ثغرات الماضي

الفصل التاسع والثلاثون

#ثغرات_الماضي
#طيبة_الربيعي
*الفصل التاسع والثلاثون*

ضغطت علة نفسي وكتبت حتة ماخليكم تنتظرون، گلبي منطاني
عذروني بارت قصير لكن انشاءالله يفي بالغرض😆
___________ღ____________

ازل... بس صحصحت واذكرت بتي انوخذت من حضني رجعت كَبيت، دفعت امي وباوعت لعمتي وعيوني تجري

ازل: ولج عمة ابنج اخذ بتي من حضني!!!! وين بتي يمة اريد بتي

انهد حيلي كلة

ام ازل: اصبري ولج يمة اصبري

ازل: اخذوهة من حضني شأصبرررر'طيبة_الربيعي'

جيرانة مرة جبيرة ووياهة جنتهة لزمني يهدن بية، وامي لزمت موبايلهة ماعرف منو خابرت، اني مثل المجنونة صرت، اريد اطلع اركض وراهة ويجروني

امي صاحت بوجهي: اووووكفي، راح يجي عواد اوووكفي، اسكتي عاد

ازل: منذررر اخذهة، هددني ياخذهة وصدكَ سواهة ال****، لو اعرف اموت وماخليهة عندك يا نااااقص

سهام: ولك يمة ليش هيج تسوي، اني ربيتك هييييج

ام ازل: حسبنا الله ونعم الوكيل، وين تروح من الله يا ظالم

عمتي تبجي وتلطم، معقولة ياخذ بتي مني بهل سهولة، اني الحبلت وشلتهة ابطني ثمن شهور ومتهنيت لا بحمل لا بولادة وهسه بلحظة يلملم تعبي كلة وياخذة بهل سهولة؟؟؟؟ امي صارت نار تروح وتجي

ام ازل: ابوج ميجااااوب

ازل: عواد، عواد هسه يرجعلياهة، خابري وخابري شاهين خل يجوون، فدوة خل واحد يجيبلي بتي ذولة ظلام ميخلوهة عايشة، ميعرفون شنو طفل يحتاج امةةةة

نص ساعة وصارو عواد وامة بالباب، بس اني بهاي النص ساعة اشيل روحي واركعهة بالكاع، اتوسل بجيرانة تشوفلي ابنهة يطلع وراهم بلكت يلحك يلكاهم شي

جيرانة دموعهة تجري علية: ملحكنة عليهم، كولي يا الله ان الله مع الصابرين

الدنيا افترت بية، كعدت عالقنفة البنية جنتهم تهفي علية وامي حايرة بخولة تبجي

صاحت بيهة: اسكتي عاااد

جيرانة: علة كيفج يا عيني، شو انطينياهة، هية طفلة شيفهمهة

ام ازل: هاج اخذيهة مني لا ابتلي بيهة

طب عواد وجهة ميتفسر

امة طبت وراه

ام عواد: شبيجن شكووو