ثغرات الماضي

الفصل الحادي عشر

#ثغرات_الماضي
#طيبة_الربيعي
*الفصل الحادي عشر*

~~~~~~~~~~~~~~~~~

منذر: روحي نامي ازل باچر يوصلچ الجهاز

عزة العزاني اي والله هذا يريد يحفر گبورنة بيديه

عواد بأستغراب: جهازيش؟
منذر: روحي ازل'طيبة_الربيعي'
ازل: اي

وطلعت لان اذا ابقة انكتل والنبي.. شلون بهذولة طلع منذر اضرب من عواد.. هسه الة تحچي گدامة يا منذر لو ما تعرف عواد مخبل چان گلت علة نياتة وطلعت من حلگة..

صعدت ودخلت لفراشي بس شنووو التوتر استوطني ومخلاني اشوف النوم بعيني.. خايفة لا منذر يعاند عواد وعواد يعصب وين يتحمل واحد يستفزة هذا ايدة والضرب..

بقيت لصلاة الفجر صليت ورجعت لفراشي.. لوجه الصبح يلة عيوني شافن النوم.. وهم منمت هواية هيچ كم ساعة وگعدت على صوت امي

ام ازل: ازولة ماما گعدي
ازل: ممم ها يوم'طيبة_الربيعي'
ام ازل: شعجب نايمة الي هسه حبيبتي مريضة بيچ شي؟
ازل: لا يوم بس منايمة زين، الساعة بيش؟
ام ازل: راح يأذن الظهر، گومي صلي ورجعي نامي يوم
ازل: اي هسه بس شوية

ورجعت غفيت يمكن كم دقيقة واجاني ريان

ريان: دوومي
باوعتلة: وين ادوووم اريد انام رورو حبيبي نعسانة
ريان: جوعان
ضحكت: ابو ثرب من يوم يومك جوعان، روح خلي ماما تريگك
ريان: اريد غدة، ماما متقبل تسويلي اكل
ازل: ماما متقبل تسويلك لو اكلت اكل الله وعبادة، هسه اگوم لحظة

بقة واگف على راسي لحد ما خلاني ابزع واگوم.. غسلت ولبست شالي ونزلت.. الولد ماهمة يمكن بعدهم نايمين.. ضل بالي يم منذر وعواد اموت واعرف شدار بيناتهم البارحة.. وكلت ريان ورحت للهول.. گاعدة بالهول يم جدو يلاعب خولة دخلت ميس اشرتلي

ميس: تعاي

گمت: هسه اجي جدو
الجد: روحي جدو'طيبة_الربيعي'

رحتلهة طلعنة من الهول

ازل: شكو ولچ
ميس: هاي صابرين اجتي واصلة عدهة للستار، هسه استفسرت من مرة عمي گالت چي عماد موصلهم ههههههه
ازل: شنو وين وصلهم عماد
ميس: مو راحن للسوگ فعماد شايفهم بالطريق وموصلهم للبيت بطريقة، لچ لو تشوفيهة صايرة ناااار
ازل: خل اروح اشوفهة، بس دير بالچ علة خولة فدوة
ميس: روحي اني يمهة

صعدتلهة لگيتهة تبدل وغادية ناااار

ازل: صوصة
صابرين: ها ازل ها'طيبة_الربيعي'
ازل: شبيچ حبي شو معصبة
صابرين: ليش هو اليشوف هل شكولات ميعصببب
ازل: اي شكولات شصاير
صابرين: عماد يعني منووو، يعني شلون ماخلص منة هذا اني وين ماروح يطلعلي چنة جني متنقللل
ازل: هههههه هسه شبيچ گبيتي، خطية صابرين علة كيفچ وياه شسوالچ
صابرين: لچ بس وجودة يمي يخليني اتكهرب يااختي مااطيقة
ازل: دهدي اعصابچ هديهة لتكبرين الموضوع
صابرين: هل ثقة الجايبهة منين ماادري شنو قصتهة، من كل عقلة يوصلنة للبيت ويعرفني اني مااطيقة
ازل: هو شعرفة انتي مطيقي
صابرين: يعررف يعرف، يعرف بس يغلس ماعندة كرامة
ازل: لتحچين هيچ، عماد حباب وخوش ولد مو لان متحبي تطلعين عنة دعايات
صابرين: ازل يرحم اهلچ لدافعيلة گدامي، لتخليني اخرب وياچ
ضحكت: خبلة والله
صابرين: الكاتلني امي مصدگت گبل صعدت عبالك چانت تنتظرة، شلون تحطني بهذا الموقف شلووون
ازل: خطية شتسوي يعني اكيد انحرجت
صابرين: انحررجت وااااني؟؟ خرررب مااصدگ صدگ سويتهة وصعدت بسيارتة المقرررفة
ازل: هم باوعلچ؟'طيبة_الربيعي'
صابرين: بس باوعلي؟؟؟ اكلني اكل الميستحي على دمة، مو اني اخت صاحبة وعشرة عمر، چان احترم شاهين وغض بصرة
غمزتلهة: هو لاگيهة خطية حتة يغض بصرة، يشوفچ بالسنة حسنة
صفنت علية: ازل روحي طلعي شوفي شغلچ، لا تصير موتچ على ايدي
گمت واني اضحك: عود تعاي علمود ناكل اني هستوني گعدت وبعدني كلشي مماكلة
صابرين: اي دروحي هسه جاية