ثغرات الماضي

الفصل الثلاثون

#ثغرات_الماضي
#طيبة_الربيعي
*الفصل الثلاثون*

بنات انتو تعرفوني ماكتب قصص فلم هندي
وكلشي داجيبة من الواقع، واسوي قصة ممزوجة بخيال واقعي
يعني مداكذب عليكم من اكول واقعية
ماگدر اگول كل قصة انزلهة حقيقية مية بالمية لان نادراً ما تكون الروايات حقيقية مية بالمية
ولتصدگون كل كاتب يگول هذا حقيقي وهذا مية بالمية، لان هل شي مو صحيح، ماريد اجذب متابعين بالكذب، اريد متابعين يحبون اسلوبي بالكتابة ويفهمون المخزى والرسالة من كل قصة
واذا القصة تكون منقولة عن لسان صاحبهة هم لازم الكاتب يلعب بيهة حتة يجذب القارئ، فيا حبايبي متابعيني الاعزاء لتصدگون كلشي ينگال
كومة كاتبات ماشاءالله وكلمن لمستهة الخاصة بالكتابة، الساحة مفتوحة والي يريد يگدر يختار اليعجبة
قرائة مُمتعة💗
___________ღ___________

قبل ان تأخذ الحلوى المُقدمة لك وتقضم قطعة منها
تأكد بأنها ليست سامة...

ازل... نبضات گلبي بدت تتسارع، مرعوبة من الموقف الآني بي

ازل: منوووو انتةةةة

طفر علية جرني گمت اصيح واضرب بي، جسمة ضخم وضربة مني مثل ضربة الريشة بالنسبة لقوتة

ازل: منذررررر، منذررررررررر

- ششششش، سكتي لصيحين، لصيحين، ماسويلچ شي

دفعتة بقوة ووگعت بالگاع، زحفت للباب ماكو بس ضوة خفيف يجي من زرف الباب، حاولت اوصل للضوة بس انجريت وانشاليت بتك ايد

ازل: الله عليك عوفني، بداعة ستر اختك، هددددني

- ششششش

بدفعة وحدة صرت عالچرباية، حسيت الدنيا اسودت بعيوني

- يا الله، يا الله، يا علي ادركني'طيبة_الربيعي'

اردد يا الله والدموع محبوسة بعيوني

سد حلگي بيدة ومن صار فوگاية وحسيت الملابس بدت تتجرد مني مشفت بعيوني بعد، راسي ثگل وحيلي كلة باد

شال ايدة من حلگي

- ماگدر اقاومچ بعد، ضليتي براسي من يوم الشفتچ بالعرس

شفايفي يرجفن من حچيت

ازل: شنو، شنو عرس منو انتة

- كافي لتحچين
ازل: وخرررر، هدددددنييييي هدددددنيييي

بلحظة الي جردني من ملابسي وفعل فعلتة الشنيعة كرهت نفسي، وگمت الملم بروحي والطم بالزاوية
ماشوف منة شي بس اشتم ريحتة النتنة