ثغرات الماضي

الفصل الخامس والثلاثون

#ثغرات_الماضي
#طيبة_الربيعي
*الفصل الخامس والثلاثون*

مساء الخير🌸
تفاعلكم على ذاكة البارت مو شي متابعيني
مو اني احبكم ومدللتكم، داروني بالتفاعل قبل ليبدي الدوام ومارجع الة عالعطلة الجاية
وبالنسبة للنشر اني اكتب بالبارت الواحد يومين
يعني من دا اخلص گبل دا انشرة
احبكم وقرائة ممتعة🥰
___________ღ___________

انجرف قلبي خلف وعودك الجميلة
ورجع مطأطاً رأسه من الخُذلان💔

ازل... شنو مخدرات وليش موجودات بالبيت

ازل: متأكدة بيداء؟ لو مجرد تخمين
بيداء: فتحي چيس وشوفي، اكو واحد يحط بودرة ويضمهة بالكنتور اذا مو شي مو قانوني؟ ليش انتي هيچ غبية!
ازل: ليش تعصبين علية، اني شعرفني
بيداء: شلون يا الهي، اجي يمچ اني ابات كم يوم، لتحسسي انتي تدرين بشي تصرفي طبيعي
ازل: يعني شنو مخدرات بيداء، شيسوي بيهن يتعاطة؟؟؟؟
بيداء: ماادري، ماادري راح اتخبل، بلة يشرب مشيناهة، بس يتعاطة؟ انتي تلاحظين عليه تصرفات غريبة؟
ازل: مثل شنو
بيداء: مادري بس شلون من يسكر، لو يفقد نفسة يسوي حركات مو طبيعية، اي شي من هذا القبيل
ازل: مرات يضربني وبعدين يجي يعتذر يگلي اني مرات افقد مادري بنفسي
بيداء: يا حظچ الأغبر يا ازل، شوگعچ وية هذا، شلون شسوي هسه اني راح اضل قلقانة عليچ
ازل: لتخوفيني، شلون لازم احچي ويا
بيداء: وهم يرجع يطبطبچ مو؟ هذا ميفيد الحچي ويا، اقتنعي انتي اختيارچ لمنذر اكبر غلط
ازل: بيداء هو مو بيدة، معاش وتربة مثلنة...
بيداء: هذا حچي قنعي نفسچ بي
ازل: صدگيني هو حنين وممكن يتغير، هو وعدني گلي راح اتحسن لخاطرچ'طيبة_الربيعي'
بيداء: وينة التحسن؟ صار شگد انتي ويا شفتي تحسن؟
ازل: هل ايام زين، ودائما بالبيت لان عمتي مريضة
بيداء: علمود عمتي يعني مو علمودچ، اني عرفت شنو هذا، ديلعب بعقلچ يخدرچ بين فترة وفترة، ازل لازم تعوفي
ازل: شلون اعوفة واني شايلة ابنة ابطني، شبيچ انتي
بيداء: تعوفي من اجيبين، لازم نحچي لعمو عليه

اذكرت انو وعدني يتغير وداشوف بي تحسن هل ايام، هذا غير انو عمتي مريضة، ماريد ازيد الحمل عليهة، اكيد راح افتح على نفسي وعليهم باب من المشاكل يستحال غلقة

بيداء: وين رحتي
ازل: لا بيداء ابد لتحچين شي لأحد، خليني اني اتصرف، اشوف شلون تصير
بيداء: لا حول ولا قوة الا بالله، راح اجلطيني انتي، ولچ بابا هاي مخدرات، مو شي هين ينسكت عليه
ازل: خل اعرف شنو موضوعهن وشيسون عندة وعود لكل حادث حديث، ماريد اظلمة
بيداء: شيسون عندة مثلاً؟ لو يبيعهن لو يتعاطاهن، قريت اشياء توگف العقل بالنت، ولچ هذا اذا يغيب عن الوعي كلشي ممكن يسوي، خاصة بعد الصار ازل ميصير تستهانين بالموضوع

اذكرت الموقف، غيمة سودة وصارت فوگاية

صوتي اختنگ: لذكريني بيداء، لذكريني
بيداء: اسفة مو قصدي