام حتة بيتنة ماتندلة وووو خبصة خبصة
بيداء: وكل هذا صاير ومحچيتي
ازل: لچ عبالي هذا شي يخص ابوية وامي فقط معبالي يمس العائلة كلهة، اني لو ادري چان حچيت بس شلون افضح سر امي وابوية، ولو طلعت مني ابوية راح يعرف ويذبحني لا محالة
ميس: موضوع يحير، شگد اعمارنة وهسه يلة عرفنة عدنة عمة لخ، يعني صارلهم شگد مقاطعيهة
ازل: اوووه الظاهر قرن
بيداء: صار عندي فضول اعرف وين بترتيب الاخوان هية، معقولة تكون الچبيرة؟
ازل: ماعرف احتمال
ميس: تعالن ننزل نفتهم اني شبچت عندي الوايرات
ازل: روحن نزلن انتن افتهملي اني ماگدر اعوف ذولة وحدهم وخولة يمهم
بيداء: ديلة عود انتبهي لموبيلچ، توصلچ الاخبار
ازل: عفية
ميس... اول شي رحنة غيرنة اهدومنة وبعدين نزلنة.. بس نزلت صار بوجهي شاهين هستوة طالع من الاستقبال.. خزرني وفات..'طيبة_الربيعي'
اني درت وجهي منة خاف عبالة عود خايفة منة.. رجع علية وگلي
شاهين: انتي بيچ شي اليوم؟
ميس: سلامتك ابن عمي
شاهين: ميس
ميس: گول
شاهين: صاير شي، احچي المن هاي الحركات الغريبة، مو من عوايدچ
رفعت حاجبي: ليش انتة تعرف عوايدي شنو
شاهين: اعرفچ مو من هذا المستوى الاديرين وجهچ بي من احاچيج لو اباوعلچ، خير طگلچ عرج
البنات واكفات وهو يحاچيني انحرجت.. بس الله يحبني لو وحدنة چان كتيتهن كلهن
نغم: شبيچ لچ مو عيب ديحچي وياچ الولد ردي بأدب
صابرين: الطنگورة شبيهة
عجزت عن الجواب.. وبعدين ذني ليش يدخلن شگد مكروهات
شاهين: خلنهة، براحتهة، عبالهة افوتلهة الصار اليوم، خل يفرغ ابوچ واني اعرف شأحچي وياه
وعافنة وطلع.. 'طيبة_الربيعي'هسه شاهين مو ابالي.. اريد افتهم هاي المصيبة منين طلعت النة
ابو ازل: اني افتهمت غلط بالبداية عبالي جاي يطالب بحقوق امة بس الظاهر مارين باوقات حرجة هو وياهة
ابو عواد: عندك رقمة؟
ابو ازل: اي
طلع جدو.. ضايج وعيونة مليانة غضب بس بيهة نوعاً ما مشاعر حنين.. اوف يا جدو سودة علية.. نغم راحت وراه.. كلش يعز نغم ويحترمهة لان هية محترمة ولسانهة ينگط عسل تعرف شلون تسايس..
بس اني كلشي ماعرف بس اطنگر وازيد الطين بلة.. حسب كلامهم گالو انو راح يتواصلون وياه ويشوفون شمحتاج..
ساعة يترددون وساعة اسمع اصواتهم ترجف يمكن من الحنين لأختهم.. والله طول مااني گاعدة اتسمع جسمي مگزبر.. محد حچة بالصار بالماضي شنو بس الظاهر المسويتة عمتي كلش ضارهم..
ازل... بعد الصار البيت انترس كئابة.. جدو يمة نغم خطية وبيبي تبچي ملتمين احنة داير مدايرهة.. وبابا وعمامي گاعدين يصفنون.. وماما وزوجات عمامي هم مگابيل بيبي وگاعدين
بيداء: ماما فهمينة شنو الموضوع، ليش تبريتو من عمتي سهام
ام ميس: مو وقتهة ماما بعدين
صابرين: ليش بعدين خالة غير من حقنة نعرف
ازل: اي والله ترة مدنربط
ام ازل: بعدين لتلحن!
سكتنة لان واصلة لخشومهم.. ورة صلاة المغرب عمو ابو عواد گال
ابو عواد: جيب رقمة خل نتصل بي'طيبة_الربيعي'
ابو ازل: ازل جيبي جهازي
ازل: وينة
ابو ازل: فوگ بالغرفة شوفي
ازل: اوكي
صعدت ركض جبتة ورجعت.. انطيتة الة.. چانت لحظة حاسمة.. وكلنة اذانة تصغي بفضووول
شاورت ماما: شوكت تحچيلي شنية
ام ازل: اصبري خل نسمع
ابتعدت وگمت انصت وياهم.. عمو ابو عواد اتصل وحچة.. اسمعة يگولة وين انتو هسه وماعرف شنو.. بالأخير گالة نلتقي بأذن الله اني وعمامك نمر عليكم وناخذكم ويانة..
وصارت بعد سوالف بس مفتهمتهة.. من سدة بيبي گلتلة
بيبي: شبيهة اختك يمة
ابو عواد جر حسرة: كلشي مابيهة، حاچيتة لمنذر گال امي تريدكم خافت هية تخابر لا تردوهة
بيبي تبچي وتحچي: هية هاي سوايتكم بيهة اني گلبي يعلمني، صارلي بالشهر اتحلم بيهة واشوفهة مكسورة گلي الصراحة اختك بيهة شي
ابو عواد: مابيهة شي يمة صدگ چذب، لو بيهة اضم عليچ؟؟
ابو ميس: وهسه شنو، شوكت نروح
ابو عواد: بكيفكم'طيبة_الربيعي'
ابو ازل: باچر نجيبهم ونجي خوية، لهنا وكافي صارلنة عمر مانعيهة من عدنة
كلهم انقهرو خاصة ابوية حسيت اكو غصة ابلعومة.. شوية وسكتو بعد ما اتفقو باچر يروحون يجيبوهم.. محد تعشة كلمن دخل لغرفتة.. بس احنة البنات بقينة يم بيبي.. اجتي نغم گعدت بصفي
ازل: ها شلونة جدو
نغم: موزين، عيونة دم
ازل: سودة علية
بيبي محد يگدر يحچي وياهة گامت وعافتنة.. من تنقهر وتضوج متحچي تبقة ساكتة.. تلزم سجادتهة وتصلي
ميس: محچالچ شي جدو
جرت نفس: حچالي
صابرين بفضول: اييي شگال
نغم: يمعودات سالفة تقهر شبعت بچي وين اتحمل اعيدهة
ازل: بس انطينة الزبدة، ليش متبرين منهة وليش محد حاچيلنة عنهة
نغم: قبل سوت شغلة وخلتهم يبيعون البيت ويشيلون
صابرين: شسوت بس لا شي يمس الشرف
نغم: لااا ابد، استغفري ربچ
صابرين: لعد شنو'طيبة_الربيعي'
نغم: اووف مداينة ملاايين متنعد يمكن فوگ الميتين مليون وكلة بدون علمهم
كلنة انصدمنة!!
ازل: ياا عزة
ميس: علويش مداينة هل مبلغ الچبير
نغم: مو بس دين، ماخذة اشياء بالاقساط ومدافعة وكافلة ناس يعني ماخذة قرض بأسمهة الهم بس خادعيهة وممرجعيلهة الدين، زايد عليهة فايز لان رادت تسدد بعض من الدين، ووووه سالفة ادوخ
بقيت صافنة اني.. شهل دوخة هاية.. شمورطهة بهل امور والله عجيبة
بيداء: لتخبليني، غبية لهل درجة تتداين وتثق بأي احد
نغم: مو غبية بس چانت طيبة زيادة عن اللزوم، مو معلمة وعدهة راتب واطب وتطلع فمستغليهة، اني چنت موجودة من چانت هية موجودة بس ماذكرهة چنت طفلة بس انتو مملحگين عليهة
ميس: يا الهي شگد خطية
ازل: زين محد گدر يساعدهة؟ وين چانو جدو وعمامي
نغم: مگادرين يدفعون الدين كلش چبير كل ما يسددون يطلعلهم ديان جديد، جدو يگول يومية ثنين تلاثة يدگون بابنة يطالبون بفلوسهم واحنة بعنة ثوابتنة علمود نوفي دينهة بس مگدرنة المبلغ مالة حد حتة نعرف شلون نوفي
سالفة وگفت عقلي.. صافنة عليهة من تحچي.. شجاهة معقولة معلمة وتمد ايدهة معتازة؟ المن دين وشلون تثق وتاخذ قرض بأسمهة.. عجييييب'طيبة_الربيعي'
ازل: وبعدين شصار
نغم: رجلهة طلع واحد سافل لا يساعدهة لا شي، وهم مچذب عليهة چان ياخذ منهة فلوس على ابو ميحتاج بس طلع يجمع علمود يتزوج الحقير
بيداء: عزة العزا شگد نذل وسافل
ميس: لعد بابا وعمامي وين چانو
نغم: شيسوون غير جدو يگول وفينة هواي بس الدين ميتوقف عبالك باب جهنم وانفتح علينة، اخر شي ذابيهة علة رجلهة هية وابنهة وگايليلة انتة تكفل بسوايتهة هية مرتك وامانة برگبتك المفروض متخليهة تسرح وتمرح بكيفهة
ازل: خطييية
نغم: كلش خطية، عاد جدو من حرگتة متبري منهة ومطردهة داز علة رجلهة شمسوي بي، ذاكة ماخذهة وطالع بس مشوفهة الويل ومن ذاك اليوم لحد هذا اليوم همة مضيعين عنوانهم وممخلين شي يربطهم بيهة
ازل: زين هو ابنهة منين جاب رقم ماما
نغم: والله هذا الشي الوحيد الماعرفة
بيداء: معقولة باقية على تواصل وياهم؟
ازل: هية غير تحچيلي حتة افتهم
اخذنة الواهس وبقينة للوحدة نحچي.. شلون مصيبة هاية.. شگد صعبة الضروف المارين بيهة
دخل شاهين: گومن كافي سوالف، صابرين فرشيلي هنا انام
ازل: لا عفية خلينة گاعدين شوية'طيبة_الربيعي'
شاهين: باچر وراچن دوام وشغل السوالف متخلص، يلة صابرين
گامت: اي گمت
بعد شاهين وگف على راسنة كلنة اطشرنة.. دخلت لغرفتي خليت راسي على المخدة يم ريان وتغطيت..
رغم مشايفتهة ولا اعرفهة بس چنت متحمسة لباچر وكلي فضول اشوفهة واتعرف عليهة.. بقيت الليل كلة اتگلب وافكر شراح يصير باچر من يلتقون بيهة بعد كل هل مدة؟ وبقة سؤال ابالي محيرني.. منين جاب رقم امي؟ وليش احس ماما ضامة شي؟ ليش مستغربت من اتصالة؟
ميس... فعلاً قهرتني سالفة عمة سهام.. بس اكثر شي دگ بصدري وجرحني دموع بيبي.. ايدية مربطة ماگدر اوخر هذا الحزن من گلبهة.. يعني كل هذا كاتمتة طول هل سنين وخافيتة بأبتسامة مزيفة.. صدق من گال البيوت اسرار..
من دخل شاهين اني گلبت وجهي.. فوگاهة يخرب گعدتنة.. چان بداخلي جمر يفور ويغلي.. كل ماذكر السمعتة بنفسي اضربة واعيط عليه بكل قوتي.. بس مالي حق بصفتي منو..
شلت الاستكاين خليتهن بالصينية ورحت للمطبخ
بيداء: يلة تعاي انام
ميس: خل اغسل ذني، روحي نامي اني شوية والحگچ
بيداء: ماشي'طيبة_الربيعي'
بين مدااغسل الاستكاين دخل شاهين هو وجگارتة بيدة خنگني
شاهين: سويلي چاي
مباوعتلة: مابية حيل رايحة انام
شاهين: هو قوري وتحطي عالنار شتخسرين
ميس: سوي انتة اذا هو بس قوري وينحط عالنار
شاهين: انتي ضاربينچ بكرك براسچ هل يومين لو شنو؟
خلصت مسحت ايدي وباوعتلة
ميس: عندك اخت خلي تسويلك اني ممجبورة بيك
شاهين: اكلي نعل احترمتچ هواي، بگد القندرة ولسانچ صاير بطولي!
ضجت من طريقة حچية وياية عبالك طفلة ويحاچيني.. ولا عبالك جبيرة بعينة.. اكيد هو المتعود على الحرام ميحس بطعم الحلال
ميس: اشكرك ابن عمي
تعديتة وطلعت.. دخلت للغرفة شفت البنات يفرشون.. بالگوة لزمت دمعتي گدامهم.. فرشتلي وتمددت.. محد چان الة خلگ الثاني من ورة الصار اليوم..
جوة فراشي الليل كلة افكر ومخنوگة.. ساعة اگول مالة حق يسوي هيچ بس بعدين افكر ليش ميسوي اذا شاب وعزابي.. من اجاهلتة يلة انتبهلي وَإلا خطوة وحدة ميتقدم.. يا خطوة هو شسوة اصلاً حتة تقدم.. 'طيبة_الربيعي'
تعبت من التفكير لحد ما نمت.. الصبح بالگوة گعدت منايمة زين وعيوني گوة فاتحتهن.. واصلة لخشمي وگعدت نحسة مصبحت بوجه احد.. نغم طلعت لدوامهة عواد وياه يوصلهة.. واني وصابرين وازل منتظرين الخط يجي..
تأخر الخط والدوام مبقة عليه شي ويبدي
صابرين: اروح اگعد شاهين؟ هذا ابو الخط مراح يجي مدام اخذ فلوسة معناتهة طفر
ازل: شگد نذل لعد، ولا يجوز صوجنة رجعنة سجلنة عندة
ميس: خلي نروح مشي اذا هيچ
ازل: شوف هاية اليسمعچ يگول المدرسة بالفرع الورانة، على ما نمشي داگ الجرس ورايح
صابرين: لا يا مشي مابينة حيل ومنلحگ نتأخر، راح اگعد شاهين واجي
ركضت تگعدة.. ماريد اشوف خلقتة من الصبح منا اني روحي طالعة.. خاف يحچيلة حچاية ويچفص ابطني
ميس: طالعة انتظر بالحوش
مشيت خطوتين صاحتني ازل
ازل: انتظريني
ميس: يلة
اخذت جنطتهة وطلعت وياية
ازل: شبيچ ميسو'طيبة_الربيعي'
ميس: مابية
ازل: ميخالف حبي تصير ترة عادي
ميس: صاير مخبل هذا، البارحة شلون يحچي وياية يگلي بگد القندرة، حتة احترام صاير ماعندة
ازل: اي حقة غير انتي تعاملچ وياه مُستفز اني من يمي ضجت
ميس: لعد شسوي ابوس ايدة وعادي؟؟
ازل: لا انتي هم حقچ بس مو ميعرف بمشاعرج...
قاطعتهة: رجاءاً مليت من هذا الحچي، اتركي الموضوع مالي خلگ احچي بي
ازل: ماشي عيني
شافتني معصبة سكتت.. شوية واجتي صابرين گالت هسه بس يغسل ويلبس عالسريع.. عشر دقايق وطلع لابس تراكسود وبيدة السويچ.. مبين گاعد من النوم وروحة طافرة
شاهين: يلة امشن
صعدنة اني طول الطريق اباوع من الجامة.. بس من وصلنة صدت عيني بعينة من باوعت عالمراية بدون قصد.. لگيتة يباوعلي.. درت وجهي ونزلت
شاهين: يجيچن الخط لو اني اجي عليچن
ازل: ماعتقد يجي انتة تعال'طيبة_الربيعي'
شاهين: خوش، يلة الله وياچن
ازل... ماعرف شلون خلصت يومي بالدوام.. كل تفكيري بالراح يصير اليوم.. رجع علينة شاهين بثنتين ورجعنة للبيت.. من دننزل گال
شاهين: ازل ابقي اريدچ بشغلة
استغربت.. شكو.. نزلن البنات اني بقيت گاعدة ليورة
ازل: ها شاهين گول
شاهين: شبيهة هاي بنت عمچ مطنگرة احد مسويلهة شي؟
ازل: لا مابيهة شي بس ضغوط الدوام والامتحانات اعذرهة
شأگلة يعني
شاهين: گليلهة خل تحترم لا اخلي راسي براسهة، ماناسي المكياج وطولة لسانهة بس راح اعديهة هل مرة، گليلهة اذا ضلت هيچ تجني علة نفسهة
ازل: على كيفك انتة همينة ترة مسوت شي
شاهين: لا سوت ونص لتكبرين راسهة بحچيچ هذا، وصليلهة كلامي خل تعقل طفلة وماريد احط راسي براسهة
ازل: انتة گلتهة طفلة، لتاخذ بحچيهة
شاهين: شگتلچ اني
ازل: اي اي'طيبة_الربيعي'
شاهين: يلة نزلي
نزلت ودخلت للبيت.. شلون بيهم ذولة الثنين واحد اعند من اللاخ.. تلگاني ريان يسأل اذا جبتلة شي وياية.. يومية اجيبلة لو نستلة لو عصير ومن هل اشياء.. اخذتة وياية فوگ وطلعتلة عصير وكيكة..
تلگتني ماما الله يساعدچ.. بوستهة ورحت بدلت
من خلصت رجعت يمهة چانت ترضع خولة
ازل: ابوية بالشغل مو
ام ازل: لا ماما راحو يجيبون عمتچ
فكيت عيوني على وسعهن: هسه؟
ام ازل: اي
ازل: صارلهم شگد من طلعو
ام ازل: هواي وهسه على جية، گومي لبسيلچ شي حلو
ازل: ماما گولي الصراحة منيلهم رقمچ عمتي وابنهة، معقولة مگاطعة علاقتچ بيهة من ذاك اليوم لهذا اليوم؟؟
ام ازل جرت نفس: مگطعت علاقتي بيهة، بس اجت فترة هية اختفت وهسه ابنهة خابرني، تذكرين من اجتي فترة تمرضت وتعبت؟
ازل: اي؟؟؟'طيبة_الربيعي'
ام ازل: لا فجاة اختفت ومعرفت اخبارهة، عمتچ چانت صديقتي روح بروح، اعرفهة قبل لا ازوج ابوچ ومخلصين معهد سوية بس هية هاي الدنيا متخلي على حال الانسان حال
ازل: زين ليش محچيتيلي معقولة ضامة هيچ موضوع چبير علية
ام ازل: اني لأمي محاچية اخاف لا توصل لأبوچ وتصير مشاكل، لخاطركم سكتت وتحملت المر، ابوچ مخبل وماعندة تفاهم
والله چان گلبي عالمني انو ماما بقت على تواصل وياهة.. وإلا منين يجيب رقم ماما وبيت جدو حتى عنوانهم مضيعي...
لهناك واجوي بابا وعمامي.. وخرت البردة مال الشباك البالمطبخ وباوعت شفت شاب طويل ضعيف بس عندة اچتاف عالية وصدر معضل.. لابس تيشيرت ازرگ طوخ وجينس سمائي محكوك بأبيض.. چان شكلة حيل مرتب.. لگيت نفسي سرحانة لو ما بيداء جارتني چان شافوني
بيداء: لچ غبية شافچ بابا وخزرچ منتبهتي!!
محاسة على نفسي.. شگد عيب من عمو
ازل: ماادري، شبيچ خلعتي ايدي'طيبة_الربيعي'
دخلت امهة: بلا سوالف وين الچاي
اخذولهم چاي وكعك.. گعدت عالكرسي اصفن.. هو هذا الحچيت وياه؟ منذر..
منتبهت من دخل عواد
عواد معصب: بعد اذا فتحتي هاي البردة وباوعتي اگص رگبتچ افتهمتي لو لا!
ضجت: شبيك عواد ترة فتحتهة شوية ولان اعرف ماكو واحد غريب باوعت
عواد: حتة لو! بلة جاي ويانة واحد غريب!
ضليت ساكتة مرديت عليه لان مكروه
ام عواد: يلة يمة مصار شي شبيك
خلة وطلع.. من اگول عليه مخبل ماانلام.. هو منو غير بس ابوية وعمامي وابن عمتي؟؟ منو الغريب؟؟
زين ليش عمتي مجاية وياهم؟ واني چنت متحمسة اشوفهة شلون شكلهة....
بتبع.....🔥🔥🔥🔥🔥
البارحة ردت انشر بس التهيت واليوم همينة چان عيدميلاد صديقتي
بارت طويل تعويضاً عن التأخير
البارت الجاي تبدي احداث القصة تاخذ مجارهة😘😘