ثغرات الماضي

الفصل السادس والعشرون

#ثغرات_الماضي
#طيبة_الربيعي
*الفصل السادس والعشرون*

مساء الخير💓
___________ ღ___________

رند... ثاني يوم ورة الدوام اخذني عماد للطبيب فحص خشمي وفعلاً طلع الغضروف معووج

گال يراد عملية جراحية بس الانعواج بسيط والعملية هم بسيطة

من صعدنة بالسيارة گتلة'طيبة_الربيعي'

رند: ماكو داعي عملية، هو يطيب من وحدة
عماد: لا ميخالف، هذا خشمچ الحلو لازم نداري
رند: منيلك انتة اخوية وراك زواج وراك مصاريف
عماد: تدبر، الرزقني فلوس الزواج يرزقني اضعاف اضعافهن
رند: ماگول غير الله يحفظك ويديم ظلك بالبيت
عماد: يلة عاد شمسويلچ اني، هاي اول مرة اقدملچ شي بي حظ
رند: شلون ممقدملي، بفضل الله ثم من تعبك وكدك اني دا ادرس ودتتوفرلي المصاريف والجو المناسب، لو ما انتة چان هسه گاعدة بالبيت لا شغلة ولا عملة
عماد: اخوچ موجود اطلبي وادللي يبعد عيناي
رند: سالمات عيونك يا عيوني

رجعنة للبيت

ام عماد: ها يمة بشرو
عماد: بسيطة، مسألة محلولة
ام عماد: يعني شنو
رند: الدكتور يگول عملية
ام عماد: صدگ چذب، هسه من كسر خشم البنية شگال لروحة
رند: يوم مو گتلچ ميدري خطية
عماد: الولد اعتذر مني وگال علية تكاليف العملية بس مارضيت، انسي الموضوع يمة فدوة لأخو حبيبتي رند وعشيرتهة

وضحك

رند: هاا هستوني بعد عيناي، شو گلبت علية بطرفة عين
عماد: ههههه اشاقيچ سنفورة
ام عماد: شلون بلة هية بيهة حيل عملية، انوب سادس شلون راح تدبر
رند: ماما مو عملية عملية، شي بسيط لتعظمين الأمور يا روحي انتي

ضل بالهة علية ومن حقهة تقلق على مستقبلي، بس شفت انو ماكو داعي تتعظم الأمور وهية صغيرة، لا اول ولا اخر وحدة ينكسر خشمهة، اني ليش فرحانة هلگد؟ معقولة افرح لان كسر خشمي؟
صدگ لو گالو ضربة الحبيب مثل اكل الزبيب ههههه

الدكتور گال بعد اسبوع تعالو نخلص كل الفحوصات والاوراق حتة نحدد موعد للعملية، ماريد اكلف عماد بس أصر انو اسويهة

مرن كم يوم واني الليل مانامة من ورة خشمي بي مجبورة اجاهل الوجع علمود اخلص دروسي
گاعدة اكتب ودگ موبايلي

رند: الوووو
صابرين: هلااااو
رند: هلو صبو
صابرين: شدسوين؟
رند: ادرس، ليش؟
صابرين: عوفي كلشي من ايدچ، عواد

بنفس اللحظة الجابت بيهة اسمة وگع القلم من ايدي

رند: شبي
ضحكت: عواد عواد
رند: شبي عواد
صابرين: وانتي ليش خفتي
رند: ها يعني ماكو شي؟
صابرين: انتي شتگولين؟
رند: شبي بي شي؟
صابرين: منو هو
رند: عواد، شبيچ يمعودة
صابرين: ههههههه'طيبة_الربيعي'
رند: مخابرتني تضحكين علية، ادري بيچ
صابرين: راح اجيچ من الأخير مو تگولين صابرين ضمت علية
رند: وهووو غير تحچي عاد
صابرين: امي جاية عليكم هسه بالطريق
رند: اي هلا بيهة، وين المشكلة
صابرين: مممممم
رند: صابرين لو ناصبة علية لو تردين شي ومترددة اطلبي
صابرين: بس اسئلچ سؤال قبل لا احچي
رند: اي گولي
صابرين: شنو رأيچ بعواد