ثغرات الماضي

الفصل السابع

#ثغرات_الماضي
#طيبة_الربيعي
*الفصل السابع*🔥

بارت طويل تعويضاً عن التأخير الصار❤️

...................
ميس: انتة من كل عقلك؟؟ اكيد صايبك شي
شاهين: المهم هذا مو موضوعنة، يجي وكتة

صرت حااارة عبالك الهوة انگطع علية

شاهين: شلون تحچين علية هل حچي، وشنو الغيرچ اذا مسويلچ شي چان اذكرت، واذا ناسي انتي ذكريني؟

شجاوبة هسه اني.. حتة اذا حچيت بصفتي منو واحاسبة

ميس: ممسويلي شي هيچ اني صايرة ماتحمل من الله

باوعلي بنظرة استفسار.. كأنه ممصدگ كلامي

شاهين: هذا اخر كلام عندچ؟'طيبة_الربيعي'
ميس: شنو جاي تهددني انتة
شاهين: ليش اهددچ
ميس: اسأل نفسك
شاهين: انتي ليش صاير اسلوبچ طايح حظة، جيتچ لهنا واعرف جاي اجازف، هو هذا ردچ؟
چتفت ايدية: شتريد مني اگول
شاهين: البالچ، ليش صايرات ماتتحاچن انتي وصابرين، ليش انتي صايرة هيچ
ميس: صابرين هية الي متحاچيني وگلبت علية، لان حچيت عليك مرة
شاهين: ها يعني تعترفين حاچية علية
ميس: ترة منكرت، وبوقتهة چنت ضايجة منك
شاهين: ترة وصلت لعمي لان اني چنت ضايج منچ ومن حاچيتچ ماحترمتيني گدام البقية، لتتوقعين مني اتغاضة واسكت زمن اول تحول
ميس: لا بلة وشنو التحول عيني'طيبة_الربيعي'
شاهين: مو جهال احنة ميس، افتهميهة وخليهة ابالچ هاي، انتي تفتهمين واني افتهم

واشر براسة بطريقة غريبة.. يعني تفتهمين قصدي.. بس حرام اذا افتهمت شيقصد

ميس: شتقصد ممكن توضح
شاهين: افتهميهة من يمچ، خل اروح اشوف صابرين، ماريد اشوفچن مزاعلات افتهمتي؟ ترة اوصل لعمي
ميس: وليش متوصل لعمو وتگلة على كلام صابرين الي استفزني، لو بس گادر علية

تغيرت ملامحة من راخية الى جادة وحادة

شاهين: گادر بس عليچ؟ تدرين هاي حچايتچ امي ماتگلياهة؟

فشلت لان شفتة ضاج وصار جدي بكلامة'طيبة_الربيعي'

ميس: لتفرهة علية ترة تعرف شنو اقصد، گلت لأبوية علية بس متگول لعمو على صابرين
شاهين: صابرين من اجادلني مثلچ وماتحترمني لذاك الوكت اني اكسر راسهة مو ابوية، وصوچي اني جيتچ

طلع.. هسه اني ليش كبرتهة.. لو منلصمة ومملاسنتة.. شلون هسه؟ گعدت عالسرير افكر بكلامة.. معقولة شاهين عندة مشاعر تجاهي؟؟ والا شنو هذا كلامة بخصوص شامتي الي محد فد يوم عبرهة او انتبه الهة..